२ तिमोथी 4:10 - केवट नया कारार

¹⁰ कहिनेकी डेमास यी संसारमे भेल बातसिके प्रेम करिके हमरा त्यागी देल्कै, आर ऊ थेसलोनिके सहरमे गेलै छे, आर भ्या क्रेसेन्स गलातिया प्रदेशमे गेलै छे, आर तीतस दलमातिया प्रदेशमे गेलै।

२ तिमोथी 4:10 Iomraidhean Croise

मत्ती 12:32

जे कोय हमे, आदमीके बेटाके विरुद्धमे कोनो बात बोल्तै ते, ओकर यी पाप माफ कैल जैतै, मगर जे कोय पवित्र आत्माके विरुद्धमे कुछु बोल्तै ते ओकरा यी युगमे आर आबेवाला युगमे भी माफ कैल नैजैतै।”

मत्ती 26:56

मगर यीसब सेल्याके भेलै कि धरमशास्त्रमे परमेश्वरके वक्ताद्वारा लिख्ल बात पुरा है।” तब सभे चेलासब ओकरा छोडिके भाग्लै।

लूका 14:33

सेल्याके तोरसिमेसे कोय आदमी आपन संगमे भेल सभे चीज नैत्यागतै ते, ऊ हमर चेला नैहुए सक्तै।

लूका 16:13

कोय भी नोकर एक्केटा समयमे दीटा मालिकके सेवा करैले नैसक्तै। कहिनेकी ऊ एकटाके घृणा कर्तै आर दोसरके प्रेम कर्तै। या ते ऊ एकटापर भक्ति राख्तै आर दोसरके तुच्छ सम्झतै। तुहेंसब परमेश्वर आर धनके एक्के समयमे सेवा करे नैसक्भैं।”

लूका 17:32

लोतके पतनीके संगे कि भेलै से याद कर!

चुन्ल आर भेज्ल चेलासब 13:13

पावल आर ओकर साथीसब पाफोस सहरसे समुन्दरके यात्रा शुरु कैल्कै आर ऊसब पानी जहाजमे चढिके पामफिलिया प्रदेशके पर्गा सहरमे पहुँचलै आर यूहन्ना मर्कूस ओकरासिके छोडिके यरूशलेम सहर वापस भ्यागेलै।

चुन्ल आर भेज्ल चेलासब 15:38

मगर पावल मर्कूसके आपनसंगे लजाबैले ठीक नैसम्झल्कै, कहिनेकी ऊ पामफिलिया प्रदेशसे ओकरासिके छोडिके चल गेलै रहे, आर ओकरसिके संगे काममे नैगेलै रहे।

चुन्ल आर भेज्ल चेलासब 16:6

पावल आर ओकर दोस्तसब फ्रिगीया प्रदेश आर गलातिया प्रदेशके इलाका भ्याके गेलै, कहिनेकी पवित्र आत्मा ओकरासिके परमेश्वरके वचन प्रचार करैके लिए एखन एशिया प्रदेशमे नैजैले आदेश देल्कै रहे।

चुन्ल आर भेज्ल चेलासब 17:1

फेर पावल आर सिलास अम्फिपोलिस सहर आर अपोल्लोनियाँ सहरके रस्ता द्याके थेसलोनिके सहरमे ऐलै। ओत्ते एकटा यहूदी आदमीसिके सभाघर रहै।

चुन्ल आर भेज्ल चेलासब 17:11

यी यहूदी आदमीसब थेसलोनिके सहरके यहूदी आदमीसिसे बेसी भला रहै। कहिनेकी ऊसब बहुते उत्सुकताके साथ वचन स्वीकार कैल्कै आर यी बातसब ठीके एरं छै कि नैछै कहिके सभे दिन धरमशास्त्रमे पढिके खोजै।

चुन्ल आर भेज्ल चेलासब 17:13

मगर जब पावलके द्वारा परमेश्वरके वचन बेरिया सहरमे प्रचार हैछै कहिके थेसलोनिके सहरके यहूदी आदमीसिके मालुम भेलै ते, ऊसब ओत्ते भी आबिके हुल्लड मचाबे लाग्लै आर आदमीसिके भडकाबे लाग्लै।

चुन्ल आर भेज्ल चेलासब 18:23

पावल एन्टीओखिया सहरमे कुछु दिन रहेलके बाद ओत्तेसे बिदा भ्याके गलातिया प्रदेश आर फ्रिगीया प्रदेशमे सभे चेलासिके मजगुत कर्ते अलग अलग जगहमे गेलै।

