२ तिमोथी 3:2 - केवट नया कारार

² कहिनेकी आदमीसब खाली अपने आपके प्रेम कर्तै, रुपिया पैसाके मोह कर्तै, घमण्डी हैतै, ऊसब दोसर आदमीसिके निन्दा कर्तै, मयाँ-बाबुके आज्ञापालन नैकर्तै, धन्यवादी नैहैतै आर परमेश्वरके सम्मान नैकरिके दुष्ट बन्तै।

२ तिमोथी 3:2 Iomraidhean Croise

मत्ती 15:6

एरंके, तुहेंसब धरमशास्त्रके परमेश्वरके आज्ञासिके उलंघन करैछैं।

लूका 12:15

तब येशू ओत्ते जमा भेल आदमीसिके कहैल्कै, “होशियार र! सभे किसिमके लोभ-लालचसे अपने आपके बच्याके राख, कहिनेकी आदमी जतनें भी ढेर मातबर कहिने नैहुए ओकर धन-दौलत ओकरा सच्चा जीवन दिए नैसक्तै।”

लूका 16:14

धनके लोभी फरिसी समूहके आदमीसब यीसब बात सुनिके ओकर मजाक उडाबे लाग्लै।

लूका 6:35

मगर तुहेंसब आपन दुश्मनसिसे प्रेम कर, ओकरसिके भलाइ कर आर फेर वापस पाबैके आशा नैराखिके पैंच-उधार दहैं। तब तोरा बडका इनाम मिल्तौ आर तुहेंसब परमप्रधान परमेश्वरके बेटाबेटी कहलैभैं। कहिनेकी परमेश्वर उपकार नैमानेवालासब आर खराब आदमीसिपर भी कृपा करैछै।

चुन्ल आर भेज्ल चेलासब 5:36

कहिनेकी कुछु समय पहेला भी थुदास नामके एकटा आदमी रहै आर ऊ दाबी कर्ते रहै कि ऊ भी कुछु छियै आर करीब चार स आदमीसब ओकर अनुयायी बनी गेलै। मगर ओकर जान मार्ल गेलके बाद ओकर अनुयायीसब सभेको छिरिया गेलै आर ओकर नाम निशान भी नै रहलै।

रोमी 11:18

इहे ल्याके, उटा काट्ल ठ्यारसिके बारेमे घमण्ड नैकर। आर अगर तुहेंसब घमण्ड करैछैं ते, यी याद राख कि जडके थामेवाला तुहें नैछैं, मगर जड तोरा थामैछौ।

२ कोरन्थी 5:15

आर ख्रीष्ट यी खातिर सभैके लिए मर्लै, ताकी जेसब जिन्दा छै, ऊसब आब खाली खुदके खुश करैके लिए नैजियै, मगर ओकर लिए जियै। ख्रीष्ट ओकरसिके खातिर मर्लै आर परमेश्वर ओकरा फेर जिन्दा बनैल्कै।

फिलिप्पी 2:21

कहिनेकी सभेको आपन स्वार्थके खोजमे रहैछै, ऊसब जे बात येशू ख्रीष्टके लिए महत्वपूर्ण छै से बातमे चिन्तित नैहैछै।

कलस्सी 3:5

सेल्याके तोरसिके पापी स्वभावसे जुड्ल खराब कामसब करैले बन्द कर जे यी धर्तीपर छै: यानिकी व्यबिचार, अशुद्धता, कामुकता, शारीरिक इच्छा आर लोभी नैबन जे मूर्तिपूजा करैके जुगुर छै।

२ थेसलोनिकी 2:4

ऊ परमेश्वर आर दोसर सभे चीजसिके विरोध कर्तै जकरा आदमीसब आराधना करैछै आर ईश्वर कहैछै, आर ऊ दाबी कर्तै कि ऊ सभे चीजसे बेसी महत्वपूर्ण छै। ऊ दुष्ट आदमी परमेश्वरके मन्दिरमे बैठिके सभे आदमीके समनामे अपने आपके परमेश्वर कहतै।

१ तिमोथी 1:20

ओकरामेसे हुमेनियस आर अलेक्जेण्डर छै, जकरा हमे मण्डलीसे बाहार निकाल्लियै आर शैतानके शक्तिमे सौंपी देलियै ताकी ऊसब परमेश्वरके अपमान नैकरैके लिए सिखै।

