२ तिमोथी 3:8 - केवट नया कारार

⁸ यी झुट्ठा शिक्षकसब ख्रीष्टके सच्चा सन्देशके प्रचार करैसे रोकैके कोशिश करैछै, जेरं यान्नेस आर याम्ब्रेस मूसाके विरोध कैल्कै रहे। ओकरसिके दिमाग भ्रष्ट छै आर ऊसब आपन विश्वासके अनुसरण करैमे असफल भेल छै।

२ तिमोथी 3:8 Iomraidhean Croise

चुन्ल आर भेज्ल चेलासब 15:24

हमेसब सुन्लियै छे कि, हमरसिके बीचमे से कुछु आदमी तोरसिकेलगत जैके तोरासिके आपन बातसे दुःख पहुँचैल्कहौं छे, आर तोरसिके मनके विचलित बन्या देल्कहौं छे मगर हमेसब ओकरासिके एरंको कोनो आज्ञा नैदेलियै रहे।

रोमी 1:28

कहिनेकी ऊसब परमेश्वरके स्वीकार करना मूर्खता सोचल्कै, सेल्याके परमेश्वर भी उटा सभे अनुचित काम करैके लिए ओकरासिके ओकरसिके बेकम्मा मनके वशमे छोडी देल्कै।

रोमी 16:18

कहिनेकी एरंको आदमीसब आपनसिके प्रभु ख्रीष्टके नै, मगर आपन पेटके लिए सेवा करैछै, आर ओकरसिके मिठ्ठ-मिठ्ठ बोली आर चापलुसीवाला बातसे सिधा-साधा आदमीसिके धोखा दैछै।

एफिसी 4:14

सेल्याके, आब अपनासिके बच्चासिके जुगुर नै होना चाही। आब अपनासब उटा नावके जुगुर नैहु जकरा लहर आगु पाछु धक्लैछै आर हावा इन्हर-उन्हर घुमाबैछै। एकर मतलब छै कि चलाक आर ठग आदमीसब आब आपन झुट्ठा शिक्षासे अपनासिके धोखा नै दिए सकैछै।

१ तिमोथी 1:19

तुहें निरन्तर ख्रीष्टमे विश्वास कर आर साफ विवेक राख। कुछु आदमीसब साफ विवेकके इन्कार कैल्कै छे। नतिजा स्वरुप ऊसब आब ख्रीष्टमे विश्वास नैकरैछै।

१ तिमोथी 4:2

झुट्ठा शिक्षकसब छल-कपट करेवाला हैछै। जेरंके गरम लुहासे झरकलके बाद चमडा बोद्र भ्याजैछै, ओहिने करिके ओकरासिके महसुस नैहैछै कि ऊसब सही करैछै कि गलत करैछै।

१ तिमोथी 6:5

ओकरसिके दिमाग दुष्ट शंकासे भर्ल छै, आर ऊसब निरन्तर दोसर आदमीसिके संगे वाद-विवाद करैछै, आर ऊसब आब नै समझे सकैछै कि सच्चाई कि छै। ऊसब सोचैछै कि परमेश्वरके बारेमे शिक्षा देना पैसा कमाबैके रस्ता छै।

२ तिमोथी 4:15

ओकरासे तहुँ बहुते होशियार र, कहिनेकी ऊ ख्रीष्टके बारेमे हमरसिके शिक्षाके घोर विरोध कैल्कै।

तीतस 1:10

हमे एरं इहे ल्याके कहैछियौ कहिनेकी बहुते आदमीसब सही शिक्षाके विरुद्धमे विद्रोह कर्तै, यानिकी ऊसब जे बकवास बातसब सिखाबैछै आर जेसब दोसर आदमीसिके धोखा दैछै। यी बात खास करिके कुछु यहूदी आदमीसिके विषयमे सच छै, जेसब विश्वासी बनी गेलै छे। खास करिके ऊ आदमीसब एरंको समूहके छै जेसब खतनाके नियमके मुताबिक सभे विश्वासीसिके खतना हुए पडैछै कहिके कहैछै।

तीतस 1:16

यी झुट्ठा शिक्षकसब परमेश्वरके चिन्हैछियै कहिके कहैछै, मगर ऊसब व्यवहारमे साफसे देखाबैछै कि ऊसब परमेश्वरके नैचिन्हैछै। कहिनेकी परमेश्वर ओरंको आदमीसिके घृणा करैछै आर ऊसब कोनो भी बढियाँ काम करैमे असमर्थ हैछै।

२ पत्रुस 2:14

ऊसब हरेक जनानीके संगे व्यबिचार करैले चाहैछै, जकरा ऊसब देखैछै। ऊसब पाप करैके मौका खोजैसे कहियो पाछु नैहटैछै। ऊसब ऊ आदमीसिके धोखा दैछै जेसब ख्रीष्टमे मजगुतीसे विश्वास नैकरैछै, आर ऊसब ओकरासिके पापके तरफ ल्याजैछै। ओकरसिके बेसीसे बेसी चीजसिके पाबैके सभे दिन बढते रहेवाला इच्छाके कारण परमेश्वर ओकरासिके सजाय देतै।

१ यूहन्ना 2:18

तुहेंसब जे हमर प्यारा बच्चासिके जुगुर छैं, यी संसारके अन्तिम दिनसब छै, आर ख्रीष्ट विरोधीसब आबैछै कहिके तुहेंसब सुन्लहैं छे। ओकर मुताबिक आब बहुते ख्रीष्ट विरोधीसब ऐल छै। एकरासे हमेसब जानैछियै कि यी अन्तिम समय छै।

१ यूहन्ना 4:1

हे प्रिय दोस्तसब, पवित्र आत्माद्वारा बोलैछियै कहिके दाबी करेवाला सभैके विश्वास नैकर, मगर आत्मासब परमेश्वरसे ऐल छै कि नैछै कहिके ओकर जाँच कर। कहिनेकी बहुते झुट्ठा परमेश्वरके वक्तासब यी संसारमे छै।

प्रकाश 2:20

मगर एकटा बात हमे तोरामे गलत पाबैछियौ: रानी इजेबेल, जे बहुते पहेलाके समयमे रहते रहै, ओकर जुगुर एकटा जनानी तोरसिके बीचमे छौ। ऊ खुदके परमेश्वरके वक्ता कहैछै मगर हमर विश्वासीसिके गलत शिक्षा दैछै। ऊ ओकरासिके अनैतिक जीवन जियैके आर मूर्तिसिके चढैल भोजन खैके शिक्षा दैछै।

प्रकाश 2:6

मगर एकटा बढियाँ बात छै जे तुहें करैछैं। ऊ यी छै कि तुहें निकोलाइटससिके द्वारा सिखैल ज्यावाला खराब कामसिसे घृणा करैछैं, ठीक ओहिने जेरंके हमे घृणा करैछियै।