२ कोरन्थी 2:13

आपनसिके विश्वासी भ्या तीतसके नैदेखिके हमर मनमे चैन नैभेलै। सेल्याके त्रोआस सहरके विश्वासीसिसे बिदा भ्याके हमे तीतसके भेट करैके लिए माकेडोनिया प्रदेशमे वापस ऐलियै।

२ कोरन्थी 7:6

मगर निराश भेल आदमीसिके सान्त्वना दिएवाला परमेश्वर तीतसके आगमनसे हमरासिके सान्त्वना देल्कै।

२ कोरन्थी 8:16

परमेश्वरके धन्यवाद है, जे चिन्ता हमरा तोरसिके लिए छै उहे चिन्ता तीतसके भी छै।

२ कोरन्थी 8:23

यदि कोय तीतसके विषयमे पुछैछै ते, ऊ हमर साजी आर तोरसिके लिए हमर सहकर्मी छै, आर यदि हमरसिके विश्वासी भ्यासिके विषयमे पुछैछै ते, ऊसब मण्डलीके विश्वासीसिके द्वारा भेज्ल सन्देशवाहक आर ओकरसिके जीवन ख्रीष्टके महिमाके लिए छै।

२ कोरन्थी 8:6

इहे ल्याके हमेसब तीतसके सम्झैलियै कि जेरं ऊ पहेला दान दिएवाला काम शुरुआत कैल्कै रहे, ओहिने ही तोरसिके बीचमे यी दानके कामके पुरा भी करि लै।

गलाती 1:2

हमे यी चिट्ठी हमर संगमे भेल सभे विश्वासी भ्यासिके संगे ऊ मण्डलीसिके लिखैछियै जे गलातिया प्रदेशमे छै।

फिलिप्पी 2:21

कहिनेकी सभेको आपन स्वार्थके खोजमे रहैछै, ऊसब जे बात येशू ख्रीष्टके लिए महत्वपूर्ण छै से बातमे चिन्तित नैहैछै।

१ तिमोथी 6:10

कहिनेकी रुपिया-पैसाके प्रेम सभे प्रकारके खराबीके जड छै। कुछु आदमीसब कले-कले ख्रीष्टके विषयमे शिक्षासिके उप्परमे विश्वास करैके लिए छोडी देल्कै कहिनेकी ऊसब रुपिया-पैसा हुऐके बहुते इच्छा कर्ते रहै, आर ऊसब बहुते किसिमसे कष्ट भोगैछै, एकटा एरंको आदमीके जुगुर जे अपने आपके एकटा हतियारसे भोकी लेल्कै छे।

१ तिमोथी 6:17

यी संसारके मातबर आदमीसिके आदेश दहैं कि ऊसब घमण्डी नैबनै आर अस्थाई धन-दौलतमे ऊसब आपन आशा नैराखै, मगर उदारताके साथ अपनासिके सभे चीज दिएवाला परमेश्वरमे भरोसा राखक ताकी हमेसब आनन्दित हुए सकियै।

२ तिमोथी 1:15

तोरासिके मालुम छौ कि एशिया प्रदेशमे रहेवाला विश्वासीसब हमरा अस्वीकार कैल्कै छे, जकरामे फुगेलस आर हर्मोगेनस भी छै।

२ तिमोथी 4:16

जब पहेला बेर हमरा आरोप लगाबेवालासिके जबाब दियैके लिए हमे रोम सहरमे न्यायधीशके समनामे खडा भेलियै, कोय भी हमर पक्षमे गवाही दियैले नैऐलै। मगर ऊ सभेको हमरा छोडी देल्कै। हमे प्रार्थना करैछियै कि हमरा छोडिके गेल पर भी परमेश्वर ओकरासिके माफ करिदै।

तीतस 1:4

तीतस तुहें जे हमर आपने बेटाके जुगुर छैं कहिनेकी तुहें भी ख्रीष्टमे भरोसा राखैछैं। हमे प्रार्थना करैछियै कि परमेश्वर पिता आर आपनसिके उद्धारकर्ता येशू ख्रीष्ट तोरासिके अनुग्रह आर शान्ति दौ।

फिलेमोन 1:24

ओहिने करिके मर्कूस, अरिस्तार्खस, डेमास आर लूका भी जे हमरसंगे प्रभुके काम करैछै, एकरोसिके तरफसे तोरा नमस्कार छौ।

२ पत्रुस 2:15

ऊसब उटा काम करैले छोडी देल्कै छे, जे सही छै आर ऊसब ओहिने प्रकारके खराब काम करैले शुरु करिदेल्कै छे, जे कि बओरके बेटा बालाम बहुते समय पहेला कैल्कै रहे। ऊ गलत काम करिके पैसा कमाना पसन्द कैल्कै।