१ तिमोथी 1:9

हमरासिके यी भी मालुम छै कि मूसाके विधि-विधान परमेश्वरके नजरमे सही भेल आदमीसिके लिए नैछै मगर परमेश्वरके विधि-विधानके बेवास्ता करिके जानी-जानीके आज्ञा नैमानेवाला आदमीसिके लिए, आर परमेश्वरके आराधना नैकरेवाला आर निरन्तर पाप करेवाला आदमीसिके लिए, आर परमेश्वरके सम्मान नैकरेवाला दुष्ट आदमीसिके लिए, आर आपन मयाँ-बाबुके आर दोसर आदमीसिके जान मारेवाला आदमीसिके लिए छै।

१ तिमोथी 3:3

ऊसब बेसी नशा करेवाला आदमी आर मार-पीट करेवाला आदमी नै होना चाही। ऊसब दयालु, धीरजी आर शान्त आदमी होना चाही, आर ऊसब वाद-विवाद नैकरेवाला, आर पैसाके लालच नैकरेवाला आदमी होना चाही।

१ तिमोथी 6:10

कहिनेकी रुपिया-पैसाके प्रेम सभे प्रकारके खराबीके जड छै। कुछु आदमीसब कले-कले ख्रीष्टके विषयमे शिक्षासिके उप्परमे विश्वास करैके लिए छोडी देल्कै कहिनेकी ऊसब रुपिया-पैसा हुऐके बहुते इच्छा कर्ते रहै, आर ऊसब बहुते किसिमसे कष्ट भोगैछै, एकटा एरंको आदमीके जुगुर जे अपने आपके एकटा हतियारसे भोकी लेल्कै छे।

१ तिमोथी 6:4

ऊ घमण्डी हैछै, आर ऊ कुछु नैबुझैछै। एरंको आदमी बेकारके मुद्दासब आर शब्दसिके बारेमे बहस करैले आर झगडा करैले चाहैछै। यी बातसे डाहा, कलह, निन्दा आर खराब शंकासब उत्पन्न कराबैछै।

२ तिमोथी 3:4

ऊसब आपन साथीसिके संगे विश्वासघात कर्तै, ऊसब बिना सोची विचारीके काम कर्तै, ऊसब अपने आपके दोसर आदमीसिसे बेसी महत्वपूर्ण सोच्तै आर ओहिने व्यवहार कर्तै आर परमेश्वरसे बेसी सुख विलासके प्रेम कर्तै।

याकूब 2:8

यदि तुहेंसब आपन पडोसीके आपने जुगुर प्रेम कर कहिके धरमशास्त्रमे लिख्ल परमेश्वरके विधि-विधानके पालन करैछैं ते तुहेंसब ठीक काम करैछैं।

याकूब 4:16

मगर तुहेंसब आपन अहंकारी योजनाके विषयमे घमण्ड करैछैं। यी सभे घमण्ड खराब छै।

याकूब 4:6

मगर ओरंको खराब इच्छासिके विरोधमे खडा हुऐले परमेश्वर अपनासिके आरहौ अनुग्रह दैछै। सेल्याके धरमशास्त्रमे एरं लिख्ल छै, “परमेश्वर घमण्डीसिके विरोध करैछै, मगर नम्र आदमीसिके अनुग्रह करैछै।”

१ पत्रुस 5:5

ओहिने करिके हे जवानसब मण्डलीके अगुवासिके अधिनमे बैठ। तुहेंसब सभेको नम्रताके साथ एक दोसरके सहयोग करे पडैछै। कहिनेकी धरमशास्त्रमे लिख्ल छै, “परमेश्वर घमण्डीसिके विरोध करैछै, मगर नम्र आदमीसिके अनुग्रह करैछै।”

२ पत्रुस 2:10

परमेश्वर जरुर ही ऊ झुट्ठा शिक्षकसिके सजाय देतै, जे आपन दुष्ट, लजलग्गा इच्छाके मुताबिक काम करैछै आर आपन उप्परमे परमेश्वरके अधिकारके अस्वीकार करैछै। ऊसब हठी आर अहंकारी हैछै। ऊसब स्वर्गमे भेल महिमित प्राणीसिके बारेमे अपमान करैले नैडराबैछै।

