एफिसी 2:8 - केवट नया कारार

⁸ कहिनेकी जब तुहें विश्वास कैल्हैं ते परमेश्वर आपन अनुग्रहसे तोरा बच्या लेल्कौ। तुहें आपन उद्धारके नैकमैल्हैं छे, यी ते परमेश्वरके दान छै।

एफिसी 2:8 Iomraidhean Croise

मत्ती 16:17

येशू ओकरा कहैल्कै, “योनाके बेटा सिमोन तुहें धन्यके छैं, कहिनेकी यी बातके ज्ञान तोरा कोनो आदमीसे नै, मगर स्वर्गमे भेल हमर परमेश्वर पिता तोरा यी प्रकट कैल्कौ छे।

मत्ती 20:9

तब मुन्सी लगभग पाँच बजे आबिके एक घण्टा काममे ऐल आदमीसिके पहेला बोल्याके सभैके पुरा एक दिनके रोजी एकटा चानीके सिक्का देल्कै।

मर्कूस 16:16

हमरामे विश्वास करेवाला आर बप्तिस्मा लिएवाला उद्धार पैतै, मगर हमरामे विश्वास नैकरेवाला दोषी ठहर्तै।

लूका 7:50

येशू ऊ जनानीके कहैल्कै, “परमेश्वर तोरा बचैल्कौ छे कहिनेकी तुहें हमरापर भरोसा कैल्हैं छे, तुहें कुशलसे जो।”

यूहन्ना 3:36

जे परमेश्वरके बेटापर विश्वास करैछै, ओकरलगत कहियो खतम नैहुएवाला जीवन छै। जे परमेश्वरके बेटाके आज्ञापालन नैकर्तै, ऊ कहियो खतम नैहुएवाला जीवन नैपैतै। मगर परमेश्वरके सजाय ओकरापर पड्तै।

यूहन्ना 4:10

येशू ओकरा कहैल्कै, “तुहें नैजानैछैं कि परमेश्वर तोरा कि दियैले चाहैछौ आर के तोरासे पानी माँगैछौ। अगर तुहें जान्तिहैं ते, तुहें हमरासे यी माँगतिहैं आर हमे तोरा जिन्दा पानी देतियौ जे जीवन दैछै।”

यूहन्ना 5:24

हमे तोरासिके सच कहैछियौ, जे हमर वचन सुनैछै, आर हमरा भेजेवालापर विश्वास करैछै, ओकरलगत कहियो खतम नैहुएवाला जीवन छै। ओकरा सजाय देल नैजैतै, मगर ऊ कहियो खतम नैहुएवाला मौतसे बची गेलै छे आर पहलहैसे ही नया जीवनमे प्रवेश करि लेल्कै छे।

यूहन्ना 6:35

येशू ओकरासिके कहैल्कै, “रोटी जे कहियो खतम नैहुएवाला जीवन दैछै ऊ हमे छियै। हमरलगत आबेवालाके कहियो भुख नैलाग्तै, आर हमरपर विश्वास करेवालाके कहियो प्यास नैलाग्तै।

यूहन्ना 6:37

मगर पितासे हमरा देल सभेको हमरलगत ऐतै, आर हमरलगत आबेवालाके हमे कोनो रितीसे नैत्यागबै।

यूहन्ना 6:40

कहिनेकी हमर पिताके इच्छा यी छै, जे कोय हमे, आदमीके बेटाके देखिके ओकरापर विश्वास करैछै, ओकरा कहियो खतम नैहुएवाला जीवन मिलैछै आर संसारके अन्तके दिनमे हमे ओकरासिके मुर्दासे जिन्दा बनैबै।”

यूहन्ना 6:44

हमरा भेजेवाला परमेश्वर पिता हमरलगत आबैके मन नैदेतै ते कोय भी हमरलगत नैआबे सक्तै, हमरलगत आबेवालाके हमे संसारके अन्तके दिनमे जिन्दा बनैबै।

