२ तिमोथी 4:16 - केवट नया कारार

¹⁶ जब पहेला बेर हमरा आरोप लगाबेवालासिके जबाब दियैके लिए हमे रोम सहरमे न्यायधीशके समनामे खडा भेलियै, कोय भी हमर पक्षमे गवाही दियैले नैऐलै। मगर ऊ सभेको हमरा छोडी देल्कै। हमे प्रार्थना करैछियै कि हमरा छोडिके गेल पर भी परमेश्वर ओकरासिके माफ करिदै।

२ तिमोथी 4:16 Iomraidhean Croise

मर्कूस 14:50

तब सभे चेलासब ओकरा छोडिके भाग्लै।

लूका 12:11

“जब आदमीसब तोरासिके गिरफ्तार करिके यहूदी आदमीसिके सभाघरके अगुवासिके लगत आर सरकारी हाकिम या न्यायधीशसिके लगत ल्याजैतौ। उटा समयमे ओकरसिके समनामे कि बोल्बै कहिके पहलहैसे चिन्ता नैकर।

यूहन्ना 16:32

देख, उटा समय आबैछै, वास्तवमे चल ऐलै छे, जब तुहेंसब छिरिया-बिरिया जैभैं। तुहेंसब आपन-आपन घर भागी जैभैं आर हमरा असकल्ले छोडी देभैं। तैय्योपर हमे असकल्ला नैछियै, कहिनेकी परमेश्वर पिता हमर संगमे छै।

चुन्ल आर भेज्ल चेलासब 22:1

“हौ बाबु-भैय्यासब, हमे आपन बारेमे जे कुछु कहैले चाहैछियै, ओकरा ध्यानसे सुन।”

चुन्ल आर भेज्ल चेलासब 25:16

मगर हमे ओकरासिके जबाब देलियै कि एकटा आदमीके अपराधी साबित नैकरैतक रोमी सरकारके द्वारा सजाय दियैके चलन नैछै। आरोप लगैल आदमीके आरोप लगाबेवाला आदमीसिके आगुमे आपन बात कहैके मौका मिल्ना चाही।

चुन्ल आर भेज्ल चेलासब 7:60

ऊ घुटुवा पारिके बडका आवाजसे कन्हार काटिके कहैल्कै, “हे प्रभु, यी पापके लिए एकरासिके माफ करिदह।” एतनें कहिके ऊ मरि गेलै।

१ कोरन्थी 13:5

प्रेम करेवाला आदमी दोसर आदमीसिके संगे खराब व्यवहार नैकरैछै, ऊसब स्वार्थी नैहैछै, ओकरासिके तुरन्ते गोस्सा नैउठैछै आर ओकरसिके विरुद्धमे कैल गेल खराब बातसिके याद नैराखैछै।

१ कोरन्थी 9:3

हमर चुन्ल आर भेज्ल चेला हुऐके अधिकारपर दोष लगाबेवाला आदमीसिके लिए यी हमर जबाब छै।

२ कोरन्थी 7:11

ध्यान दहैं कि परमेश्वरके तरफसे ऐल दुःख तोरासिमे कोन-कोन परिवर्तन कैल्कौ छे, एरं उत्सुकतासे भर्ल तत्परता, आपन पक्ष स्पष्ट करैके एरं बडका इच्छा, अन्यायके प्रति एरं गोस्सा, संकटके प्रति एरंको सावधानी, हमरासे भेट करैके एरंको बडका इच्छा, सेवाके प्रति एरंको उत्साह आर दुराचारीके सजाय दियैके लिए एरंको तेजीके द्वारा तुहेंसब यी साबित करि देल्हैं कि सभे कुछु ठीक-ठाक करैमे तुहेंसब कोनो भी कमी नैछोडलहैं छे।

फिलिप्पी 1:17

मगर खराब विचारसे प्रचार करेवाला आदमीसब ख्रीष्टके बारेमे स्वार्थी कारणसे प्रचार करैछै, यी सोचिके कि हमे जेलमे भेल बखत हमरा आरहौ बेसी कष्ट दियै।

फिलिप्पी 1:7

तोरसिके सभैके लिए एरं सोचना हमर लिए सही छै, कहिनेकी तोरसिके लिए हमर मनमे विशेष जगह छै। चाहे हमे कैदमे छियै या खुश-खबरीके सच्चाईके साबित आर रक्षा करैछियै, हरेक समयमे तुहेंसब परमेश्वरके अनुग्रहमे हमरसंगे सामिल भेल छैं।

२ तिमोथी 1:15

तोरासिके मालुम छौ कि एशिया प्रदेशमे रहेवाला विश्वासीसब हमरा अस्वीकार कैल्कै छे, जकरामे फुगेलस आर हर्मोगेनस भी छै।

२ तिमोथी 4:10

कहिनेकी डेमास यी संसारमे भेल बातसिके प्रेम करिके हमरा त्यागी देल्कै, आर ऊ थेसलोनिके सहरमे गेलै छे, आर भ्या क्रेसेन्स गलातिया प्रदेशमे गेलै छे, आर तीतस दलमातिया प्रदेशमे गेलै।

२ तिमोथी 4:15

ओकरासे तहुँ बहुते होशियार र, कहिनेकी ऊ ख्रीष्टके बारेमे हमरसिके शिक्षाके घोर विरोध कैल्कै।

१ पत्रुस 3:15

मगर तोरसिके हृदयमे ख्रीष्टके लिए श्रद्धा राख। आर ओकरा प्रभुके रुपमे आदर कर। आर सभे विश्वासीसब साझेदार हुएवाला आशाके बारेमे कोय भी पुछतौ ते जबाब दियैके लिए सभे दिन तैय्यार र।