२ तिमोथी 3:5 - केवट नया कारार

⁵ ऊसब परमेश्वरके भक्त हुऐके देखावा कर्तै, मगर ऊसब खुदके भक्त बनाबे सकेवाला शक्तिके इन्कार कर्तै। एरंको आदमीसिके संगे संगत नैकर।

२ तिमोथी 3:5 Iomraidhean Croise

मत्ती 7:15

“झुट्ठा परमेश्वरके वक्तासिसे होशियार र जे तोरसिकेलगत नोक्सानी नैकरेवाला भेंडाके भेष बदलीके आबैछै, मगर वास्तवमे हानीकारक डरलग्गा खटिहासब छै, जे आदमीसिके हमला करैछै।

एफिसी 4:14

सेल्याके, आब अपनासिके बच्चासिके जुगुर नै होना चाही। आब अपनासब उटा नावके जुगुर नैहु जकरा लहर आगु पाछु धक्लैछै आर हावा इन्हर-उन्हर घुमाबैछै। एकर मतलब छै कि चलाक आर ठग आदमीसब आब आपन झुट्ठा शिक्षासे अपनासिके धोखा नै दिए सकैछै।

२ थेसलोनिकी 3:14

यी चिट्ठीमे हमरसिके देल आज्ञा अगर कोय पालन करैले इन्कार करैछै ते, ऊ के छै कहिके सभेको चिन। आर एरंको संगी विश्वासीसे संगत नैकर ताकी ऊसब लज्जित है।

२ थेसलोनिकी 3:6

हे विश्वासी भ्या-बहिनसब, हमरसिके प्रभु येशू ख्रीष्टसे मिल्ल अधिकारसे हमेसब तोरासिके आज्ञा दैछियौ कि कोनो एरंको संगी विश्वासीसे संगत नैकर जे हमरसिके सिखैल शिक्षाके आज्ञापालन नैकरैछै।

१ तिमोथी 4:7

परमेश्वरके अनादर करेवाला बनौटी आर मूर्ख खिसासिसे पुरा रुपसे अलग र, आर ईश्वरीय जीवन बिताबैके लिए अपने आपके निरन्तर तालिम दहैं।

१ तिमोथी 4:8

कहिनेकी शारीरिक कसरत तोरसिके शरीरके फैदा कर्तौ, मगर भक्ति सभे प्रकारसे फैदाके हैछै, कहिनेकी यी बात धर्तीमे जिन्दा रहैके समयमे आर मर्लके बाद भी इनामके प्रतिज्ञा करैछै।

१ तिमोथी 5:8

अगर कोय आपन रिश्तेदारसिके, खास करिके आपन परिवारके आदमीसिके देखभाल नैकरैछै ते एकरासे साफ जाहीर हैछै कि ऊसब येशू ख्रीष्टमे विश्वास नैकरैछै आर विश्वास नैकरेवाला आदमीसे भी खराब छै।

१ तिमोथी 6:5

ओकरसिके दिमाग दुष्ट शंकासे भर्ल छै, आर ऊसब निरन्तर दोसर आदमीसिके संगे वाद-विवाद करैछै, आर ऊसब आब नै समझे सकैछै कि सच्चाई कि छै। ऊसब सोचैछै कि परमेश्वरके बारेमे शिक्षा देना पैसा कमाबैके रस्ता छै।

२ तिमोथी 2:16

परमेश्वरके आराधना नैहुएवाला चीजसे आर बेकारके छलफल करैसे बच। कहिनेकी एरंको आदमीसब जे परमेश्वरके आराधना नैहुएवाला चीजमे भाग लैछै ऊसब आरहौ बेसी ईश्वरहीन भ्याजैछै।

२ तिमोथी 2:23

मगर मूर्ख आर बेकारके सवाल जबाबके इन्कार कर। कहिनेकी तुहें जानैछैं कि एकरासे झगडा हैछै।

तीतस 1:16

यी झुट्ठा शिक्षकसब परमेश्वरके चिन्हैछियै कहिके कहैछै, मगर ऊसब व्यवहारमे साफसे देखाबैछै कि ऊसब परमेश्वरके नैचिन्हैछै। कहिनेकी परमेश्वर ओरंको आदमीसिके घृणा करैछै आर ऊसब कोनो भी बढियाँ काम करैमे असमर्थ हैछै।

तीतस 3:10

यदि कोनो आदमी विश्वासीसिके बीचमे फुट कराबैछै ते ओकरसंगे कडा तरिकासे बात कर आर ओकरा ओरं व्यवहार नैकरैके लिए क। यदि ऊ ओरंको व्यवहार आरहौ करैछै ते, ओकरा फेर चेतावनी दहैं। तकरबाद, यदि ऊ आरहौ ओरंको व्यवहार कर्ते रहैछै ते, तुहें एरंको आदमीके छोडी दिहैं।