यूहन्ना 6:65

तकरबाद येशू फेर कहैल्कै, “सेल्याके हमे तोरासिके कहैलियौ छे, हमर परमेश्वर पिता हमरलगत आबैके मन नैदियै तक कोय भी आदमी हमरलगत नैआबे सकैछै।”

चुन्ल आर भेज्ल चेलासब 13:39

आर जे बातसिसे तुहेंसब मूसाके विधि-विधानके द्वारा निर्दोष नैठहरे सक्ते रह, ओक्रहैसिमेसे हरेक विश्वास करेवाला आदमी येशूके द्वारा निर्दोष ठहरैछै।

चुन्ल आर भेज्ल चेलासब 14:27

ओत्ते पहुँचीके ऊसब एन्टीओखिया सहरके मण्डलीके जमा करैल्कै आर कहैल्कै कि परमेश्वर हमरसिके संगे भ्याके केरं बडका-बडका काम कैल्कै आर गैर-यहूदी आदमीसिके परमेश्वर केरंके येशू ख्रीष्टमे विश्वास करैके लिए सक्षम बनैल्कै।

चुन्ल आर भेज्ल चेलासब 15:11

एरंको करना सही नैछै। ओकरसिके जुगुर अपनासब भी विश्वास करिके आपनसिके प्रभु येशूके अनुग्रहसे उद्धार पैलियै छे। अपनासब मूसाके देल विधि-विधान पालन करिके उद्धार नैपैलियै छे।”

चुन्ल आर भेज्ल चेलासब 16:14

हमरसिके बात सुनेवालासिमेसे लिडिया नामके एकटा जनानी रहै। ऊ थिआटिरा सहरके निवासी रहै आर बैगनी रंगके कपडाके व्यापार कर्ते रहै। ऊ परमेश्वरके भक्ति करेवाला एकटा भक्त जनानी रहै। पावलके कहेल बात ध्यानसे सुनै कहिके प्रभु ओकर मन खोली देल्कै।

चुन्ल आर भेज्ल चेलासब 16:31

तब ऊसब कहैल्कै, “प्रभु येशू ख्रीष्टमे विश्वास कर, तब तुहें आर तोर घराना उद्धार पैभ।”

रोमी 10:14

मगर परमेश्वरसे सहायता माँगैसे पहेला, आदमीसिके ओकरापर विश्वास करना चाही, आर ऊसब ओकरापर विश्वास करैसे पहेला, ओकरासिके ओकर बारेमे सुनना चाही, आर आदमीसिके प्रभुके बारेमे सुनैके लिए, येशू ख्रीष्टमे विश्वास करैके बारेमे कक्रहौ ओकरासिके बताना चाही।

रोमी 10:17

सेल्याके विश्वास तब आबैछै जब तुहेंसब सन्देश सुनैछैं, आर उटा सन्देश येशू ख्रीष्टके बारेमे सन्देश छै।

रोमी 4:16

यी प्रतिज्ञा परमेश्वरमे भेल विश्वासमे आधारित हैछै, ताकी परमेश्वरके प्रतिज्ञा ओकर अनुग्रहद्वारा पक्का है। उटा प्रतिज्ञा अब्राहमके सन्तानसिके लिए खाली नैछै जकरसंगे विधि-विधान छै। यी प्रतिज्ञा विश्वास हुऐके कारण अब्राहमके सन्तान भेल सभैके लिए छै, जेरंको ओकर विश्वास रहै। अब्राहम अपनासब सभैके पूर्वज छै।

रोमी 4:5

मगर जे आदमी परमेश्वरके समर्थन पाबैके लिए काम नैकरैछै, मगर पापी आदमीसिके धर्मी बनाबेवाला परमेश्वरपर भरोसा राखैछै, ओकरसिके विश्वासके कारणसे ऊ आदमीसब धर्मी घोषित कैल जैछै।

रोमी 9:16

सेल्याके ते परमेश्वर ऊ आदमीके चुन्तै जकरापर ऊ दया देखाबैके निर्णय लैछै। ओकर पसन्द यी बात पर आधारित नैहैछै कि आदमीसब कि चाहैछै या कि करैके कोशिश करैछै।

