एफिसी 2:3 - केवट नया कारार

³ अपनासब सभेको भी ओकरेसिके जुगुर पापी स्वभावके इच्छाके मुताबिक व्यवहार कर्ते रहियै। आपनसिके खराब इच्छासब आर विचारसब जे भी अपनासिसे करवाबैले चहते रहै, अपनासब ओकरे अनुसरण कर्ते रहियै। दोसर आदमीसिके जुगुर अपनासब भी स्वभाविक रुपसे खराब रहियै आर परमेश्वरके सजायके अधिनमे रहियै।

एफिसी 2:3 Iomraidhean Croise

मर्कूस 4:19

मगर यी संसारके चिन्ता-फिकिर, धन-दौलतके मोह-माया, आर अलग अलग चीजके लोभ ओकरासिमे आबिके वचनके बढैसे रोकी दैछै। एरंको आदमी परमेश्वरके वचनके मुताबिक नैजिये सकैछै।

यूहन्ना 1:13

ऊसब मयाँ-बाबुसे नैजन्मलै छे, आदमीके इच्छासे या कोनो एकटा आदमीके सन्तान पाबैके इच्छासे नै मगर परमेश्वरसे जनमल हैछै।

यूहन्ना 8:44

तुहेंसब आपन बाबु शैतानके सन्तान छैं, आर तुहेंसब ओकरे इच्छा पुरा करैले चाहैछैं। ऊ ते शुरुहैसे हत्यारा छै, आर ओकरा सच्चाईसे कुछु लेना देना नैछै, कहिनेकी ओकरामे सच्चाई छैबे नैकरै। ऊ जब झुठ बोलैछै ते ऊ आपन स्वभावके अनुसार ही बोलैछै, कहिनेकी ऊ झुट्ठा छै आर झुठके बाबु छै।

चुन्ल आर भेज्ल चेलासब 14:16

ऊ पहेलाके बित्ल समयमे जात-जातके आदमीसिके आपन-आपन रिती मुताबिक चलैले देल्कै।

रोमी 1:24

सेल्याके परमेश्वर ओकरासिके ओकरसिके मनके अभिलाषासिके मुताबिक यौन अशुद्धताके लिए छोडिदेल्कै, ताकी ऊसब आपसमे खराब कामसिमे आपन शरीरके अनादर करै।

रोमी 11:30

कहिनेकी तहुँसब भी एकबेर परमेश्वरके आज्ञापालन नैकर्ते रहैं, मगर आब यहूदी आदमीसिके अनाज्ञाकारितासे तुहेंसब दया पैल्हैं छे।

रोमी 13:14

प्रभु येशू ख्रीष्ट तोरसिके हतियार बनौ आर पापी स्वभावके अभिलाषा पुरा करेवाला बातमे ध्यान नैदहैं।

रोमी 2:14

फेर जब गैर-यहूदी आदमीसब जकर लगत मूसाके विधि-विधान नैछै, आदमीसब स्वभाविक रुपसे मूसाके विधि-विधानमे पाबेवाला कामसिमेसे कुछु कामसिके करैछै ते, मूसाके विधि-विधान ओकरसिके लगत नैभेल पर भी ऊसब साबित करैछै कि ओकरसिके लगत ओकरसिके आपन मनमे एकटा विधि-विधान छै।

रोमी 5:10

कहिनेकी जब अपनासब परमेश्वरके दुश्मनसब रहियै, ऊ आपन बेटाके मौतके द्वारा परमेश्वर आपनसिसे मिलाप कैल्कै। इहे ल्याके अपनासब निश्चित रुपसे यी जाने सकैछियै कि आब जब कि आपनसिके ओकरसंगे मिलाप छै ते ऊ अपनासिके बचैतै कहिनेकी ख्रीष्ट जिन्दा छै।

रोमी 5:9

ख्रीष्ट आपनसिके लिए मरैके कारणसे आर आपनसिके पापके लिए आपन खून बहाबैके कारणसे अपनासब परमेश्वरमे धर्मी घोषित भेल छियै। अपनासब परमेश्वरमे धर्मी घोषित भेल छियै आर ख्रीष्ट जरुर ही अपनासिके परमेश्वरके क्रोधसे बचैतै।

