२ तिमोथी 4:3 - केवट नया कारार

³ कहिनेकी एरं समय आबैछै, जब आदमीसब सच्चा शिक्षाके स्वीकार करैले नैचहतै, मगर अपने आपके पसन्द हुएवाला बात खाली सुने चाहैछै आर ऊसब झुट्ठा शिक्षकसब खोज्तै जेसब ओकरासिके आपन मन-पसन्दके बात सिखैतै।

२ तिमोथी 4:3 Iomraidhean Croise

लूका 20:19

तब यहूदी धरमशास्त्रके पण्डितसब आर प्रमुख पुजारीसब यी खिसा ओकरेसिके विरोधमे कहैल्कै छे कहिके बुझ्लके बाद ऊसब येशूके गिरफ्तार करैके विचार कैल्कै, मगर ओकरासिके आदमीसिसे डर भेलै।

लूका 6:26

तुहेंसब जे आदमीसिसे प्रशंसा पाबैछैं, तोरसिके लिए बहुते भयानक हैतौ! कहिनेकी तोरसिके पुर्खासब भी झुट्ठा परमेश्वरके वक्तासिके तारिफ कर्ते रहौ।”

यूहन्ना 8:45

हमे सच बोलैछियै, सेल्याके तुहेंसब हमरापर विश्वास नैकरैछैं।

चुन्ल आर भेज्ल चेलासब 17:21

एथेन्स सहरमे रहेवाला आदमीसब आर ओत्ते रहेवाला परदेशीसब आपन सारा समय नया-नया बात सुनै-सुनाबैमे बितैते रहै।

१ कोरन्थी 2:1

हे विश्वासी भ्या-बहिनसब, हमे तोरसिकेलगत चलाकीवाला शब्दसिके इस्तमाल नैकैलियै, हमे खुदके बुद्धिमानके रुपमे देखाबैके कोशिश भी नैकैलियै। मगर हमे तोरसिकेलगत परमेश्वरके बारेमे सन्देश सुनैलियौ।

१ कोरन्थी 2:4

हमर शिक्षा आर प्रचार मानवीय ज्ञानके बढियाँ शब्दसिके साथ आर लोभाबेवाला शब्दसिके साथ नै, मगर पवित्र आत्मा तोरासिके एकटा शक्तिशाली तरिकासे देखैल्कै कि जे सन्देश हमे तोरासिके बतैलियौ ऊ सच रहै।

गलाती 4:16

हमे तोरासिके सच बताबैके कारण हमे एखन तोरसिके दुश्मन भ्या गेलियौ छे।

१ तिमोथी 1:10

उटा विधि-विधान ऊसब आदमीसिके लिए भी छै जे व्यबिचारी, समलिंगी, आदमीके दास बनाबैके लिए अपहरण करेवाला आदमी, झुठ बोलेवाला आदमी, सच बोलैके वादा करिके भी झुठ बोलेवाला आदमी आर ऊ आदमीसिके लिए भी जे उटा सभे कुछु करैछै जकरा सही शिक्षा अपनासिके करैसे रोकैछै।

२ तिमोथी 1:13

सुनिश्चित कर कि तुहें आपन आदर्शके रुपमे ऊ सच्चा शिक्षाके सुरक्षित राख जे तुहें हमरासे सुन्लहैं। एरंको विश्वास आर प्रेमके साथ कर कहिनेकी तुहें येशू ख्रीष्टके संगे एकतामे छैं।

यहूदा 1:18

ऊसब तोरासिके कहैल्कौ रहे, “आपनसिके प्रभु येशू फेर वापस आबैसे पहेला एरंको आदमीसब हैतै जे प्रभु आर ओकर आदमीसिके मजाक उडैतै। इहे ऊ आदमीसब छै जकरसिके जीवनपर ओकरसिके आपन खराब इच्छाके नियन्त्रण छै।”