चुन्ल आर भेज्ल चेलासब 1:3 - केवट नया कारार

³ आपन दु:ख भोग्ल आर मर्लके बाद बहुते पक्का सबूतद्वारा ओकरसिके समनामे ऊ अपने आपके जिन्दा देखैल्कै। ऊ चालीस दिनतक चेलासिके लगत दिखाई पड्लै आर परमेश्वरके राज्यके विषयमे ओकरासिके बतैल्कै।

चुन्ल आर भेज्ल चेलासब 1:3 Iomraidhean Croise

मत्ती 21:43

“सेल्याके हमे तोरासिके कहैछियौ, परमेश्वरके राज्य तोरासिसे छिन्ल जैतौ, आर एरं जात-जातके आदमीके देल जैतै, जे ओकर फल फरैतै।

मत्ती 28:9

अचानक येशू ओकरासिके भेट करिके कहैल्कै, “शान्ति।” ऊसब नज्दिक आबिके ओकर आगुमे झुकिके ओकर आराधना कैल्कै।

मत्ती 3:2

“पाप करैले छोड आर परमेश्वरके तरफ मन लगा कहिनेकी स्वर्गके राज्य नज्दिक ऐल छै।”

मत्ती 4:2

सुनसान जगहमे येशू चालीस दिन आर चालीस राततक कुछु नैखैल्कै। तब ओकरा खुब भुख लाग्लै।

मर्कूस 16:19

प्रभु येशू यी सभे बात चेलासिके कहेलके बाद, परमेश्वर ओकरा स्वर्ग उठ्याके ल्यागेलै आर परमेश्वरके दहिना हातके बगल सम्मानके जगहमे बैठ्लै।

यूहन्ना 20:26

एक हप्ताके बाद येशूके चेलासब फेर घरके भितरमे रहै। थोमा भी ओकरेसिके संगे रहै। केबाडसब बन्द रहै, तब येशू आबिके बिच्चेमे खडा भ्याके कहैल्कै, “तोरासिके शान्ति मिलौ!”

यूहन्ना 21:1

एकरबाद चेलासिके लगत तिबेरियस जे गालील समुन्दरके दोसर नाम छै ओकर किनारमे येशू अपने आपके प्रकट कैल्कै। यी घटना एरंके भेलै:

यूहन्ना 21:14

मुर्दासे जिन्दा भेलके बाद येशू चेलासिके लगत प्रकट भेल यी तेसर बेर रहै।

चुन्ल आर भेज्ल चेलासब 13:31

आर ऊ जेसब ओकरसंगे गालील जिलासे यरूशलेम सहरमे ऐलै रहे, बहुते दिनतक आपन चेलासिके दिखाई देते रहलै। आब यी आदमीसब जे येशूके देखल्कै, उहेसब आदमीसिके लिए गवाह छै।

चुन्ल आर भेज्ल चेलासब 19:8

तब पावल यहूदी आदमीसिके सभाघरमे जैके करीब तीन महिनातक निडर भ्याके बोल्ते रहलै, आर परमेश्वरके राज्यके विषयमे आदमीसिसे वाद-विवाद कर्ते आर सम्झैते रहलै।

चुन्ल आर भेज्ल चेलासब 28:23

तब ऊ यहूदी आदमीसब पावलके बात सुनैके लिए एकटा दिन तोकि देल्कै आर बहुते संख्यामे आदमीसब ओकर डेरामे ऐलै। ऊ ओकरासिके भरौवासे सझौवा तक व्याख्यान देल्कै, आर मूसाके विधि-विधान आर परमेश्वरके वक्तासिके किताबसे परमेश्वरके राज्यके गवाही देल्कै, आर येशूके विषयमे ओकरासिके विश्वास दिलाबैके कोशिश कैल्कै।

चुन्ल आर भेज्ल चेलासब 28:31

ऊ साहास आर बिना कोनो बाधाके परमेश्वरके राज्यके प्रचार कर्ते रहै, आर प्रभु येशू ख्रीष्टके बारेमे सिखैते रहलै।

चुन्ल आर भेज्ल चेलासब 8:12

जब आदमीसब परमेश्वरके राज्य आर येशू ख्रीष्टके नामके खुश-खबरीमे फिलिपके सन्देश सुनिके विश्वास कैल्कै, तब सभे जनानीसब आर मरदसब बप्तिस्मा लेल्कै।

रोमी 14:17

कहिनेकी आपनसिके जीवनमे परमेश्वरके राज्य ख्या-पियेवाला बातसे सम्बन्धित नैछै, मगर धार्मिकता, शान्ति आर आनन्दसे सम्बन्धित छै जे पवित्र आत्मा दैछै।

कलस्सी 1:13

कहिनेकी ऊ अपनासिके शैतानके शक्तिसे छुटैल्कै छे आर आपन प्रिय बेटाके राज्यमे आनल्कै छे।

१ थेसलोनिकी 2:12

तुहेंसब परमेश्वरके खुश करेवाला जीवन जी, जे तोरासिके आपन राज्य आर महानतामे बोलाबैछौ।

१ यूहन्ना 1:1

हमे यी चिट्ठी तोरासिके ओकर विषयमे लिखैछियौ जे आदमीसिके लिए परमेश्वरके सन्देश छै आर आदमीसिके वास्तविक जीवन दैछै। ऊ संसारके सृष्टि हुऐसे पहेलासे ही रहै, मगर आब हमेसब आपनहैंसे ओकरा सुन्लियै छे आर हमेसब ओकरा आपन आँखसे देख्लियै छे, हमेसब ओकरा बडा ध्यानसे देख्लियै छे आर हमरसिके हातसे ओकरा छुलियै छे।