रोमी 6:12

सेल्याके पापमय इच्छासिके आपन जीवनमे राज्य करैले नैदहैं आर आपन पापमय इच्छासिके मुताबिक काम नैकर।

रोमी 7:18

कहिनेकी हमरा मालुम छै, कि हमरामे, यानिकी हमर पापी स्वभावमे कोनो बढियाँ बात बास नैकरैछै। उटा बढियाँ काम करैके हमरामे इच्छा छै, मगर उटा बढियाँ काम हमे पुरा करैले नैसकैछियै।

रोमी 9:22

परमेश्वरके अधिकार छै कि जे आदमीसिके ऊ बनैल्कै छे ओकरसिके संगे आपन इच्छाके मुताबिक जेरं चाहै ओरं करे सकैछै। परमेश्वर आपन गोस्सा देखाबैले चहते रहै आर सभैके विरुद्ध आपन शक्ति प्रकट करैले चहते रहै जेसब नाश हुऐके हकदार छै। मगर एकर बदलामे, ऊ धीरजके साथ ओकरासिके सहैल्कै।

१ कोरन्थी 4:7

कोय भी तोरासिके दोसर आदमीसिसे बेसी महत्वपूर्ण नैबनैल्कौ छे। तोरसिके संगे जे छौ उटा सभे चीज परमेश्वर तोरासिके दियैके कारणसे तोरसिके संगे घमण्ड करैके कोनो अधिकार नैछौ।

२ कोरन्थी 7:1

कहिनेकी हे प्रियसब, परमेश्वर अपनासिके आपन बेटा-बेटीसिके जुगुर स्वीकार करैके लिए एरं प्रतिज्ञा कैल्कै छे, इहे ल्याके अपनासब उटा सभे खराब काम बन्द कर जे तोरसिके शरीर आर आत्माके अशुद्ध बनाबैछै। परमेश्वरके भय मान आर आदर कर। या अपनासब पुरा तरहसे पवित्र हुऐके लिए काम करैछियै।

गलाती 3:22

मगर धरमशास्त्र कहैछै कि यी संसारके सभे आदमीसब पापके शक्तिके बन्धनमे छै, ताकी उटा उपहार जकरा परमेश्वर विश्वासके आधारमे दियैके प्रतिज्ञा कैल्कै रहे, उटा प्रतिज्ञा ऊ आदमीसिके मिले सकै जे येशू ख्रीष्टमे भरोसा राखैछै।

एफिसी 2:2

उटा समयमे तुहेंसब परमेश्वरके नैचिन्हेवाला यी संसारके आदमीसिके तौर-तरिकामे चल्लहैं। आर तुहेंसब शैतानके आज्ञापालन कर्ते रहैं, जे ब्रम्हाण्डमे भेल भूतसिपर शासन करैछै, जे एखन भी परमेश्वरके आज्ञापालन नैकरेवाला आदमीसिके नियन्त्रण करैके कोशिश करैछै।

एफिसी 4:22

तोरसिके शिक्षकसब तोरासिके उटा तरिकाके त्यागैके शिक्षा देल्कौ, जकर मुताबिक तुहेंसब व्यवहार कर्ते रहैं आर आपन पापमय व्यवहारके त्याग। तोरसिके खराब इच्छासब तोरासिके धोखा देल्कौ आर तोरसिके जीवनके बर्बाद करि देल्कौ।

कलस्सी 1:21

तुहेंसब कोनो समयमे परमेश्वरसे दूर रहैं आर आपन खराब कामके कारण आपन मनमे परमेश्वरके विरोधी रहैं।

१ थेसलोनिकी 4:13

हे हमर विश्वासी भ्या-बहिनसब, तुहेंसब यी जान कहिके हमेसब चाहैछियै कि ऊ विश्वासीसिके कि हैतै जे पहेला ही मर्ल छै। एरं नैहै कि तुहें दोसर आदमीसिके जुगुर शोक कर कहिनेकी ऊसब मर्लके बाद फेर जिन्दा हैतै कहिके ओकरासिके आशा नैहैछै।

