एफिसी 2:2 - केवट नया कारार

² उटा समयमे तुहेंसब परमेश्वरके नैचिन्हेवाला यी संसारके आदमीसिके तौर-तरिकामे चल्लहैं। आर तुहेंसब शैतानके आज्ञापालन कर्ते रहैं, जे ब्रम्हाण्डमे भेल भूतसिपर शासन करैछै, जे एखन भी परमेश्वरके आज्ञापालन नैकरेवाला आदमीसिके नियन्त्रण करैके कोशिश करैछै।

एफिसी 2:2 Iomraidhean Croise

मत्ती 11:19

मगर जब हमे, आदमीके बेटा दोसर आदमीसिके जुगुर खैलियै आर पिलियै, आर ऊसब कहैछै, ‘देख्, घिचक्कड, पियक्कड, कर उठाबेवाला आर पापी आदमीसिके दोस्त।’ मगर एकटा आदमीके काम यी साबित करैछै कि बुद्धिमान के छै।”

मत्ती 13:22

काँटके झौंकीसिके बीचमे बुन्ल बिहन ऊ एरंको आदमी छै, जे परमेश्वरके वचन सुनिके भी यी संसारके चिन्ता-फिकिर करैछै आर धन-दौलतके मोह-मायामे फसैछै। आर ओकरसिके जीवनमे वचनके बढैसे रोकी दैछै। एरंको आदमी परमेश्वरके वचन मुताबिक नैजिये सकैछै।

मत्ती 13:38

खेत संसारमे भेल आदमीसब छै। बढियाँ बिहन परमेश्वरके राज्यके आदमीसब छै, आर जंगली ज ऊ आदमीसब छै जे शैतानसे सम्बन्धित छै।

मर्कूस 4:19

मगर यी संसारके चिन्ता-फिकिर, धन-दौलतके मोह-माया, आर अलग अलग चीजके लोभ ओकरासिमे आबिके वचनके बढैसे रोकी दैछै। एरंको आदमी परमेश्वरके वचनके मुताबिक नैजिये सकैछै।

लूका 16:8

तब ओकर मालिक ऊ अधर्मी मुन्सीके चलाकीसे कैल कामके तारिफ कैल्कै। अहिने करिके यी संसारके आदमीसब अपने पुस्ताके दोसर आदमीसिसे व्यवहार करै बखत धर्मी आदमीसे आरहौ बेसी चलाक हैछै।

लूका 22:31

सिमोन, सिमोन, देख, शैतान तोरसिके सभैके जाँच करैके लिए परमेश्वरसे अनुमति माँगल्कै छे, बढियाँके खराबसे अलग करैके लिए, जेरंके एकटा किसान गहुमके भुस्सासे अलग करैछै।

यूहन्ना 12:31

संसारमे आदमीसिके फैसला करैके लिए परमेश्वरके समय आबी गेलै छे। येशूके द्वारा यी संसारके शासक शैतानके शक्तिके नाश करैके समय ऐल छै।

यूहन्ना 13:2

येशू आर ओकर चेलासब रातके खाना खैते रहै। शैतान पहलहैसे ही येशूके धोखा दियैके लिए सिमोनके बेटा यहूदा स्करियोतके मनमे डाली चुक्लै रहे।

यूहन्ना 13:27

यहूदा रोटीके टुकरा लेलके बाद, येशू ओकरा कहैल्कै, “तुहें जे करेवाला छैं उटा जल्दी कर।” ऊ समयमे शैतान यहूदाके आपन वशमे कैल्कै।

यूहन्ना 14:30

हमरलगत तोरसिसे बात करैके लिए ढेर समय नैबच्लै छे, कहिनेकी यी संसारके मालिक जे शैतान छै ऊ आबैछौ। हमरपर ओकर कोनो शक्ति नैछै।

