२ तिमोथी 4:14 - केवट नया कारार

¹⁴ अलेक्जेण्डर, जे लुहार छै, हमरा बहुते प्रकारके दुःख देल्कै छे। प्रभु ओकरा ओकर दुष्ट कामके मुताबिक बदला देतै।

२ तिमोथी 4:14 Iomraidhean Croise

रोमी 12:19

हे प्रिय विश्वासी भ्या-बहिनसब, आपनहैंसे कहियो बदला नैले मगर परमेश्वरके तोर लिए बदला लियैले दहैं। कहिनेकी धरमशास्त्रमे प्रभु कहैछै, “बदला लिएवाला काम हमर छै, हम्हीं बदला लेबै।”

रोमी 2:6

परमेश्वर सभे आदमीके ओकर कामके मुताबिक प्रतिफल देतै।

२ थेसलोनिकी 1:6

कहिनेकी परमेश्वर हमेशा न्याय करैछै आर ऊ तोरासिके कष्ट दिएवालासिके कष्ट दैछै।

१ तिमोथी 1:20

ओकरामेसे हुमेनियस आर अलेक्जेण्डर छै, जकरा हमे मण्डलीसे बाहार निकाल्लियै आर शैतानके शक्तिमे सौंपी देलियै ताकी ऊसब परमेश्वरके अपमान नैकरैके लिए सिखै।

२ तिमोथी 4:15

ओकरासे तहुँ बहुते होशियार र, कहिनेकी ऊ ख्रीष्टके बारेमे हमरसिके शिक्षाके घोर विरोध कैल्कै।

१ यूहन्ना 5:16

यदि कोय आपन विश्वासी भ्या-बहिनके पाप कर्ते देखैछै आर ऊ पाप मौतमे लजाबेवाला नैछै ते, ओकरा उटा विश्वासी भ्या-बहिनके लिए प्रार्थना करि दिए पडैछै, आर जकर पाप आत्मिक मौतमे लजाबेवाला नैछै, परमेश्वर ओकरा जीवन दैछै। मगर एरंको पाप भी हैछै, जे आत्मिक मौतमे ल्याजैछै, जकर लिए कक्रहौ बिन्ती करि दिए पड्तै कहिके हमे नैकहैछियै।

प्रकाश 18:20

तुहें जेसब स्वर्गमे रहैछैं यी बारेमे बहुते आनन्दित हु जे एकरसंगे भेलै छे। सन्तसब, चुन्ल आर भेज्ल चेलासब आर परमेश्वरके वक्तासब सभेको यी बातके लिए आनन्द कर जे ओकरा भेलै छे, कहिनेकी परमेश्वर उटा सहरपर इन्साफ भेजल्कै छे, उटा खराबीके कारण जे ऊ तोरसंगे कैल्कौ छे।”

प्रकाश 18:6

सेल्याके हमे कहैछिहौं, उटा सहरके संगे ओहिने ही कर, जेरं ऊ दोसर आदमीसिके संगे कैल्कै छे। ओकर सभे खराब कामके लिए ओकरासे दुगन्ना बदला ल्या। उटा सहरके लिए दुगन्ना शक्तिशाली यातनाके तैय्यारी कर जेरं यातनासिसे ऊ दोसर आदमीसिके संगे अत्याचार कैल्कै रहे।

प्रकाश 6:10

तब ऊसब जोर-जोरसे परमेश्वरसे कहैल्कै, “हे पवित्र आर सच्चा प्रभु, तुहें धर्तीमे रहेवाला ऊ दुष्ट आदमीसिके सजाय दियैमे एतनें लम्बा इन्तजार कहिने करैछ? हमेसब बिन्ती करैछिहौं कि तुहें ऊ आदमीसिके व्यवहारके बदला ल्या जेसब हमरसिके हत्या कैल्कै छे।”