गलाती 3:14

ख्रीष्ट यी इहे कारणसे कैल्कै ताकी गैर-यहूदी आदमीसब उहे आशीर्वाद पैतै जे येशू ख्रीष्टद्वारा परमेश्वर अब्राहमके दियैके लिए प्रतिज्ञा कैल्कै रहे, आर येशू ख्रीष्टमे विश्वास करैके कारणसे ऊ अपनासिके प्रतिज्ञा कैल पवित्र आत्मा अपनासब पाबे सकियै।

गलाती 3:22

मगर धरमशास्त्र कहैछै कि यी संसारके सभे आदमीसब पापके शक्तिके बन्धनमे छै, ताकी उटा उपहार जकरा परमेश्वर विश्वासके आधारमे दियैके प्रतिज्ञा कैल्कै रहे, उटा प्रतिज्ञा ऊ आदमीसिके मिले सकै जे येशू ख्रीष्टमे भरोसा राखैछै।

एफिसी 1:19

हमे चाहैछियै कि तुहेंसब उटा महान आर बडका शक्तिके विषयमे जान्हैं जे परमेश्वरके लगत आपनसिके लिए छै, जेसब ख्रीष्टमे विश्वास करैछै। यी उहे बडका शक्ति छै,

एफिसी 2:10

कहिनेकी अपनासब परमेश्वरके सृष्टि छियै, ख्रीष्ट येशूमे बढियाँ काम करैके लिए अपनासिके नया आदमीके रुपमे सृष्टि कैल गेलै जकरा परमेश्वर पहलहैसे अपनासब करियै कहिके तैय्यार कैल्कै रहे।

एफिसी 2:5

अपनासब खराब कामसब आर पापसिके कारण मर्ल आदमीसिके जुगुर रहियै। परमेश्वर अपनासिके जीवन देल्कै, जब परमेश्वर ख्रीष्टके मुर्दासे जिन्दा बनैल्कै। परमेश्वरके अनुग्रहसे ही तोरसिके उद्धार भेलौ छे।

फिलिप्पी 1:29

कहिनेकी परमेश्वर तोरासिके खाली ख्रीष्टमे विश्वास करैके ही नै मगर ओकरामे विश्वास करैके कारणसे दुःख भोगैके अवसर भी देल्कौ छे।

कलस्सी 2:12

जब तुहेंसब बप्तिस्मा लेल्हैं, तुहेंसब ख्रीष्टके जुगुर गाड्ल गेल्हैं, आर ख्रीष्टके जुगुर मुर्दासे जिन्दा करैल गेल्हैं। यी इहे ल्याके भेलै कि तुहेंसब यी बातमे विश्वास कैल्हैं कि परमेश्वर, आपन शक्तिद्वारा, ख्रीष्टके मुर्दासे जिन्दा बनैल्कै।

२ थेसलोनिकी 1:9

ऊसब सभे दिनके लिए प्रभुसे अलग हैतै आर ओकर आदरमे भाग नैपैतै। आर ऊ ओकरासिके कहियो खतम नैहुएवाला सजाय द्याके विनाश कर्तै।

हिब्रू 6:4

जे आदमीसब आपन विश्वासके त्यागी दैछै, ओकरासिके फेरसे पाप करैले छोडिके परमेश्वरके तरफ मन लगाबैके स्थितितक वापस नै आन्ल ज्या सकैछै। ऊसब एकबेर परमेश्वरके सच्चाईके चिन्हल्कै छे आर स्वर्गसे वरदान प्राप्त कैल्कै छे आर दोसरसिके संगे मिलिके पवित्र आत्मा प्राप्त भेलै छे।

१ पत्रुस 1:5

आर तोर विश्वासके द्वारा, परमेश्वर आपन शक्तिसे तोरसिके रक्षा करैछौ जबतक कि तुहें शैतानके शक्तिसे पुरा उद्धार पाबि नैलैछहैं जे कि ख्रीष्टके वापस आबैके दिनमे देखैल जैके लिए तैय्यार छै।