एफिसी 1:6 - केवट नया कारार

⁶ यी कारणसे कि ओकर महिमामय अनुग्रहके प्रशंसा है, जे ऊ आपन प्रिय बेटाके कैल कामके कारण अपनासिके मुफ्तमे देल्कै छे।

एफिसी 1:6 Iomraidhean Croise

मत्ती 17:5

पत्रुस बोल्तहैं रहै, तब चमक्ल बादल ओकरासिके झाँपल्कै, आर उटा बादलसे परमेश्वर बोल्लै, “तुहें हमर प्यारा बेटा छैं, तोरासे हमे बहुते खुश छियौ, तुहेंसब एकर बात सुन।”

मत्ती 20:9

तब मुन्सी लगभग पाँच बजे आबिके एक घण्टा काममे ऐल आदमीसिके पहेला बोल्याके सभैके पुरा एक दिनके रोजी एकटा चानीके सिक्का देल्कै।

मत्ती 3:17

तब परमेश्वर स्वर्गसे बोल्लै आर येशूके कहैल्कै, “यी हमर प्यारा बेटा छै, एकरासे हमे बहुते खुश छियै।”

लूका 2:14

‘सर्वोच्च स्वर्गमे परमेश्वरके जय-जयकार है, आर धर्तीपर जे आदमीसिसे ऊ खुश छै, ओकरासिके शान्ति हैते रहै।’ ”

यूहन्ना 10:17

परमेश्वर पिता हमरा प्रेम करैछै, कहिनेकी हमे आपन इच्छासे आपन जान दैछियै ताकी हमे फेरसे जिन्दा रहियै।

यूहन्ना 3:35

परमेश्वर पिता आपन बेटाके प्रेम करैछै, आर सभे चीज ओकरे हातमे देल्कै छे।

रोमी 8:1

इहे ल्याके आब येशू ख्रीष्टमे विश्वास करेवाला आदमीसिके कोनो सजाय नैछै।

२ कोरन्थी 4:15

उटा सभे कष्ट जे हमेसब सहैलियै ऊ तोरसिके हितमे भेल छौ, ताकी बहुतेसे बहुते आदमीसिके पता चलि जैतै कि परमेश्वर कतनें अनुग्रही छै आर परमेश्वरके महिमाके लिए बहुते आदमीसब धन्यवाद देतै।

२ कोरन्थी 5:21

ख्रीष्ट, जे निष्पाप रहै, ओकरा परमेश्वर आपनसिके लिए पाप बन्या देल्कै ताकी अपनासब परमेश्वरके द्वारा धर्मी घोषित कैल जैयै कहिनेकी ख्रीष्ट आपनसिके पापसिके सजाय आपन उप्परमे ल्या लेल्कै।

एफिसी 1:12

अपना यहूदी आदमीसब पहेला आदमीसब छियै जेसब ख्रीष्टमे आशा राख्लियै आर अपनासिके इहे ल्याके चुन्ल गेलै रहे ताकी अपनासब परमेश्वरके महिमाके प्रशंसा करे सकियै।

एफिसी 1:14

कहिनेकी परमेश्वर अपनासिके पवित्र आत्मा देल्कै छे, अपनासब यी बातमे निश्चित हुए सकैछियै कि परमेश्वर अपनासिके प्रतिज्ञा कैल दोसर बढियाँ चीजसब भी देतै। यी तब हैतै जब परमेश्वर अपनासब जे ओकर छियै, अपनासिके पुरा रुपसे उद्धार देतै ताकी ओकर अपनासब परमेश्वरके महिमाके प्रशंसा करे सकियै।

एफिसी 1:18

हमे यी भी प्रार्थना करैछियौ कि ऊ तोरासिके सचके आर उटा आशाके जकर लिए ऊ तोरासिके बोलैल्कौ छे, ओकरा समझैमे तोरसिके सहायता करौ। ताकी तुहेंसब जाने सक्हैं कि उटा आशिषसब कतनें महान आर महिमामय छै जकर प्रतिज्ञा परमेश्वर आपन सन्तसिके संगे कैल्कै छे।

एफिसी 2:7

परमेश्वर एरं इहे ल्याके कैल्कै ताकी आबेवाला दिनमे ऊ संसारके आदमीसिके देखाबे सकै कि ओकर अनुग्रह कतनें महान छै। ऊ आपनसिके लिए जे कुछु कैल्कै छे ओकरामे अपनासब जे येशू ख्रीष्टसंगे एकतामे छियै, अपनासिमे ओकरद्वारा अनुग्रह देखैल छै।

फिलिप्पी 1:11

जेरंके गाछ फल फराबैछै ओहिने करिके तुहेंसब परमेश्वरके महिमा आर स्तुतिके खातिर येशू ख्रीष्टसे आबेवाला धार्मिक काम कर।

फिलिप्पी 3:9

ताकी हमे ओकरामे एक भ्याके जिये सकियै। हमर धर्मी घोषित होना मूसाके विधि-विधानप्रतिके हमर आज्ञाकारितामे आधारित नैछै, मगर हमर धर्मी घोषित होना इहे छै, जे परमेश्वर ख्रीष्टमे भेल हमर विश्वासके कारणसे देल्कै छे।

फिलिप्पी 4:19

हमर परमेश्वर आपन असीम महिमाके भण्डारसे जे येशू ख्रीष्टमे रहैछै, तोरसिके सभे जरुरतके पुरा करि देतौ।

कलस्सी 1:13

कहिनेकी ऊ अपनासिके शैतानके शक्तिसे छुटैल्कै छे आर आपन प्रिय बेटाके राज्यमे आनल्कै छे।

१ पत्रुस 2:9

मगर तुहेंसब ओरं नैछैं, कहिनेकी तुहेंसब परमेश्वरके चुन्ल आदमीसब छैं, तुहेंसब परमेश्वरके पुजारीसब छैं, जे राजा छै। तुहेंसब परमेश्वरके सेवा करैले समर्पित भेल आदमीसब आर परमेश्वरके निजी प्रजा छैं। ऊ तोरासिके अनहारसे आपन अदभुद उजेतमे आन्लकौ छे, ताकी तुहेंसब परमेश्वरके आश्चर्यपूर्ण कामसिके घोषणा करे सक्हैं।

१ पत्रुस 4:11

उदाहरणके लिए, यदि तोरलगत प्रचार करैके वरदान छौ ते, तोरा परमेश्वरके सन्देशसिके प्रचार करना चाही। यदि तोरलगत दोसर आदमीसिके सहायता करैके वरदान छौ ते, यी उटा सामर्थ्यके साथ कर जे परमेश्वर तोरा दैछौ। तब फेर जे कुछु भी तुहेंसब कर्भैं उटा येशू ख्रीष्टके द्वारा परमेश्वरके महिमा दिलैतै। सभे महिमा आर सामर्थ्य सभे दिनके लिए ओकर छै! आमेन।