२ तिमोथी 4:8 - केवट नया कारार

⁸ आब प्रभु हमर लिए स्वर्गमे धार्मिकताके मकुट राखल्कै छे, कहिनेकी हमे ओकरा पसन्द हुएवाला जीवन जिलियै छे। ऊ प्रभु जे सहीसे फैसला करैछै, हमरा उटा मकुट तब देतै जब ऊ फेर वापस ऐतै। ऊ खाली हमरा नै मगर ओकरा सभैके देतै जेसब ओकर वापस आबैके बहुते इच्छा करैछै।

२ तिमोथी 4:8 Iomraidhean Croise

मत्ती 24:36

“यी बातसब कोन घडी आर कोन दिन हैतै यी कोय नैजानैछै, नैते स्वर्गमे भेल स्वर्गदूतसब, नैते हमे पुत्र जानैछै। खाली परमेश्वर पिता ही उटा दिन या घडी जानैछै।

मत्ती 7:22

उटा दिन बहुते आदमीसब हमरा एरं कहतै, ‘प्रभु, हे प्रभु, कि हमेसब तोर नामके अधिकारसे परमेश्वरके तरफसे नै बोल्लियै? कि तोर नामके अधिकारसे भूतसब नैभगैलियै? आर कि तोर नामके अधिकारसे अनेक शक्तिशाली काम नैकैलिहौं?’

लूका 10:12

हमे तोरासिके कहैछियौ, न्यायके दिनमे उटा सजाय जे परमेश्वर सदोम सहरके आदमीसिके देल्कै, उटा सजाय बहुते कम हैतै जे सजाय परमेश्वर तोरासिके देतौ।”

रोमी 2:5

मगर कहिनेकी तुहेंसब हठी छैं आर पाप करैले छोडिके परमेश्वरके तरफ मन लगाबैले इन्कार करैछैं, उटा दिन जब परमेश्वर आपन क्रोध देखैतै परमेश्वरके सच्चा इन्साफ प्रकट हैतै, परमेश्वर आरहौ बेसी गम्भीर रुपसे तोरसिके इन्साफ कर्तौ।

रोमी 8:23

खाली सृष्टि दरदमे नैकुहरैछै मगर अपनासब भी कुहरैछियै, जकरामे हुएवाला महिमामे ओकर पहेला उपहारके रुपमे पवित्र आत्मा बास छै। मगर अपनासब एखन भी उटा समयके इन्तजार करैछियै जब अपनासिके आपन सन्तान बनैके लिए परमेश्वर उठ्या लेतै आर आपनसिके शरीरके सभे दुष्टतासे उद्धार कर्तै।

१ कोरन्थी 2:9

मगर धरमशास्त्रमे जे बात लिख्ल छै ओकर मतलब यी छै, “नैते कोय कहियो देखल्कै छे, आर नैते कोय कहियो सुनल्कै छे, आर नैते कोय कहियो ऊसब अदभुत चीजसिके बारेमे कल्पना कैल्कै छे, जे परमेश्वर ऊ आदमीसिके लिए तैय्यार कैल्कै छे जेसब ओकरासे प्रेम करैछै।”

१ कोरन्थी 3:13

एक दिन हरेक आदमी आपन कैल काम केरंको छै से देख्तै। कहिनेकी जब येशू ख्रीष्ट फेर वापस ऐतै, ऊ यी सभे बातसब खुल्लम खुल्ला प्रकट कर्तै। ऊ हरेक सेवकके कैल काम देख्तै आर ऊ यी काम बढियाँ छै या खराब छै कहिके कहतै, ठीक ओहिने करिके जेरंके एकटा आदमी धातुसिके जाँच करैके लिए आगिनके प्रयोग करैछै, यी देखैके लिए कि उटा धातुसब लम्बा समयतक रहैछै कि जल्दी जरि जैछै।

१ कोरन्थी 9:25

दौडमे हिस्सा लिए चाहेवाला आदमीसब पहेला अभ्यास करैछै आर खुदके अनुशासनमे राखैछै। ऊसब एरं इहे ल्याके करैछै ताकी ऊसब जिते सकै आर आदर पाबे सकै। ओकरासिके आदर करैके लिए ओकरासिके फूलके मल्ला लग्या दैछै जे बहुते समयतक नैरहैछै। मगर येशू ख्रीष्टमे विश्वास राखेवाला सभेको आदर पैतै आर अपनासिके देल आशिष सभे दिन रहतै। सेल्याके अपनासिके खुदके अनुशासनमे राखना चाही।

