२ तिमोथी 3:16 - केवट नया कारार

¹⁶ सारा धरमशास्त्र ऊ वचनसब छै जे परमेश्वर ऊ आदमीसिके विचारमे देल्कै जेसब यी धरमशास्त्र लिखल्कै आर अपनासब यी सभे बात आदमीसिके सच्चा शिक्षा दियैके लिए, गल्ती करेवाला आदमीसिके धोपैके लिए, आदमीसिके ओकरसिके गलत चालसब सुधारैके लिए, आर आदमीसिके जे काम सही छै उटा करे पडैछै कहिके सिखाबैके लिए प्रयोग करे सकैछियै।

२ तिमोथी 3:16 Iomraidhean Croise

मत्ती 13:52

तब फेर येशू चेलासिके कहैल्कै, “हरेक विश्वासी जे परमेश्वरके विधि-विधानके सिखाबैछै आर परमेश्वरके राज्यके विषयमे भी बुझ्ल छै, उटा आदमीसब एकटा घरके मालिकके जुगुर छै, जकर लगत भण्डार कोठा छै, जे आपन भण्डार कोठासे नया आर पुरना दोनो मूल्यवान चीजसब बाहार निकालैछै।”

मत्ती 21:42

येशू ओकरासिके कहैल्कै, “कि तुहेंसब कहियो धरमशास्त्र नैपढ्लहैं छे? जे पत्थलके घर बनाबेवालासब बेकम्मा कहिके तिरस्कार कैल्कै, उहे कोनाके सिरानीके पत्थल बन्लै, यी प्रभुसे भेलै छे, आर आपनसिके नजरमे यी आश्चर्यमय छै।”

मत्ती 22:43

येशू ओकरासिके कहैल्कै, “ते दाऊद राजा आत्मामे निर्देशित भ्याके ख्रीष्टके प्रभु कहिके केरंके पुकारे सकैछै? ऊ कहैछै,

मत्ती 26:54

मगर ओरं हैतै ते यी बात एरंके हुए पड्तै कहिके धरमशास्त्रमे लिख्ल बात केरंके पुरा हैतै?”

मत्ती 26:56

मगर यीसब सेल्याके भेलै कि धरमशास्त्रमे परमेश्वरके वक्ताद्वारा लिख्ल बात पुरा है।” तब सभे चेलासब ओकरा छोडिके भाग्लै।

मर्कूस 12:24

येशू ओकरासिके कहैल्कै, “तुहेंसब गलत छैं कहिनेकी तुहेंसब नैजानैछैं कि धरमशास्त्र कि कहैछै, आर तुहेंसब परमेश्वरके शक्तिके बारेमे नैजानैछैं?

मर्कूस 12:36

एत्तेतक कि दाऊद राजा, जब परमेश्वरके पवित्र आत्मा ओकरा बोलैके शक्ति देल्कै ते, ऊ कहैल्कै: ‘परमेश्वर हमर प्रभुके आपन बगलमे सम्मान आर अधिकारके पदवीमे बैठैके लिए कहैल्कै रहे, जब कि ऊ ओकर सभे दुश्मनसिके पुरा तरहसे ओकर अधिन करिदेल्कै।’

यूहन्ना 10:35

आर तुहेंसब जानैछैं कि धरमशास्त्रमे लिख्ल बात बदल्ल नै ज्या सकैछै। सेल्याके यदि परमेश्वर ओकर आदमीसिके अगुवासिके ‘ईश्वर’ कहैछै।

यूहन्ना 3:20

कहिनेकी दुष्ट काम करेवाला सभेको उजेतके घृणा करैछै। उजेतमे ओकरसिके कैल कामसब देख्ल जैतै कहिके डरसे ऊसब उजेतमे नैआबैछै।

चुन्ल आर भेज्ल चेलासब 1:16

“हे भ्या-बहिनसब, पवित्र आत्मा बहुते समय पहेला ही दाऊद राजाके द्वारा यहूदाके विषयमे बतैल्कै रहे जे कि येशूके धोखा द्याके गिरफ्तार कराबेवाला आदमीसिके अगुवा बनी गेलै। यी जरुरी रहै कि यहूदाके विषयमे धरमशास्त्रमे लिख्ल बात सच साबित है।

चुन्ल आर भेज्ल चेलासब 18:25

ऊ प्रभुके पथके शिक्षा पैल्कै रहे आर आत्मामे उत्साहित भ्याके येशूके विषयमे ठीक-ठीक सुनाबै आर सिखैते रहै, मगर ऊ खाली बप्तिस्मा दिएवाला यूहन्नाके बप्तिस्माके बारेमे जान्ते रहै।

चुन्ल आर भेज्ल चेलासब 20:20

जे कोनो बात तोरसिके हितके लिए रहै, उटा बात तोरासिके खुलिके कहैलियै आर सभैके समनामे आर घर-घरमे जैके तोरासिके शिक्षा देते रहैलियै।