यूहन्ना 15:19

यदि तुहेंसब यी संसारके आदमीसिके जुगुर हैतिहैं ते संसारके आदमीसब तोरासिके आपन आदमी कहिके प्रेम कर्तियौ। मगर तुहेंसब यी संसारसे सम्बन्ध नैराखैछैं। कहिनेकी तोरासिके संसारसे हमे चुन्लियौ, सेल्याके संसारके आदमीसब तोरासिके घृणा करैछौ।

यूहन्ना 16:11

आर न्यायके विषयमे सच्चाईके देखैतै, कहिनेकी परमेश्वर पहेला ही यी संसारके मालिक शैतानके दोषी ठहरैल्कै छे।

यूहन्ना 7:7

यी संसारके आदमीसब तोरासिके घृणा नैकरे सकैछौ, मगर हमरासे घृणा करैछै कहिनेकी हमे एकर बारेमे यी बताबैछियै कि ओकरसिके काम खराब छै।

यूहन्ना 8:23

ऊ ओकरासिके कहैल्कै, “तुहेंसब एत्ते यी संसारमे जनमलहैं रहे, मगर हमे स्वर्गसे ऐलियै छे, तुहेंसब इहे संसारके छैं, मगर हमे यी संसारके नैछियै।

यूहन्ना 8:44

तुहेंसब आपन बाबु शैतानके सन्तान छैं, आर तुहेंसब ओकरे इच्छा पुरा करैले चाहैछैं। ऊ ते शुरुहैसे हत्यारा छै, आर ओकरा सच्चाईसे कुछु लेना देना नैछै, कहिनेकी ओकरामे सच्चाई छैबे नैकरै। ऊ जब झुठ बोलैछै ते ऊ आपन स्वभावके अनुसार ही बोलैछै, कहिनेकी ऊ झुट्ठा छै आर झुठके बाबु छै।

चुन्ल आर भेज्ल चेलासब 19:35

तब सहरके हाकिम भीडके आदमीसिके शान्त करिके कहैल्कै, “हे एफिसस सहरवासीसब, सभेकोय जानैछै कि एफिसस सहरके आदमीसब महान देवी आर्तेमिसके मन्दिर आर आकाशसे खस्ल ओकर मूर्तिके रक्षक छै।

चुन्ल आर भेज्ल चेलासब 5:3

मगर पत्रुस कहैल्कै, “हे हननिया, पवित्र आत्मासे झुठ बोलैले आर जमिन बिक्रीके मोलसे कुछु हिस्सा आपन लगत राखैके बात शैतान केरंके तोर मनमे भरि देल्कौ?

रोमी 12:2

यी संसारके तौर तरिकामे नैचल, मगर तोरसिके मन पुरा रुपसे परिवर्तन हौ, जकरासे तुहें परमेश्वरके बढियाँ, ग्रहणयोग्य आर सिद्ध इच्छाके पता लगाबे सक्हैं।

१ कोरन्थी 5:10

ओकर मतलब यी नैछै कि तुहेंसब यी संसारके व्यबिचारीसब, लोभीसब, या दोसर आदमीसिके धोखा दिएवालासब, या मूर्तिपूजकसिके संगे संगत नैकरना छौ। एरं हैतियै ते तोरासिके यी संसारसे ही निक्ले पड्तियौ।

१ कोरन्थी 6:11

पहेला तोरासिमेसे कुछु आदमीसब एरं व्यवहार कर्ते रहै, मगर परमेश्वर तोरसिके पापसिके धोय देल्कै छे आर तोरासिके पवित्र बनैल्कौ छे आर प्रभु येशू ख्रीष्टके नामके पुकारा करिके आर आपनसिके परमेश्वरके आत्माद्वारा तुहेंसब परमेश्वरके नजरमे धर्मी घोषित कैल गेल्हैं छे।