१ थेसलोनिकी 5:6

सेल्याके अपनासब प्रभु येशूके फेर वापस आबेवाला दिनके तैय्यारी नैकरेवाला आदमीसिके जुगुर नैसुत। मगर सचेत र आर होशियार र।

१ तिमोथी 6:9

मगर मातबर हुऐके इच्छा करेवाला आदमीसब सभे किसिमके पाप करैके लिए आसानीसे धोखा खैछै, आर जानवरके जुगुर फाँसमे फसैछै। ऊसब ऊ चीजसब करैले चाहैछै जे ओकरसिके लिए मूर्खतापूर्ण आर खतरनाक छै आर यी इच्छा ओकरासिके बर्बादीके तरफ ल्याजैतै आर नाश करि देतै।

तीतस 3:3

कहिनेकी अपनासब भी विश्वासी हुऐसे पहेला मूर्ख रहियै, परमेश्वरके आज्ञापालन नैकर्ते रहियै आर आदमीसब अपनासिके धोखा देल्कै रहे। अपनासब दासके जुगुर रहियै जे सभे प्रकारके खराब कामसब करैके इच्छासे नियन्त्रित रहै जकरासे अपनासिके आनन्द मिल्ते रहै। अपनासब आपन समयके खराब तरिकासे व्यवहार करैमे आर दोसर आदमीसिसे ईर्ष्या करैमे बितैते रहियै। अपनासब घृणित आदमीसब रहियै; सभेको अपनासिके घृणा कैल्कै आर अपनासब भी ओकरासिके घृणा कैलियै।

१ पत्रुस 1:14

परमेश्वरके आज्ञापालन कर जेरंके बढियाँ बच्चा आपन बाबुके आज्ञापालन करैछै। आपन खराब इच्छासिके संतुष्ट बनाबैके लिए आपन जीवन जियैके पुरना तौर-तरिकाके महर वापस नैजो।

२ पत्रुस 2:14

ऊसब हरेक जनानीके संगे व्यबिचार करैले चाहैछै, जकरा ऊसब देखैछै। ऊसब पाप करैके मौका खोजैसे कहियो पाछु नैहटैछै। ऊसब ऊ आदमीसिके धोखा दैछै जेसब ख्रीष्टमे मजगुतीसे विश्वास नैकरैछै, आर ऊसब ओकरासिके पापके तरफ ल्याजैछै। ओकरसिके बेसीसे बेसी चीजसिके पाबैके सभे दिन बढते रहेवाला इच्छाके कारण परमेश्वर ओकरासिके सजाय देतै।

२ पत्रुस 2:18

जब ऊसब आदमीसिके सिखाबैछै, ऊसब बेकारके आर घमण्डसे भर्ल शब्दसिके इस्तमाल करैछै। ऊसब आदमीसिके बताबैछै कि ओकरसिके आपन शरीर जे करैले चाहैछै उटा लजलग्गा काम करे सकैछै आर ऊसब आदमीसिके फेरसे पाप करैके लिए भरम्या दैछै जे आदमीसब कुछु समय पहेला ही दुष्ट जीवनशैली त्यागल्कै छे।

१ यूहन्ना 2:16

कहिनेकी शरीरके आनन्द पुरा करैके इच्छा करना, देख्ल चीजसिके आपनसंगे हुऐके इच्छा करना, आपन संगमे भेल चीजपर आर आपन कैल कामपर घमण्ड करना, यी सभे चीज संसार दैछै। यी बातसब परमेश्वर पिताके तरफसे नैऐलै छे मगर संसारके तरफसे ऐलै छे।

१ यूहन्ना 2:8

तैय्योपर हमे तोरासिके एकटा नया आज्ञा लिखैछियौ आर यी सच्चाई ख्रीष्टमे आर तोरासिमे भी दिखाई पडैछै। कहिनेकी दुष्टता खतम हैले जैछै मगर आदमीसब परमेश्वरके सच्चाई उजेतके जुगुर ख्रीष्टके जीवनमे देखैछै।