एफिसी 1:1 - केवट नया कारार

¹ हमे, पावल यी चिट्ठी लिखैछियै। परमेश्वरके इच्छा रहै कि हमे ख्रीष्ट येशूके एकटा चुन्ल आर भेज्ल चेला बनियै। एफिसस सहरमे रहेवाला तुहें विश्वासीसिके हमे यी चिट्ठी लिखैछियौ।

एफिसी 1:1 Iomraidhean Croise

लूका 16:10

जे छोटका बातमे इमान्दार हैछै, ऊ बडका बातमे भी इमान्दार हैछै, आर जे छोटका बातमे बैमान हैछै, ऊ बडका बातमे भी बैमान हैछै।

चुन्ल आर भेज्ल चेलासब 16:15

प्रभु येशूमे विश्वास करिके लिडिया आर ओकर सारा घराना बप्तिस्मा लेल्कै। तकरबाद ऊ हमरासिके बिन्ती कैल्कै, “यदि तुहेंसब हमरा प्रभुके सच्चा विश्वासी मानैछह ते आबिके हमर घरमे मैजमान बनिके रह।” आर ऊ हमरासिके जिद करिके आपन घरमे ल्यागेलै।

चुन्ल आर भेज्ल चेलासब 18:19

तब ऊसब एफिसस सहरमे गेलै, ओत्ते पावल अकिला आर प्रिस्कीलाके छोडी देल्कै। जब पावल ओत्ते रहै, ऊ यहूदी आदमीसिके सभाघरमे गेलै आर यहूदी आदमीसिके संगे बातचित कैल्कै।

चुन्ल आर भेज्ल चेलासब 18:21

ओकरसिके संगे बिदा हुऐके समयमे ऊ ओकरासिके कहैल्कै, “परमेश्वरके इच्छा हैतै ते हमे फेर वापस तोरसिकते ऐबौ।” एतनें कहिके ऊ पानी जहाजमे चढिके एफिसस सहरसे चल गेलै।

चुन्ल आर भेज्ल चेलासब 9:13

मगर हननिया जबाब देल्कै, “हे प्रभु, हमे यी आदमीके विषयमे बहुते आदमीसिसे सुन्लियै छे कि यी आदमी यरूशलेम सहरमे तोर पवित्र आदमीसिके बहुते सतैल्कै छे।

रोमी 1:1

यी चिट्ठी हमे, पावल लिखैछियै। हमे येशू ख्रीष्टके सेवक छियै, आर चुन्ल आर भेज्ल चेला हुऐके लिए परमेश्वरके द्वारा चुन्ल गेलियै छे आर परमेश्वरके खुश-खबरी सुनाबैके लिए अलग कैल गेलियै छे।

रोमी 1:7

हमे यी चिट्ठी रोम सहरमे भेल तुहेंसब सभैके लिखैछियौ जकरा परमेश्वर प्रेम करैछै आर ओकर सन्तसब हुऐके लिए बोलैल छैं: हमे प्रार्थना करैछियौ कि आपनसिके परमेश्वर पिता आर प्रभु येशू ख्रीष्ट तोरासिके अनुग्रह आर शान्ति दौ।

रोमी 8:1

इहे ल्याके आब येशू ख्रीष्टमे विश्वास करेवाला आदमीसिके कोनो सजाय नैछै।

१ कोरन्थी 4:12

हमेसब आपन हातसे काम करिके मेहनत करैछियै। आदमीसब हमरासिके अपमान करैछै, हमेसब ओकरासिके आशिष दैछियै। ऊसब हमरासिके सताबैछै आर हमेसब सहैछियै।

१ कोरन्थी 4:17

सेल्याके हमे तोरसिकेलगत तिमोथीके भेजैछियौ। ऊ प्रभुमे हमर प्यारा आर विश्वासयोग्य बेटा छै। आर ऊ तोरासिके यी बात फेर याद दिलैतौ कि हमे येशू ख्रीष्टके अनुयायीके रुपमे केरं व्यवहार करैछियै, जेरंके हमे जते भी जैछियै ओत्करो मण्डलीमे सिखाबैछियै।

२ कोरन्थी 1:1

यी चिट्ठी हमेसब, पावल आर तिमोथीके तरफसे छै। हमे परमेश्वरके इच्छासे येशू ख्रीष्टके चुन्ल आर भेज्ल चेला छियै। हमेसब यी चिट्ठी कोरन्थी सहरके मण्डलीके आर अखैया प्रदेशके सभे सन्तसिके लिखैछियै।

गलाती 1:1

हमे, पावल, तोरासिके यी चिट्ठी लिखैछियौ आर हमे एकटा चुन्ल आर भेज्ल चेला छियै। हमरा चुन्ल आर भेज्ल चेला हुऐके लिए आदमीसिके कोनो भी समूह या कोनो आदमीद्वारा चुन्ल नैछियै, मगर येशू ख्रीष्टद्वारा आर परमेश्वर पिताद्वारा चुन्ल गेलियै छे, जे येशूके मुर्दासे जिन्दा बनैल्कै।