२ कोरन्थी 4:4

यी संसारके देवता शैतान परमेश्वरके नैचिन्हेवाला आदमीसिके बुद्धिके अनराह बन्या देल्कै छे, सेल्याके ऊसब ख्रीष्ट आर ओकर महिमाके विषयमे खुश-खबरीके नैबुझे सकैछै। ख्रीष्ट परमेश्वरके प्रतिरुप छै।

गलाती 1:4

आपनसिके परमेश्वर आर पिताके इच्छाके मुताबिक येशू ख्रीष्ट अपने आपके आपनसिके पापसिके कारण बलिदान करिदेल्कै ताकी अपनासब यी वर्तमान संसारके आदमीसिके खराब प्रभावसे बचिके रहियै।

एफिसी 1:21

ख्रीष्ट सभे शासनसब, अधिकारसब, शक्तिसब, आर राज्यसिसे उप्पर छै। ओकर पदवी खाली यी युगमे ही नै, मगर आबेवाला युगसिमे भी हरेक शासकसिके पदवीसे उप्पर छै।

एफिसी 2:11

सेल्याके याद कर, कि तुहेंसब जनमसे ही गैर-यहूदी आदमीसब छैं। यहूदी आदमीसब तोरसिके खतना भेल नैछौ कहिके तोरसिके मजाक उडैल्कौ, मगर ऊसब सोचल्कै कि ओकरसिके खतना हुऐके कारण ऊसब परमेश्वरके छै। मगर ओकरसिके यी रिती खाली ओकरसिके शरीरमे कैल जैछै।

एफिसी 2:13

एक समयमे तुहेंसब परमेश्वरसे दूर रहैं, मगर आब परमेश्वर येशू ख्रीष्ट तोरसिके लिए बहैल उटा खूनके माध्यमसे तोरासिके आपन नज्दिक आनल्कौ छे।

एफिसी 2:3

अपनासब सभेको भी ओकरेसिके जुगुर पापी स्वभावके इच्छाके मुताबिक व्यवहार कर्ते रहियै। आपनसिके खराब इच्छासब आर विचारसब जे भी अपनासिसे करवाबैले चहते रहै, अपनासब ओकरे अनुसरण कर्ते रहियै। दोसर आदमीसिके जुगुर अपनासब भी स्वभाविक रुपसे खराब रहियै आर परमेश्वरके सजायके अधिनमे रहियै।

एफिसी 4:17

सेल्याके प्रभु हमरा देल अधिकारके साथ हमे तोरासिके यी बताबैछियौ कि जेरं अविश्वासी आदमीसब ओकरसिके बेकारके विचारके साथ आपन रीतिमे चलैछै, आब तुहेंसब फेर एरं जीवन नैजिते र।

एफिसी 4:22

तोरसिके शिक्षकसब तोरासिके उटा तरिकाके त्यागैके शिक्षा देल्कौ, जकर मुताबिक तुहेंसब व्यवहार कर्ते रहैं आर आपन पापमय व्यवहारके त्याग। तोरसिके खराब इच्छासब तोरासिके धोखा देल्कौ आर तोरसिके जीवनके बर्बाद करि देल्कौ।

एफिसी 5:6

ऊ आदमीसिके द्वारा मूर्ख नैबन जेसब यी पापसिके लिए बहाना बनाबैके कोशिश करैछै, कहिनेकी इहे कामसिके कारणसे परमेश्वरके क्रोध ओकर आज्ञा नैमानेवाला आदमीसिपर पडैछै।

एफिसी 5:8

तुहेंसब अनहारमे रहेवाला आदमीसिके जुगुर रहैं, मगर आब तुहेंसब उजेतमे रहेवाला आदमीसब छैं कहिनेकी तुहेंसब प्रभुसे सम्बन्धित छैं। सेल्याके उजेतमे रहेवाला आदमीसिके जुगुर काम कर।

एफिसी 6:12

कहिनेकी आपनसिके लडाई आदमीसिके विरुद्धमे नैछै, मगर एकर बदलामे अपनासब भूत आर ओकरसिके अगुवासिके विरुद्धमे लडाई करैछियै, जे यी अनहारके संसारमे शासन करैछै, अपनासब ब्रम्हाण्डके दुष्ट शक्तिसिके विरुद्धमे लडाई करैछियै।

