एफिसी 1:8 - केवट नया कारार

⁸ परमेश्वर यी अनुग्रह बहुते ज्ञान आर समझमे अपनासिके बहुते करिके देल्कै छे।

एफिसी 1:8 Iomraidhean Croise

मत्ती 11:19

मगर जब हमे, आदमीके बेटा दोसर आदमीसिके जुगुर खैलियै आर पिलियै, आर ऊसब कहैछै, ‘देख्, घिचक्कड, पियक्कड, कर उठाबेवाला आर पापी आदमीसिके दोस्त।’ मगर एकटा आदमीके काम यी साबित करैछै कि बुद्धिमान के छै।”

रोमी 11:33

आहा! परमेश्वरके धन आर बुद्धि आर ज्ञान सच्चे बहुते महान छै! कोय भी ओकर फैसलाके व्याख्या नैकरे सकैछै, कोय भी ओकर रस्ताके नैसम्झे सकैछै!

रोमी 5:15

मगर आदमके पाप उटा वरदानके जुगुर नैछै जे परमेश्वर अपनासिके आपन अनुग्रहसे दैछै। कहिनेकी एकटा आदमीके पाप बहुते आदमीसिके लिए मौत ल्याके ऐलै। मगर परमेश्वरके अनुग्रह आर धार्मिकताके वरदान जे बहुते आदमीसब महसुस कैल्कै छे, ओकर दाम बहुते आदमीसिके लिए ओकरासे बहुते बेसी छै। आर येशू ख्रीष्ट एकटा आदमीके रुपमे आपन अनुग्रहसे जे कैल्कै, ऊ एकरा सम्भव कैल्कै।

१ कोरन्थी 2:7

मगर जे ज्ञानके हमेसब बात करैछियै, ऊ ज्ञान परमेश्वरके ज्ञान छै जे गुप्त रहै। एखनतक कोय भी आदमी एकरा नै जान्ते रहै। सृष्टिसे पहेला ही परमेश्वर आपन ज्ञानसे फैसला करि लेल्कै रहे कि ऊ अपनासिके आपन महिमा देतै।

एफिसी 1:11

ख्रीष्टके संगे आपनसिके सम्बन्धके कारण परमेश्वर अपना यहूदी आदमीसिके चुनल्कै ताकी अपनासब ऊ पाबे सकियै जकरा दियैके प्रतिज्ञा परमेश्वर कैल्कै रहे। यी उहे प्रतिज्ञा रहै जे ऊ बहुते पहेला ही करैके योजना बनैल्कै रहे आर ऊ सभे कुछु आपन योजना आर इच्छासे पुरा करैछै।

एफिसी 1:7

ख्रीष्टके खून बहैल जैके कारणसे आपनसिके छुटकारा भेलै छे। यानिकी, आपनसिके पाप माफ कैल गेलै छे। परमेश्वरके अनुग्रह बहुते ही महान छै जे ऊ अपनासिके प्रशस्त करिके देल्कै छे।

एफिसी 1:9

परमेश्वर उहे कैल्कै जे ऊ नुक्याके राखल्कै, आर अपनासिके उटा नुकैल योजना प्रकट कैल्कै जे ऊ पहलहैसे ही ख्रीष्टके द्वारा पुरा करैके फैसला कैल्कै रहे।

एफिसी 3:10

ओकर मकसद मण्डलीके इस्तमाल करिके अदृश्य संसारमे शासन करेवाला आर अधिकार भेल सभे आत्मिक प्राणीसिके परमेश्वरके अपार ज्ञानके बारेमे बताबैके लिए रहै।

कलस्सी 2:3

परमेश्वरके बारेमे बुद्धि आर ज्ञान नुकैल खजानाके जुगुर छै। एकर विषयमे खाली ख्रीष्टके मालुम छै आर उहे सभे आदमीसिके उटा प्रकट करैछै।

प्रकाश 5:12

ऊसब जोर-जोरसे गैते रहै, “ऊ बलि-भेंडा जकर जान मारि देल गेलै रहे, ऊ महिमाके योग्य छै। ओकर अधिकार महान छै। ओकर बुद्धि गहरा छै। ऊ बहुते शक्तिशाली छै आर ऊ बहुते मातबर छै। या अपनासब ओकर आदर करैछियै। या अपनासब ओकर प्रशंसा करैछियै।”