गलाती 3:26

तुहेंसब सभेको येशू ख्रीष्टमे बप्तिस्मा लेल्हैं छे आर ख्रीष्टके चरित्रके मुताबिक चलैछैं। सेल्याके तुहेंसब येशू ख्रीष्टमे विश्वास राखैके द्वारा परमेश्वरके सन्तान बनी गेल्हैं छे।

गलाती 3:28

ख्रीष्टमे एकटा यहूदी आदमी या गैर-यहूदी आदमी या एकटा दास या एकटा दास नैभेल आदमीके बीचमे कोनो अन्तर नैछै। एकरामे कोनो अन्तर नैछै कि तुहें एकटा मरद छैं या जनानी। अपनासब सभेको येशू ख्रीष्टमे एक समान छियै।

गलाती 3:9

जेरंके परमेश्वर अब्राहमके ओकर विश्वासके कारण आशीर्वाद देल्कै, ओहिने करिके जे कोय भी येशू ख्रीष्टमे विश्वास करैछै, ऊ निश्चित रुपसे अब्राहमके संगे आशिष पैतै।

एफिसी 1:15

यी सभैके कारण जे परमेश्वर कैल्कै छे, जबसे हमे प्रभु येशूपर भेल तोरसिके विश्वास आर सभे विश्वासीसिके प्रति तोरसिके प्रेमके विषयमे सुन्लियौ,

एफिसी 2:10

कहिनेकी अपनासब परमेश्वरके सृष्टि छियै, ख्रीष्ट येशूमे बढियाँ काम करैके लिए अपनासिके नया आदमीके रुपमे सृष्टि कैल गेलै जकरा परमेश्वर पहलहैसे अपनासब करियै कहिके तैय्यार कैल्कै रहे।

एफिसी 2:13

एक समयमे तुहेंसब परमेश्वरसे दूर रहैं, मगर आब परमेश्वर येशू ख्रीष्ट तोरसिके लिए बहैल उटा खूनके माध्यमसे तोरासिके आपन नज्दिक आनल्कौ छे।

एफिसी 2:6

परमेश्वर अपनासिके ख्रीष्टके संगे मुर्दासिमेसे जिन्दा बनैल्कै आर येशू ख्रीष्टके संगे आपनसिके सम्बन्ध हुऐके कारण स्वर्गमे अपनासिके ख्रीष्टके संगे राज्य करैके योग्य बनैल्कै।

एफिसी 6:21

प्रभुके संगतिमे प्रिय विश्वासी भ्या आर विश्वासयोग्य सेवक तुखिकस तोरासिके यी सभे बात बतैतौ, ताकी तहुँसब भी जानी लहैं कि हमे केरंको अवस्थामे छियै आर कि करैछियै।

कलस्सी 1:2

ख्रीष्टमे भेल कलस्से सहरके परमेश्वरके आदमीसब आर विश्वासयोग्य भ्या-बहिनसब, हमे प्रार्थना करैछियौ कि आपनसिके परमेश्वर पिता तोरासिके अनुग्रह आर शान्ति दौ।

प्रकाश 17:14

ऊसब बलि-भेंडाके विरुद्धमे लडै कर्तै मगर बलि-भेंडा ओकरासिके परास्त करि देतै कहिनेकी ऊ प्रभुसिके प्रभु आर राजासिके राजा छै। ऊ ओकरासिके आपन बोलैल, चुन्ल आर विश्वासयोग्य अनुयायीसिके संगे परास्त करि देतै।”

प्रकाश 2:10

उटा तकलीफसिसे नैडर जे तोरा मिल्तौ। शैतान तोरासिमेसे कुछु आदमीसिके गिरफ्तार करवैतौ आर तोरासिके कैद करि देल जैतौ ताकी ऊ तोरसिके परीक्षा करे सकौ। तुहें दश दिनतक बडका कष्टके अनुभव कर्भैं। मगर हमरापर विश्वास करैले कहियो नैछोडिहैं, चाहे तोर जान भी मारि देल जौ, कहिनेकी हमे तोरा जितके पुरस्कारके रुपमे कहियो खतम नैहुएवाला जीवन देबौ।

प्रकाश 2:13

हमे जानैछियै कि तोर सहर शैतानके कब्जामे छौ, मगर एकर बावजुद भी तुहें हमरापर आपन विश्वासके मजगुतसे पक्डीके राख्लहैं छे आर तुहें हमर शिक्षासिके नैछोडलहैं छे, एत्तेतक कि तखनी भी नै जब बहुते समय पहेला एन्टिपासके जान मार्ल गेलै रहे। ऊ हमर वचनके प्रचार करैमे विश्वासयोग्य रहै, इहे ल्याके ओकरा तोर सहरमे जान मार्ल गेलै जे सहर शैतानके कब्जामे छै।