कलस्सी 1:21

तुहेंसब कोनो समयमे परमेश्वरसे दूर रहैं आर आपन खराब कामके कारण आपन मनमे परमेश्वरके विरोधी रहैं।

२ तिमोथी 4:10

कहिनेकी डेमास यी संसारमे भेल बातसिके प्रेम करिके हमरा त्यागी देल्कै, आर ऊ थेसलोनिके सहरमे गेलै छे, आर भ्या क्रेसेन्स गलातिया प्रदेशमे गेलै छे, आर तीतस दलमातिया प्रदेशमे गेलै।

याकूब 1:27

आपनसिके परमेश्वर पिताके नजरीमे शुद्ध आर निष्कलंक धरम यी छै, कि दुःखमे पडल अनाथ आर मोसामातसिके देखभाल करना, आर खुदके संसारमे भेल खराब आचरणसे बच्याके राखना।

याकूब 1:7

एरंको आदमी आपन मन बदलते रहैछै आर ऊ भरोसामन्द नैहैछै। एरंको आदमी यी आशा नैराखक कि परमेश्वरसे ओकरा कुछु मिल्तै।

याकूब 4:4

हे विश्वासघाती आदमीसब, कि तुहेंसब नैजानैछैं कि संसारके चीजसिके संगे दोस्ती करना परमेश्वरके संगे दुश्मनी करना छै? सेल्याके जे कोय संसारके चीज संगे दोस्ती राखैले चाहैछै ऊ अपने आपके परमेश्वरके दुश्मन बनाबैछै।

१ पत्रुस 1:14

परमेश्वरके आज्ञापालन कर जेरंके बढियाँ बच्चा आपन बाबुके आज्ञापालन करैछै। आपन खराब इच्छासिके संतुष्ट बनाबैके लिए आपन जीवन जियैके पुरना तौर-तरिकाके महर वापस नैजो।

१ पत्रुस 4:3

बित्ल समयमे तुहेंसब उटा सभे करैमे बहुते समय बर्बाद करि देल्हैं जकरा करिके अविश्वासी आदमीसब आनन्द लैछै। तोरसिके जीवन अनैतिकता आर वासना, ओकरसिके भोज आर पियक्कडपन आर मौज-मजासब आर ओकरसिके मूर्तिसिके पूजामे बितते रहौ जकरासे परमेश्वर घृणा करैछै।

२ पत्रुस 2:14

ऊसब हरेक जनानीके संगे व्यबिचार करैले चाहैछै, जकरा ऊसब देखैछै। ऊसब पाप करैके मौका खोजैसे कहियो पाछु नैहटैछै। ऊसब ऊ आदमीसिके धोखा दैछै जेसब ख्रीष्टमे मजगुतीसे विश्वास नैकरैछै, आर ऊसब ओकरासिके पापके तरफ ल्याजैछै। ओकरसिके बेसीसे बेसी चीजसिके पाबैके सभे दिन बढते रहेवाला इच्छाके कारण परमेश्वर ओकरासिके सजाय देतै।

१ यूहन्ना 3:10

एक्रहैसे परमेश्वरके बेटा-बेटीसब आर शैतानके बेटा-बेटीसब चिन्हल जैछै। ऊ जेसब सही काम करैछै, ऊसब परमेश्वरके बेटा-बेटीसब छै आर ऊ जेसब आपन विश्वासी भ्या-बहिनसिसे प्रेम नैकरैछै, ऊसब परमेश्वरके बेटा-बेटीसब नैछै।

१ यूहन्ना 3:8

जे आदमी निरन्तर पाप करैछै ऊ शैतानके आदमी छै। कहिनेकी शैतान ते शुरुहैसे पाप कर्ते ऐलै छे। शैतानके कामके नाश करैके लिए ही परमेश्वरके बेटा ऐलै छे।

