२ तिमोथी 4:7 - केवट नया कारार

⁷ जेरंके एकटा बढियाँ सिपाही युद्धमे लडाई करैके समयमे कहियो हार नैमानैछै, हमे भी ख्रीष्टके लिए कडा मेहनत करैले कहियो भी नैछोडलियै छे। हमे येशू ख्रीष्टके द्वारा हमरा देल काम पुरा कैलियै छे। हमे अन्ततक ख्रीष्टके प्रति विश्वासयोग्य भेल छियै।

२ तिमोथी 4:7 Iomraidhean Croise

लूका 11:28

मगर येशू कहैल्कै, “धन्य छै ऊसब, जे परमेश्वरके वचन सुनैछै आर पालन करैछै।”

लूका 8:15

बढियाँ जमिनमे पडेवाला बिहन ऊ आदमीसब छै, जेसब वचन सुनैछै आर आज्ञाकारी भ्याके सुन्ल परमेश्वरके वचनके निष्कपट आर भला हृदयमे ओकरा जोग्याके राखैछै आर धीरजके साथ समयमे फल फराबैछै।”

यूहन्ना 17:6

“तुहें जे आदमीसिके संसारसे चुनिके हमरा देल्ह, ओकरासिके हमे यी बतैलियै कि तुहें के छह। ऊसब तोर रहै, आर ओकरासिके तुहें हमरा देल्ह, आर ऊसब तोर शिक्षाके पालन कैल्कै छे।

यूहन्ना 4:34

येशू ओकरासिके कहैल्कै, “हमर भोजन ऊ परमेश्वरके इच्छा पालन करना छै जे हमरा भेजल्कै छे, आर उटा कामके पुरा करना छै जे ऊ हमरा सौंपल्कै छे।

चुन्ल आर भेज्ल चेलासब 13:25

आर जब बप्तिस्मा दिएवाला यूहन्ना आपन सेवाके काम खतम करै पर रहै ते, ऊ कहैल्कै, ‘तुहेंसब हमे के छियै कहिके सोचैछैं? हमे ख्रीष्ट नैछियै। मगर देख, हमरबाद एकझन आबेवाला छै, ऊ हमरासे बहुते महान छै एत्तेतक कि हमे ओकर पैरीके जुत्ताके फित्ता भी खोलैके लायक नैछियै।’

चुन्ल आर भेज्ल चेलासब 20:24

मगर हमे आपन जीवनके कोनो मोलके आर आपन लिए प्रिय नैसोचैछियै। हमे खाली एतनें चाहैछियै, कि परमेश्वरके अनुग्रहके खुश-खबरीके गवाही दियैले हमर दौड आर प्रभु येशूसे हमरा मिल्ल हमर सेवकाई हमे पुरा करे सकियै।

गलाती 2:2

परमेश्वर हमरा ओत्ते जैके लिए कहैके कारणसे हमे ओत्ते गेलियै। जब हमे ओत्ते रहियै ते हमे अगुवासिसे व्यक्तिगत रुपसे भेट कैलियै आर ओकरासिके उटा खुश-खबरीके विषयमे बतैलियै जे हमे गैर-यहूदी आदमीसिके बीचमे प्रचार कर्ते रहियै। ताकी एरं नैहै कि पहेला जे हमे कैलियै रहे आर जे हमे एखन आरहौ कर्बै, ओकर कोनो नतिजा नैमिल्तै।

फिलिप्पी 1:30

आर उहे संघर्ष जे तुहेंसब हमरामे पहेला देख्लहैं जब हमे तोरसिके संगे फिलिप्पी सहरमे रहियै आर जेरं दुःखके विषयमे तुहेंसब एखन सुनैछैं, ओरंको दुःख हमरा एखन आरहौ भी एत्ते जेलमे छै।

१ तिमोथी 1:18

तिमोथी तुहें जे हमर बेटाके जुगुर छैं, हमर देल आदेशसब यी छै: हमे तोरासे बिन्ती करैछियौ कि परमेश्वरके वक्तासब पहेला तोर विषयमे कहेल बात याद कर। ऊ झुट्ठा शिक्षकसिके विरुद्धमे खुश-खबरीके सच्चाईके लिए बढियाँसे लडैके लिए उटा शब्दसब प्रयोग कर।

१ तिमोथी 6:12

जेरंके एकटा बढियाँ सिपाही युद्धमे लडाई करैके समयमे कहियो हार नैमानैछै, तुहेंसब भी परमेश्वरमे भरोसा राखैले आर ओकर आज्ञापालन करैले कहियो भी नैछोडना चाही। कहियो खतम नैहुएवाला जीवनके पक्डीके राख्, जकर खातिर तोरा बुलाहट भेल रहौ, आर बहुते आदमीसिके समनामे तुहें ख्रीष्टमे भरोसा राखैछैं कहिके साफ कहलहैं रहे।

१ तिमोथी 6:20

तिमोथी परमेश्वरके देल काम करैके लिए सुनिश्चित कर। ईश्वरहीन आर बेकारके बातसब आर परमेश्वरके सच्चा शिक्षाके विरोध करेवाला शिक्षासिसे दूर र, जकरा ऊसब गलत तरिकासे “ज्ञान” कहैछै।

२ तिमोथी 1:14

अपनासिमे रहेवाला पवित्र आत्माके द्वारा तोरा सौंप्ल परमेश्वर तोरा देल सन्देशके रक्षा कर।

२ तिमोथी 3:10

मगर तिमोथी, तोरा बढियाँसे मालुम छौ कि हमे कि सिखाबैछियै आर केरंके जियैछियै, हमर जीवनके मकसद कि छै आर हमे कि विश्वास करैछियै। तोरा मालुम छौ कि हमे धीरज धारण करैछियै आर सभे प्रकारके आदमीसिके प्रेम करैछियै, हमे कठिनाईसब सहलियै छे।

प्रकाश 3:10

तुहें हमर सन्देशके पालन कैल्हैं ताकी जब तुहें दुःख उठाभैं ते ओकरा धीरजके साथ सहे सक्हैं। इहे कारण, हमे तोरा बडका परीक्षाके समयमे तोर रक्षा कर्बौ। परीक्षाके यी समय संसारके सभे आदमीसिपर ऐतै।

प्रकाश 3:8

हमे जानैछियै कि तुहें कि करैछैं। हमे जानैछियै कि तुहें बहुते मजगुत नैछैं। मगर जे हमे तोरा कहैलियौ ओकर तुहें पालन कैल्हैं छे। तुहें हमरापर निरन्तर विश्वास करैछैं। सेल्याके, हमे तोर लिए एकटा केबाड खोल्लियौ छे, जकरा कोय भी बन्द नैकरे सकैछै।

प्रकाश 6:11

ओकरासिमेसे हरेकके एकटा उजरा कपडा देल गेलै आर परमेश्वर ओकरासिके कहैल्कै, “एखनके लिए आराम कर, कहिनेकी एखन भी तोरसिके सहकर्मी आर तोरसिके साथी विश्वासीसब छै जकरासिके तोरेसिके जुगुर जान मार्ल जैतै। जब जान मार्ल ज्यावालासिके संख्या पुरा भ्याजैतै, तभे हमे बदला लेबै।”