२ कोरन्थी 5:2

अपनासब जबतक यी शरीरमे रहैछियै तबतक कुहरते रहैछियै आर स्वर्गीय घरमे रहैके लिए ललायित रहैछियै।

फिलिप्पी 3:11

ताकी हमे भी मुर्दासे जिन्दा हुए सकियै।

कलस्सी 1:5

तोरसिके विश्वास आर प्रेम तोरसिके लिए स्वर्गमे राख्ल आशामे आधारित छौ। तुहेंसब यी विषयमे पहलहैसे सुन्लहैं रहे, जब आदमीसब पहेला तोरसिकेलगत ऐलौ आर तोरासिके येशू ख्रीष्टके बारेमे खुश-खबरी सुनैल्कौ, जे परमेश्वरके सच्चा सन्देश छै।

१ थेसलोनिकी 1:10

आर ऊसब तुहेंसब केरंके स्वर्गसे परमेश्वरके बेटा फेरसे वापस आबैके रस्ता देखैछैं कहिके कहैछै, यानिकी येशू, जकरा परमेश्वर मुर्दासे फेर जिन्दा बनैल्कै। उहे ही अपनासिके आबेवाला परमेश्वरके क्रोधसे बचाबैछै।

१ थेसलोनिकी 5:4

मगर हे विश्वासी भ्या-बहिनसब, तुहेंसब आत्मिक अनहारमे नैछैं मगर उजेतमे छैं। जेरंके रातके समयमे चोर आबैछै ओहिने करिके प्रभु येशू भी अचानकसे फेर वापस ऐतै ते तोरसिके लिए यी कोनो आश्चर्यके बात नैहैतै।

२ थेसलोनिकी 2:8

सेल्याके, जब ख्रीष्ट विरोधीके रोकेवाला चीजके हटैल जैतै तब येशू ख्रीष्ट दिखाई पड्तै। तब उटा ख्रीष्ट विरोधीके प्रभु येशू नाश करैके आदेश द्याके आर ओकर फेर वापस आबैके महिमा देख्याके शक्तिहीन बनैतै।

१ तिमोथी 6:19

एरं करिके, ऊसब आपन लिए खजानाके जुगुर ओकर बढियाँ कामसब जमा कर्तै, जे स्वर्गमे ओकरसिके भविष्यके जीवनके लिए मजगुत आधार हैतै ताकी ऊसब परमेश्वरके चहेल जेरं निश्चित रुपसे आपन सच्चा जीवनके अनुभव करे सकै।

२ तिमोथी 1:10

परमेश्वर आपन बेटा उद्धारकर्ता येशू ख्रीष्टके द्वारा आपन अनुग्रह देखैल्कै छे। ऊ मौतके शक्तिके नाश करिदेल्कै छे, आर खुश-खबरीके द्वारा कहियो खतम नैहुएवाला जीवनके रस्ता छै कहिके देखैल्कै छे।

२ तिमोथी 1:12

यी इहे कारण छै, कि हमे जेलमे भी दुःख भोगैछियै, मगर हमे लाज नैमानैछियै। कहिनेकी हमे ख्रीष्टके चिन्हैछियै, जकरापर हमे भरोसा कैलियै छे, आर हमरा निश्चय छै कि ख्रीष्ट फेर वापस नै आबैतक जे हमे ओकरा सौंप्लियै छे उटा बातके रक्षा ऊ करे सकैछै।

२ तिमोथी 1:18

न्यायके दिनमे प्रभु ओनिसिफरसके ओकर महान दया देखाबै। तोरा आपनहौं भी बढियाँसे मालुम छौ कि ऊ एफिसस सहरमे हमर बहुते सहायता कैल्कै रहे।

२ तिमोथी 2:5

संगहै संग, जब कोय कोनो खेलमे मुकाबला करैछै ते ऊ तबतक इनाम नैजितैछै जबतक नियम मुताबिक मुकाबला नैकरैछै।

२ तिमोथी 4:1

जब येशू ख्रीष्ट राजाके रुपमे राज्य करैके लिए ऐतै, ऊ दोनो जिन्दा आदमीसब आर मर्ल आदमीसिके न्याय कर्तै। सेल्याके परमेश्वर आर ख्रीष्टसंगे गवाहीके रुपमे हमे तोरा आग्रह करैछियौ,

