२ तिमोथी 4:18 - केवट नया कारार

¹⁸ प्रभु हमरा सभे हानीसे बचैतै आर ऊ हमरा ओकर स्वर्गीय राज्यमे ल्याजैतै जते ऊ राजाके रुपमे शासन करैछै। ओकरा सभे दिन महिमा मिल्ते रहै। आमेन।

२ तिमोथी 4:18 Iomraidhean Croise

मत्ती 13:43

पिता परमेश्वरके समनामे धर्मी ठहरैल ज्यावाला आदमीसब पिता परमेश्वरके राज्यमे सुरुज जुगुर चमकते रहतै। जे कोय यी बातके सुने सकैछै जे हमे कहैछियै, ऊ यी बातके बुझैके कोशिश करक।”

मत्ती 25:34

तब हमे, राजा आपन दहिना बगलवाला आदमीसिके कहबै, ‘हमर पितासे आशीर्वाद पैल आदमीसब! या! संसारके सृष्टिसे तोरसिके लिए तैय्यार कैल राज्यके भागीदार बन।

मत्ती 6:13

हमरासिके परीक्षामे पडैले नैद्या, मगर पापमे फसाबेवाला बातसे दूर राख, (कहिनेकी राज्य, पराक्रम, आर महिमा सभे दिन तोरे छौं, आमेन)।

लूका 11:4

हमरसिके पापसिके माफ करि द्या, कहिनेकी हम्हुँसब हमरसिके विरुद्धमे पाप करेवालासिके माफ करैछियै। हमरासिके पापमे फसाबेवाला बातसे दूर राख।’ ”

लूका 12:32

येशू फेर कहैल्कै, “तुहें भेंडाके एकटा छोटका झुण्डके जुगुर छैं, सेल्याके कोय भी बातके विषयमे नैडर! कहिनेकी तोरसिके परमेश्वर पिता खुशी-खुशी आपन राज्य तोरासिके दियैके लिए फैसला करि लेल्कौ छे।

लूका 22:29

जेरंके हमर पिता हमरा राज्य करैके लिए अधिकार देल्कै, ओहिने करिके हमे भी तोरासिके राज्य करैके लिए अधिकार देबौ।

यूहन्ना 17:15

तुहें ओकरासिके संसारसे ल्याजा कहिके हमे प्रार्थना नैकरैछियै, मगर ओकरासिके शैतानसे सुरक्षित राख।

रोमी 11:36

कहिनेकी सभे कुछु परमेश्वरसे आबैछै। ऊ सभे कुछु बनैल्कै छे, आर सभे चीज ओकरे छै। ओकरा सभे दिन महिमा मिल्ना चाही! आमेन!

रोमी 16:27

येशू ख्रीष्टके द्वारा एक्केटा सर्वज्ञानी परमेश्वरके सभे दिन महिमा हैते रहै। आमेन।

१ कोरन्थी 1:21

हमे यी कहैछियै कहिनेकी परमेश्वर बुद्धिमानीसाथ फैसला कैल्कै कि यी संसारके आदमीसब ओकरा आपन बुद्धिके माध्यमसे नैचिन्हे सक्तै। सेल्याके विश्वास नैकरेवाला आदमीसब हमरसिके खुश-खबरीके मूर्खता कहेल पर भी आपनसिके प्रचार कैल खुश-खबरीमे विश्वास करेवालासिके बचाबैके परमेश्वरके योजना रहै।

१ कोरन्थी 10:13

पाप करैके इच्छासब अपनासब सभैके लगत जरुर ही आबैछै। मगर परमेश्वर विश्वासयोग्य छै। कहिनेकी ऊ अपनासिके आपनसिके क्षमतासे बेसी परीक्षामे पडैले नैदेतौ। जब अपनासब उटा परीक्षामे पड्बै ते ऊ अपनासिके सभे दिन परीक्षासे भागैके रस्ता देतै, ताकी अपनासब उटा परीक्षाके सहैके लिए मजगुत हैबै।

१ कोरन्थी 15:50

हे विश्वासी भ्या-बहिनसब, यी धर्तीपर आपनसिके शरीर मास आर खूनसे बन्ल छै, आर अपनासब आपन नाश हुएवाला शरीरके संगे स्वर्गमे परमेश्वरके राज्यमे रहैले नैपैबै। कहिनेकी ओत्ते कोनो मौत नैछै।

२ कोरन्थी 1:10

ऊ हमरासिके मौतके भयानक जोखिमसे बचैल्कै आर बचैतै भी। हमरासिके ओकरापर पुरा आशा छै कि ऊ हमरासिके आबेवाला समयसिमे भी निरन्तर बचैते रहतै।

गलाती 1:5

हमे प्रार्थना करैछियै कि आदमीसब परमेश्वरके सभे दिन महिमा देते रहै। आमेन।

१ थेसलोनिकी 5:23

शान्ति दिएवाला परमेश्वर आपनहैं पुरा रुपसे तोरासिके पवित्र बनाबौ आर तोरसिके सारा आत्मा, प्राण आर शरीर आपनसिके प्रभु येशू ख्रीष्टके फेर वापस आबैके दिनतक निर्दोष रहौ।