चुन्ल आर भेज्ल चेलासब 20:27

कहिनेकी हमे तोरासिके परमेश्वर तुहेंसब जे बात जानह कहिके चहते रहै उटा सभे बात बतैलिहौं छे। हमे तोरासिसे कुछु भी नैनुकैलिहौं छे।

चुन्ल आर भेज्ल चेलासब 28:25

ऊसब एक दोसरसे असहमत भेलै आर ऊसब ओत्तेसे ज्या लाग्लै। तब पावल ओकरासिके कहैल्कै, “तोरसिके बाप-पुर्खासिके यशैया परमेश्वरके वक्ताद्वारा पवित्र आत्मा ठीके कहैल्कौ रहे,

रोमी 15:4

जतनें बात बहुते पहेलासे ही धरमशास्त्रमे लिख्ल छै, उटा आपनसिके शिक्षाके लिए लिख्ल गेलै कि अपनासब धीरज आर धरमशास्त्रसे मिलेवाला उत्साह पाबे सकियै ताकी अपनासब आशा राखे सकियै कि परमेश्वर जे प्रतिज्ञा कैल्कै रहे, उटा पुरा कर्तै।

रोमी 2:20

आर तुहें मूर्ख आदमीसिके सिखाबैछैं, कमजोर आदमीसिके शिक्षा दैछैं। आर तोरासिके मालुम छौ कि तोरसिके संगे मूसाके विधि-विधान छौ, तोरासिके सभे बात बढियाँसे मालुम छौ आर तोरसिके कहेल बात एकदम सही छौ।

रोमी 3:2

एकटा यहूदी आदमी हुऐके बहुते फैदा छै। सबसे महत्वपूर्ण बात ते यी छै कि यहूदी आदमीसिके ही परमेश्वरके वचन जिम्मा देल गेलै।

रोमी 4:23

यी वचन, “परमेश्वर ओकरा धर्मी घोषित कैल्कै” ओकर लिए खाली नैरहै।

१ कोरन्थी 12:7

अपनासिमेसे हरेक आदमीके एकटा एरंको क्षमता देल जैछै जे पवित्र आत्माके उपस्थितिके देखाबैछै, ताकी अपनासब आपन संगी विश्वासीसिके सहायता करे सकियै।

गलाती 3:8

परमेश्वर धरमशास्त्रमे बहुते समय पहेला कही देल्कै रहे कि ऊ गैर-यहूदी आदमीसिके विश्वासद्वारा आपन नजरमे धर्मी घोषित कर्तै। इहे कारण छै कि धरमशास्त्रमे, जब परमेश्वर पहेला ही अब्राहमके खुश-खबरी सुनैल्कै ते ऊ ओकरासे कहैल्कै, “तोरद्वारा हमे यी संसारके सभे आदमीसिके आशीर्वाद देबै।”

२ तिमोथी 2:25

आपन विरोधमे भेल आदमीसिके ऊ नम्रताके साथ सुधारना चाही, आर कि पता परमेश्वर ओकरासिके मन बदलैके लिए सहायता कर्तै, ताकी ऊसब भी ख्रीष्टके सच्चाईके चिन्हे सकै।

२ तिमोथी 4:2

कि परमेश्वरके वचनके प्रचार कर, परिस्थिती बढियाँ है या खराब है परमेश्वरके वचन प्रचार करैले तैय्यार र। तुहें आदमीसिके ओकरसिके कैल खराब कामके देखाबे पडैछै, आर ओकरसिके पापके खातिर ओकरासिके धोपे पडैछै। मगर ओकरासिके हौसला दहैं। धीरजके साथ यी सभे काम कर आर ध्यानसे सिखा।

हिब्रू 11:1

यदि अपनासब परमेश्वरमे सच्चेके भरोसा करैछियै ते, अपनासब निश्चित हैछियै कि अपनासब आपन आशा कैल बात पैबै। आपनसिके भरोसाके कारणसे, अपनासब निश्चित छियै कि अपनासब एखनतक देखे नैसकेवाला चीज भी सच छै।

हिब्रू 3:7

ओहिने करिके पवित्र आत्मा धरमशास्त्रमे कहैछै, “यदि ऐज तुहेंसब परमेश्वरके आवाज सुन्भैं ते,

हिब्रू 4:12

कहिनेकी परमेश्वरके वचन काम कर्ते रहेवाला आर जिन्दा छै। यी दोनो बगल धारवाला तलवारसे भी बेसी धर्हा छै। यी भितरमे जैके प्राण आर आत्माके अलग करि दैछै। जोडनी आर हड्डीके भितरके गुद्दीके अलग करि दैछै। परमेश्वरके वचन आदमीसिके हृदयके विचार आर इच्छाके जाँच करैछै।