तीतस 2:13

हमेसब एरंके व्यवहार करैछियै जब आपनसिके आशा कैल उटा सुन्दर दिनके लिए हमेसब उम्मीदके साथ इन्तजार करैछियै: उटा दिन जब आपनसिके महान परमेश्वर आर उद्धारकर्ता येशू ख्रीष्ट आपन सारा महिमाके साथ धर्तीपर फेर वापस ऐतै।

हिब्रू 12:11

जे समय अपनासिके अनुशासन कैल जैछै, उटा समयमे अनुशासन बढियाँ नैलागैछै, बल्की उटा दुःखद लागैछै। मगर पाछु, जब अपनासब एकरासे पाठ सिखैछियै तब अपनासिके शान्ति मिलैछै कहिनेकी अपनासब सही तरिकासे जियैले शुरु करि दैछियै।

हिब्रू 9:28

ओहिने करिके, ख्रीष्ट एक्केबेर अपने आपके बलिदानके रुपमे चढ्या देल्कै ताकी बहुते आदमीसिके पापके दूर करे सकै। आर ऊ दोसर बेर ऐतै, अपने आपके पापके कारण बलिदान चढाबैके लिए नै, बरु ऊ आदमीसिके उद्धार करैके लिए जेसब ओकर इन्तजार करैछै।

याकूब 1:12

ऊ आदमी धन्यके छै, जे परीक्षामे स्थिर रहैछै, कहिनेकी ऊ आपन विश्वास साबित कैलके बाद ऊ कहियो खतम नैहुएवाला जीवनके मकुट पैतै, जे परमेश्वरके प्रेम करेवाला आदमीसिके दियैके वादा परमेश्वर कैल्कै छे।

१ पत्रुस 1:4

अपनासब उटा महान आशिषसिके प्राप्त करैके लिए आगु महर देखैछियै जे आशिष परमेश्वर आपन आदमीसिके लिए राखैछै। परमेश्वर उटा आशिषसब तोरसिके लिए स्वर्गमे राख्ले छौ, जते ऊ नैसडैछै या खराब नैहैछै या नैहेराबैछै।

१ पत्रुस 5:4

जब येशू ख्रीष्ट फेर वापस ऐतै, जे आपनसिके प्रमुख चरवाहा छै, तब तोरासिके एकटा सुन्दर मकुट देतौ, जकर चमक कहियो कम नैहैतै।

प्रकाश 1:7

देख, ऊ बादलके सवारीमे आबैछै, आर हरेक आदमी ओकरा देख्तै। जे आदमीसब ओकर मौतके लिए जिम्मेदार रहै, ऊसब भी ओकरा ऐते देख्तै आर धर्तीके सभे आदमीसब जोर-जोरसे कान्तै जब ऊसब ओकरा देख्तै। हौं, अहिने हैतै। आमेन।

प्रकाश 19:11

फेर हमे स्वर्गके खुल्ल देख्लियै। ओत्ते हमर समनामे एकटा उजरा घोडा रहै। ओकरामे सवार हुएवाला विश्वासयोग्य आर सच्चा सेवक छै। ऊ ओकर मुताबिक जे परमेश्वरके नजरमे सही छै, परमेश्वरके दुश्मनसिके विरुद्धमे न्याय आर लडाई करैछै।

प्रकाश 2:10

उटा तकलीफसिसे नैडर जे तोरा मिल्तौ। शैतान तोरासिमेसे कुछु आदमीसिके गिरफ्तार करवैतौ आर तोरासिके कैद करि देल जैतौ ताकी ऊ तोरसिके परीक्षा करे सकौ। तुहें दश दिनतक बडका कष्टके अनुभव कर्भैं। मगर हमरापर विश्वास करैले कहियो नैछोडिहैं, चाहे तोर जान भी मारि देल जौ, कहिनेकी हमे तोरा जितके पुरस्कारके रुपमे कहियो खतम नैहुएवाला जीवन देबौ।

प्रकाश 22:20

येशू यी सभे वचनसिके गवाही दैछै आर कहैछै, “हँ, हमे जल्दी ही आबैछियै।” हमे यूहन्ना जबाब देलियै, “आमेन, हे प्रभु येशू, आब।”

प्रकाश 4:4

उटा सिंहासनके चारो बगल चौबीसटा दोसर सिंहासनसब रहै आर मथामे सोनाके मकुटसब आर उजरा कपडासब लगैल चौबीसटा धरमगुरुसब उटा सिंहासनमे बैठ्ल रहै।