एफिसी 1:9 - केवट नया कारार

⁹ परमेश्वर उहे कैल्कै जे ऊ नुक्याके राखल्कै, आर अपनासिके उटा नुकैल योजना प्रकट कैल्कै जे ऊ पहलहैसे ही ख्रीष्टके द्वारा पुरा करैके फैसला कैल्कै रहे।

एफिसी 1:9 Iomraidhean Croise

मत्ती 13:11

येशू ओकरासिके जबाब देल्कै, “तोरासिके परमेश्वरके राज्यके विषयमे नुकैल सच्चाई बतैल छौ, मगर ओकरासिके जानैले देल नैछै।

लूका 12:32

येशू फेर कहैल्कै, “तुहें भेंडाके एकटा छोटका झुण्डके जुगुर छैं, सेल्याके कोय भी बातके विषयमे नैडर! कहिनेकी तोरसिके परमेश्वर पिता खुशी-खुशी आपन राज्य तोरासिके दियैके लिए फैसला करि लेल्कौ छे।

लूका 2:14

‘सर्वोच्च स्वर्गमे परमेश्वरके जय-जयकार है, आर धर्तीपर जे आदमीसिसे ऊ खुश छै, ओकरासिके शान्ति हैते रहै।’ ”

चुन्ल आर भेज्ल चेलासब 13:48

यी बात सुनिके गैर-यहूदी आदमीसब आनन्दित भेलै, आर परमेश्वरके वचनके प्रशंसा करे लाग्लै आर जतनें आदमी कहियो खतम नैहुएवाला जीवनके लिए परमेश्वरसे चुन्ल रहै ऊसब येशू ख्रीष्टमे विश्वास कैल्कै।

चुन्ल आर भेज्ल चेलासब 2:23

परमेश्वरके द्वारा ठहरैल निश्चित योजना आर पूर्व ज्ञानके मुताबिक ओकरा तोरासिके सौंपी देल्कै। तुहेंसब ओकरा दुष्ट आदमीसिके हातमे सौंपीके काँटी ठोकिके क्रूसमे चढ्याके जान मार्लह।

चुन्ल आर भेज्ल चेलासब 4:28

मगर ऊसब उहे काम कैल्कै जे तुहें पहलहैसे आपन शक्ति आर इच्छासे निश्चित कैलह रहे।

रोमी 11:25

हे विश्वासी भ्या-बहिनसब, हमे चाहैछियै कि तुहेंसब इस्राएलके आदमीसिके बारेमे यी भेदके जान ताकी तुहेंसब अपने आपके बारेमे घमण्ड महसुस नैकरिहैं। इस्राएलीसिमेसे कुछु कठोर दिलके छै, मगर खाली यी तबतक रहतै जबतक कि गैर-यहूदी आदमीसिके पुरा संख्या ख्रीष्टके लगत आबैछै।

रोमी 8:28

हमेसब जानैछियै कि परमेश्वरके प्रेम करेवाला आदमीसब आर परमेश्वरसे चुन्ल आदमीसिके लिए परमेश्वर ओकरसिके लिए आपन मकसदके मुताबिक सभे चीजमे भलाइये करैछै।

१ कोरन्थी 1:21

हमे यी कहैछियै कहिनेकी परमेश्वर बुद्धिमानीसाथ फैसला कैल्कै कि यी संसारके आदमीसब ओकरा आपन बुद्धिके माध्यमसे नैचिन्हे सक्तै। सेल्याके विश्वास नैकरेवाला आदमीसब हमरसिके खुश-खबरीके मूर्खता कहेल पर भी आपनसिके प्रचार कैल खुश-खबरीमे विश्वास करेवालासिके बचाबैके परमेश्वरके योजना रहै।

गलाती 1:12

कहिनेकी यी खुश-खबरी हमे बाप-पुर्खासे नैसिख्लियै आर कोनो धार्मिक शिक्षकसब भी हमरा यी बात नैसिखैल्कै छे, मगर येशू ख्रीष्ट हमरा यी खुश-खबरी बुझैके लिए सहायता कैल्कै।

गलाती 1:15

मगर तब परमेश्वर फैसला कैल्कै कि आपन बेटाके हमरा प्रकट करै, ताकी हमे गैर-यहूदी आदमीसिके बीचमे येशूके विषयमे खुश-खबरी प्रचार करे सकियै। परमेश्वर ही छै जे हमर जनम हुऐसे पहेला ही हमरा चुनी लेल्कै, आर आपन अनुग्रहके कारण ऊ हमरा ओकर सेवा करैके लिए बोलैल्कै। जब येशू अपने आपके हमरा प्रकट कैल्कै, तब हमे सल्लाह लियैके लिए ककरो लगत नै गेलियै।

एफिसी 1:11

ख्रीष्टके संगे आपनसिके सम्बन्धके कारण परमेश्वर अपना यहूदी आदमीसिके चुनल्कै ताकी अपनासब ऊ पाबे सकियै जकरा दियैके प्रतिज्ञा परमेश्वर कैल्कै रहे। यी उहे प्रतिज्ञा रहै जे ऊ बहुते पहेला ही करैके योजना बनैल्कै रहे आर ऊ सभे कुछु आपन योजना आर इच्छासे पुरा करैछै।

एफिसी 1:8

परमेश्वर यी अनुग्रह बहुते ज्ञान आर समझमे अपनासिके बहुते करिके देल्कै छे।

एफिसी 3:11

परमेश्वर आपन कहियो खतम नैहुएवाला नुकैल योजनाके मुताबिक एरं कैल्कै, जकरा ऊ आपनसिके प्रभु येशू ख्रीष्टके कैल कामके माध्यमसे पुरा कैल्कै।

१ तिमोथी 3:16

बिना कोनो शंकाके, हमेसब कहे सकैछियै कि परमेश्वरद्वारा प्रकट कैल शिक्षासब पुरा रुपसे सच्चा छै, यानिकी येशू ख्रीष्ट आदमीके रुपमे ऐलै, ऊ पवित्र आत्माद्वारा परमेश्वरके बेटा साबित भेलै, स्वर्गदूतसब ओकरा देखल्कै, ऊ स्वर्गके महिमामे लजैल गेलै, आदमीसब ओकर बारेमे जात-जातके आदमीसिमे प्रचार कैल्कै, आर संसारके बहुते आदमीसब ओकरापर विश्वास कैल्कै।

२ तिमोथी 1:9

ऊ अपनासिके बचैल्कै आर अपनासिके एकटा पवित्र जीवन जियैके लिए बोलैल्कै छे, आर अपनासब बढियाँ काम करैके कारणसे ऊ अपनासिके नैचुनल्कै छे, मगर ओकर आपन योजना आर अनुग्रहके आधारमे छै। यी संसारके सृष्टि हुऐसे पहेला ही परमेश्वर येशू ख्रीष्टके आपनसिके लिए मरैके लिए भेजिके आपन अनुग्रह अपनासिपर देखाबैके योजना बन्या लेल्कै रहे।