२ तिमोथी 3:15 - केवट नया कारार

¹⁵ बचपनसे ही, तुहें धरमशास्त्रसे परिचित छैं, जे तोरासिके येशू ख्रीष्टमे विश्वास कैलके बाद परमेश्वर तोरासिके बचाबैछै कहिके बुझैले सहायता करैछै।

२ तिमोथी 3:15 Iomraidhean Croise

मत्ती 22:29

येशू ओकरासिके जबाब देल्कै, “तुहेंसब भरममे पड्ल छैं, कहिनेकी तुहेंसब धरमशास्त्र आर परमेश्वरके शक्ति नैजानैछैं।

लूका 1:15

कहिनेकी ऊ परमेश्वरके नजरीमे महान हैतै। ऊ अंगुरके मद्द आर कोनो तरहके निसा लागेवाला चीज कहियो नैपिना चाही। ऊ जनमसे पहलहैसे ही पवित्र आत्माद्वारा निर्देशित हैतै।

लूका 2:40

बालक येशू बुद्धिसे भरपुर भ्याके बढ्ते आर मजगुत भेले गेलै आर परमेश्वरके दया ओकरापर रहै।

लूका 24:27

येशू ओकरासिके पुरा धरमशास्त्रमे, मूसाके विधि-विधानसे शुरु करिके सभे परमेश्वरके वक्तासिके द्वारा आपन विषयमे लिख्ल बात सम्झैल्कै।

लूका 24:32

ऊसब आपसमे कहैल्कै, “ऊ आपनसिके संगे रस्तामे बातचित करैबेरियाँ आर अपनासिके धरमशास्त्रके मतलब व्याख्या करैबेरियाँ कि आपनसिके हृदय उत्साह आर आशासे नैभर्ल रहै?”

लूका 24:45

तकरबाद ऊ ओकरासिके धरमशास्त्रमे लिख्ल बात तब बुझैले सहायता कैल्कै।

यूहन्ना 5:47

कहिनेकी तुहेंसब ओकर लिख्ल बातमे विश्वास नैकरैछैं ते, निश्चित रुपसे हमर कहेल बातमे भी विश्वास नैकर्भैं।

चुन्ल आर भेज्ल चेलासब 10:43

सभे परमेश्वरके वक्तासब ओकर गवाही देल्कै छे, जे कोय ओकरापर विश्वास कर्तै कि जे काम ख्रीष्ट क्रूसपर कैल्कै, ऊ कारणसे पापके माफी मिल्तै।”

चुन्ल आर भेज्ल चेलासब 13:29

येशूके बारेमे जे कुछु पहेलासे धरमशास्त्रमे लिख्ल रहै, ऊ सभे बात ओकरसिके द्वारा पुरा भेलै, ऊसब येशूके क्रूसमे काँटी ठोकिके जान मारल्कै आर ओकरा क्रूससे निच्चा उतारिके सारामे राखल्कै।

चुन्ल आर भेज्ल चेलासब 16:1

फेर पावल डर्बी सहर आर लुस्त्रा सहरमे भी ऐलै आर ओत्ते तिमोथी नामके एकटा चेला रहै। ओकर मयाँ यहूदी विश्वासी रहै, मगर ओकर बाबु यूनानी रहै।

चुन्ल आर भेज्ल चेलासब 17:2

पावल आपन आदत मुताबिक ओकरसिके लगत भितर गेलै, आर तीन हप्तातक यहूदी आदमीसिके विश्राम दिनमे ओकरसिके संगे धरमशास्त्रसे वाद-विवाद कैल्कै।

चुन्ल आर भेज्ल चेलासब 26:24

पावल आपन बचावके बात बोल्हैके समयमे राज्यपाल फेस्तस जोरसे कहैल्कै, “हे पावल, तुहें पागल छैं, तोर बहुते विद्या तोरा पागल बनैल्कौ छे।”

रोमी 1:2

परमेश्वर यी खुश-खबरीके विषयमे बहुते पहेला आपन वक्तासिके द्वारा पवित्र धरमशास्त्रमे प्रतिज्ञा कैल्कै रहे।