२ थेसलोनिकी 3:3

मगर तुहेंसब प्रभुके पुरा रुपसे भरोसा करे सकैछैं। ऊ तोरासिके आत्मिक रुपसे मजगुत बनैतौ आर तोरासिके शैतानसे बचैतौ।

१ तिमोथी 1:17

ऊ राजा जे सभे दिनके लिए राज्य करैछै, जे सभे दिनके लिए जिन्दा छै, जकरा कोय नैदेखे सकैछै आर उहे खाली एक्केटा आर सच्चा परमेश्वरके आदर आर महिमा सभे दिन मिल्ते रहै। आमेन।

१ तिमोथी 6:16

खाली उहे छै जे सभे दिन जिन्दा रहैछै आर ऊ एतनें उजेतमे रहैछै कि कोय भी ओकर नज्दिक आबे नैसक्तै। कोय आदमी ओकरा कहियो नैदेखल्कै छे आर नैते कहियो देखे सक्तै। आदर आर शक्ति युग-युगतक ओक्रहै मिल्ते रहै। आमेन।

२ तिमोथी 1:12

यी इहे कारण छै, कि हमे जेलमे भी दुःख भोगैछियै, मगर हमे लाज नैमानैछियै। कहिनेकी हमे ख्रीष्टके चिन्हैछियै, जकरापर हमे भरोसा कैलियै छे, आर हमरा निश्चय छै कि ख्रीष्ट फेर वापस नै आबैतक जे हमे ओकरा सौंप्लियै छे उटा बातके रक्षा ऊ करे सकैछै।

२ तिमोथी 4:1

जब येशू ख्रीष्ट राजाके रुपमे राज्य करैके लिए ऐतै, ऊ दोनो जिन्दा आदमीसब आर मर्ल आदमीसिके न्याय कर्तै। सेल्याके परमेश्वर आर ख्रीष्टसंगे गवाहीके रुपमे हमे तोरा आग्रह करैछियौ,

हिब्रू 11:16

ऊसब एकटा उत्तम देशके आशा कैल्कै, जकर मतलब छै स्वर्ग जैके लिए, सेल्याके परमेश्वर ओकरसिके परमेश्वर कहलैल जैसे खुश रहै, कहिनेकी ऊ ओकरसिके लिए एकटा सहर तैय्यार कैल्कै छे।

हिब्रू 12:22

मगर तुहेंसब यरूशलेम सहरके पहाडके लगत ऐल्हैं छे, जते स्वर्गीय यरूशलेम छै जे जिन्दा परमेश्वरके सहर छै। जते लाखो स्वर्गदूतसब भोजमे उत्सव मनाबैके लिए जमा भेलै छे।

याकूब 2:5

हे हमर प्रिय विश्वासी भ्या-बहिनसब, ध्यान दहैं। परमेश्वर ऊ आदमीसिके चुनल्कै छे, जे संसारके नजरमे गरिब छै ताकी ऊसब विश्वासमे मातबर भ्याजै आर उटा राज्यके हकवाला बनै, जकरा परमेश्वरके प्रेम करेवाला आदमीसिके दियैके वादा कैल्कै छे।

१ पत्रुस 1:5

आर तोर विश्वासके द्वारा, परमेश्वर आपन शक्तिसे तोरसिके रक्षा करैछौ जबतक कि तुहें शैतानके शक्तिसे पुरा उद्धार पाबि नैलैछहैं जे कि ख्रीष्टके वापस आबैके दिनमे देखैल जैके लिए तैय्यार छै।

१ पत्रुस 5:11

ऊ सम्मान पाबैके योग्य छै कहिनेकी ओकर शक्तिके कोनो अन्त नैछै। आमेन।

२ पत्रुस 1:11

आर साथे-साथ परमेश्वर तोरासिके उटा राज्यमे भव्य स्वागत कर्तौ जते येशू ख्रीष्ट छै, जे आपनसिके प्रभु आर आपनसिके उद्धारकर्ता छै, जे सभे दिनके लिए राजाके रुपमे राज्य कर्तै।

२ पत्रुस 3:18

मगर तोरासिके आपनसिके प्रभु आर उद्धारकर्ता येशू ख्रीष्टके अनुग्रहके आरहौ बेसीसे बेसी अनुभव करना चाही आर ओकर प्रति आपन समझमे बढना चाही। ओकर महिमा एखन आर सभे दिनके लिए हैते रहै। आमेन।

यहूदा 1:1

हमे, यहूदा, तोरासिके यी चिट्ठी लिखैछियौ। हमे येशू ख्रीष्टके एकटा सेवक आर याकूबके छोटका भ्या छियै। हमे तोरासिके लिखैछियौ, जकरासिके परमेश्वर आपन उप्परमे विश्वास करैके लिए बोलैल्कौ छे। हमरसिके परमेश्वर पिता तोरासिसे प्रेम करैछौ आर तोरासिके येशू ख्रीष्टमे सुरक्षित राखैछौ।