२ तिमोथी 4:12 - केवट नया कारार

¹² मगर तुखिकसके हमे एफिसस सहरमे भेज्लियै छे।

२ तिमोथी 4:12 Iomraidhean Croise

चुन्ल आर भेज्ल चेलासब 18:19

तब ऊसब एफिसस सहरमे गेलै, ओत्ते पावल अकिला आर प्रिस्कीलाके छोडी देल्कै। जब पावल ओत्ते रहै, ऊ यहूदी आदमीसिके सभाघरमे गेलै आर यहूदी आदमीसिके संगे बातचित कैल्कै।

चुन्ल आर भेज्ल चेलासब 18:21

ओकरसिके संगे बिदा हुऐके समयमे ऊ ओकरासिके कहैल्कै, “परमेश्वरके इच्छा हैतै ते हमे फेर वापस तोरसिकते ऐबौ।” एतनें कहिके ऊ पानी जहाजमे चढिके एफिसस सहरसे चल गेलै।

चुन्ल आर भेज्ल चेलासब 19:1

जब अपोल्लोस कोरन्थी सहरमे रहै ते, पावल गलातिया आर फ्रिगीया प्रदेशसिसे हैते एफिसस सहरमे ऐलै। ओत्ते ओकर कुछु चेलासिसे भेट भेलै।

चुन्ल आर भेज्ल चेलासब 20:25

आब देख, तोरसिके जकर बीचमे हमे सभे जगहमे परमेश्वरके राज्यके प्रचार कर्ते ऐलियै छे, तोरसिके संगे फेर हमर भेट कहियो भी नैहैतै कहिके हमरा मालुम छै।

चुन्ल आर भेज्ल चेलासब 20:4

तब बेरिया निवासी पुरसके बेटा सोपात्रोस, थेसलोनिके सहरवासी अरिस्तार्खस आर सिकन्दस, डर्बी सहरके गायस, आर तिमोथी लुस्त्रा सहरसे आर एशिया प्रदेशके तुखिकस आर त्रोफिमस ओकरसंगे गेलै।

एफिसी 6:21

प्रभुके संगतिमे प्रिय विश्वासी भ्या आर विश्वासयोग्य सेवक तुखिकस तोरासिके यी सभे बात बतैतौ, ताकी तहुँसब भी जानी लहैं कि हमे केरंको अवस्थामे छियै आर कि करैछियै।

एफिसी 6:22

हमे ओकरा तोरसिकेलगत यी मकसदसे भेजैछियौ ताकी तोरासिके हमरसिके हालखबर मालुम हौ आर ऊ तोरसिके उत्साह दिए सकौ।

कलस्सी 4:7

हमरसिके प्रिय विश्वासी भ्या तुखिकस हमर सभे बात तोरासिके बतैतौ। ऊ एकटा विश्वासयोग्य सहकर्मी छै आर ऊ हमरसंगे प्रभुके सेवा करैछै।

१ तिमोथी 1:3

तिमोथी, तोरा मालुम छौ कि एफिसस सहरमे गलत बात सिखाबेवाला कुछु आदमीसब छै। ऊसब निरन्तर झुट्ठा शिक्षासब आर बाप-पुर्खासिके लम्बा सूचीसब सिखाबैछै। जब हमे एफिसस सहरसे माकेडोनिया प्रदेशमे जैके लिए तैय्यार रहियै, हमे तोरासिके एफिसस सहरमे रहैके लिए आर ओकरासिके ओरं शिक्षा नैदियैके लिए बताबैके लिए बिन्ती कैलियौ। जब ऊसब ओरंको बातसब सिखाबैछै, नतिजा यी छै कि आदमीसब उटा बातके विषयमे बहस करैछै। ऊ शिक्षकसब परमेश्वरके देल काम नैकरैछै, जे काम ऊसब परमेश्वरमे भरोसा राखिके खाली करे सकैछै।

तीतस 3:12

हमे आर्तिमास आर तुखिकसके तोरलगत क्रेट टापुमे भेज्बौ, आर जब ऊसब ओत्ते पहुँचतै तब तुहें निकोपोलिस सहरमे हमरलगत आबैले पुरा कोशिश कर। कहिनेकी हमे जाडके महिना कटाबैके लिए निकोपोलिस सहरमे ही रहैके निर्णय कैलियै छे।