१ यूहन्ना 4:4

तुहेंसब जे हमर प्यारा बच्चासिके जुगुर छैं, तुहेंसब परमेश्वरके आदमीसब छैं, आर झुट्ठा परमेश्वरके वक्तासिपर विजय पाबि लेल्हैं छे। कहिनेकी पवित्र आत्माके शक्ति जे तोरासिमे छौ, उटा शक्ति शैतानके शक्तिसे महान छै, जे यी संसारमे परमेश्वरमे विश्वास नैकरेवाला आदमीसिपर शासन करैछै।

१ यूहन्ना 5:19

हमेसब जानैछियै, अपनासब परमेश्वरके बेटा-बेटीसब छियै आर सारा संसार ऊ शैतानके अधिनमे छै।

१ यूहन्ना 5:4

कहिनेकी विजयके लिए ख्रीष्टमे भरोसा राखिके परमेश्वरके हरेक बेटा-बेटीसब यी दुष्ट संसारके पराजित कैल्कै छे। आर अपनासब यी दुष्ट संसारके आपनसिके विश्वासद्वारा पराजय करे सकैछियै।

प्रकाश 12:9

इहे ल्याके ऊ विशाल अजगर आर ओकर दूतसिके धर्तीमे फेकि देल गेलै। यी विशाल अजगर उहे छै जे बहुते समय पहेला साँपके रुपमे दिखाई देल्कै रहे, जकरा शैतान या दोष लगाबेवाला भी कहेल जैछै। यी उहे छै जे यी संसारके आदमीसिके धोखा देते ऐलै छे।

प्रकाश 13:14

बहुते आदमीसब दोसर जंगली जानवरके झुट्ठा चमत्कारसिसे प्रभावित भ्याके धोखा खैल्कै जे उटा पहेलावाला जंगली जानवरके शक्तिसे कैल्कै रहे। दोसर जंगली जानवरके द्वारा आदमीसिके कहेल गेलै कि ऊसब पहेलावाला जंगली जानवरके पूजा करैके लिए एकटा मूर्ति बनाबै, जे हतियारसे घायल भ्यागेलै रहे, मगर फेरसे ठीक भ्यागेलै रहे।

प्रकाश 13:8

आर यी धर्तीमे रहेवाला सभे आदमीसब ओकर पूजा करे लाग्लै। खाली उहे आदमीसब ओकर पूजा नैकैल्कै जकर नाम संसारके सृष्टि कैल जैसे पहेलासे ही जीवनके किताबमे लिख्ल गेलै रहे। यी जीवनके किताब ऊ बलि-भेंडाके किताब छै जकरा बलिदानके रुपमे मारि देल गेलै रहे।

प्रकाश 16:17

सतमा स्वर्गदूत आपन बाटीके चीजके हावामे उझली देल्कै। आर हमे ओत्ते परमेश्वरके मन्दिरके भितर परमेश्वरके सिंहासनसे कक्रहौ बोल्ते सुन्लियै, “हमे सभे कुछु पुरा करि देलियै।”

प्रकाश 20:2

ऊ उटा विशाल अजगर यानिकी पुरना साँपके जकरा शैतान भी कहेल जैछै, झपटीके पक्डल्कै। ऊ ओकरा बान्ही देल्कै आर अथाहा कुण्डमे फेकि देल्कै। ऊ केबाड बन्द करिके ताला लग्या देल्कै आर ओकरापर लाहा छाप लग्या देल्कै ताकी उटा अथाहा कुण्डके एक हजार सालतक खोल्ल नैजै। इहे ल्याके उटा समयके दौरान शैतान एक हजार सालतक जात-जातके आदमीसिके धोखा नै दिए सक्तै। एकरबाद, ओकरा फेरसे कुछु समयके लिए रिहा कैल जैतै।