२ पत्रुस 2:12

मगर यी शिक्षकसब बेअकल जानवरसिके जुगुर काम करैछै जेसब ओरं करैछै जेरं ओकरसिके शरीर चाहैछै आर जेसब इहे ल्याके जनम हैछै ताकी आदमीसब ओकरासिके फस्याके मारे सकै। कहिनेकी ऊसब यी जानवरसिके जुगुर छै, यी शिक्षकसब उटा चीजसिके अपमान करैछै, जकर विषयमे ऊसब वास्तवमे कुछु भी नैजानैछै। परमेश्वर ओकरासिके ओहिने करिके नाश करि देतै जेरंके आदमीसब जानवरसिके मारैछै।

२ पत्रुस 2:18

जब ऊसब आदमीसिके सिखाबैछै, ऊसब बेकारके आर घमण्डसे भर्ल शब्दसिके इस्तमाल करैछै। ऊसब आदमीसिके बताबैछै कि ओकरसिके आपन शरीर जे करैले चाहैछै उटा लजलग्गा काम करे सकैछै आर ऊसब आदमीसिके फेरसे पाप करैके लिए भरम्या दैछै जे आदमीसब कुछु समय पहेला ही दुष्ट जीवनशैली त्यागल्कै छे।

२ पत्रुस 2:3

यीसब लोभी हैतै आर ऊसब बन्ल बनैल कहानीसब सुन्याके तोरासिके धोखा देतौ ताकी तोरासिसे पैसा कमाबे सकै। परमेश्वर बहुते समय पहेला ही फैसला करि लेल्कै रहे कि ऊ ओकरासिके सजाय देतै आर ऊ एरं करैके लिए तैय्यार छै। परमेश्वर जरुर ओकरासिके नाश करि देतै।

यहूदा 1:16

यी आदमीसब सभे दिन परमेश्वरके विरुद्धमे बोलैछै आर दोसर आदमीसिमे गल्ती खोजैछै। ऊसब लगातार उटा खराब कामसिके करैछै जे ओकरसिके दिल करैले चाहैछै। ऊसब आपन विषयमे घमण्डसे दावा करैछै आर खुदके लिए फैदा लियैके खातिर दोसर आदमीसिके चापलुसी करैछै।

प्रकाश 13:1

एकरबाद हमे एकटा जंगली जानवरके समुन्दरसे निकल्ते देख्लियै, जकर सातटा मुडा आर दशटा सिङ रहै। हरेक सिङमे एकटा मकुट रहै आर हरेक मुडामे परमेश्वरके विरुद्धमे एकटा ईश्वर निन्दावाला नाम लिख्ल गेलै रहे।

प्रकाश 16:11

ऊसब आपन दरद आर फोकासिके कारण स्वर्गके परमेश्वरके अपमान कैल्कै। मगर ओकरसिके अवस्था एरं भेलपर भी ऊसब निश्चित रुपसे पाप करैले छोडिके परमेश्वरके तरफ मन नैलगैल्कै आर नैते उटा खराब कामसिके छोडल्कै जे ऊसब कर्ते रहै।

प्रकाश 16:21

बडका-बडका पत्थलसब आकाशसे आदमीसिपर खस्लै, जकरामे हरेक पत्थलके वजन लगभग ५० किलो रहै। नतिजा स्वरुप, ऊसब परमेश्वरके अपमान कैल्कै कहिनेकी ओकरासिके परमेश्वरके द्वारा भेज्ल गेल बिपत्तिके कारण बहुते पिडा सहे पड्लै।

प्रकाश 16:9

आदमीसब यी कडा रौदसे झर्की गेलै आर ऊसब परमेश्वरके अपमान कैल्कै, कहिनेकी उहे ही रहै जकर लगत उटा विपत्तिसिपर अधिकार रहै। ऊसब आरहौ भी पाप करैले छोडिके परमेश्वरके तरफ मन नैलगैल्कै, ऊसब आरहौ भी परमेश्वरके महानताके स्वीकार नैकैल्कै।