रोमी 16:26

मगर आब यी परमेश्वरके वक्तासिके लिख्ल बातसिके द्वारा प्रकट भेलै छे आर आब कहियो खतम नैहुएवाला परमेश्वरके आज्ञाके मुताबिक सभे जात-जातके आदमीसिके मालुम भेलै छे, ताकी सभे जात-जातके आदमीसब विश्वास करिके परमेश्वरके आज्ञापालन करे सकै।

रोमी 2:27

तब शरीरमे खतना नैकरिके भी जेसब विधि-विधानके आज्ञापालन कैल्कै छे, ऊ आदमी मूसाके विधि-विधान पैल आर शरीरमे खतना भेल आदमीसब जे विधि-विधानके आज्ञापालन नैकैल्कै छे, ओकरा दोषी बनैतै।

१ कोरन्थी 1:21

हमे यी कहैछियै कहिनेकी परमेश्वर बुद्धिमानीसाथ फैसला कैल्कै कि यी संसारके आदमीसब ओकरा आपन बुद्धिके माध्यमसे नैचिन्हे सक्तै। सेल्याके विश्वास नैकरेवाला आदमीसब हमरसिके खुश-खबरीके मूर्खता कहेल पर भी आपनसिके प्रचार कैल खुश-खबरीमे विश्वास करेवालासिके बचाबैके परमेश्वरके योजना रहै।

एफिसी 6:4

हे मयाँ-बाबुसब, आपन बेटाबेटीसिके गोस्सा नैउठा, मगर प्रभुके चहेल मुताबिक ओकरासिके तालिम आर शिक्षा द्याके पालन-पोषण कर।

१ तिमोथी 4:13

जबतक हमे ओत्ते नैऐबै विश्वासीसिके उत्साह देते आर सिखैते ऊँचा आवाजमे धरमशास्त्र पढ।

२ तिमोथी 1:1

हमे, पावल, यी चिट्ठी लिखैछियै। परमेश्वर हमरा इहे ल्याके चुनल्कै कि हमे येशू ख्रीष्टके चुन्ल आर भेज्ल चेला बनियै ताकी हमे यी सन्देशके प्रचार करे सकियै कि परमेश्वर कहियो खतम नैहुएवाला जीवन दियैके प्रतिज्ञा कैल्कै छे, जे येशू ख्रीष्टमे विश्वास करैसे आबैछै।

२ तिमोथी 1:5

हमरा तोर मयाँके येशू ख्रीष्टमे सच्चा विश्वासके याद आबैछै। तोर नानी लोइसके भी ओहिने विश्वास रहै, आर हमरा निश्चय छै कि ऊ विश्वास तोरामे भी छै।

२ पत्रुस 3:16

आपन सभे चिट्ठीसिमे जे ऊ विश्वासीसिके लिखल्कै छे, ऊ इहे तरिकासे लिखैछै जे ऊ तोरासिके लिखल्कौ छे। मगर कुछु बातसब जे ऊ आपन चिट्ठीसिमे लिखल्कै छे, ओकरा समझना कठिन छै। जे आदमीसब बढियाँ शिक्षा नैपैल्कै छे आर जकरासिके निश्चय नैछै कि ऊसब कि विश्वास करैछै, ऊसब यी कठिन बातके मतलबके गलत तरिकासे व्याख्या करैछै, ओहिने ही जेरंके ऊसब धरमशास्त्रके दोसर भागसिके गलत व्याख्या करैछै। एरं करिके ऊसब खुद ही परमेश्वरके द्वारा आपन नाश हुऐके कारण बनैछै।

प्रकाश 19:10

जब हमे यी बात सुन्लियै ते हमे ओकर समनामे झुकी गेलियै जे हमरसंगे बात कर्ते रहै, कहिनेकी हमे ओकर आराधना करैले जैते रहियै। मगर ऊ हमरा कहैल्कै, “तुहें हमरा गोड नैलाग। हमे खाली परमेश्वरके एकटा सेवक छियै जेरं तुहें छैं आर तोर भ्यासिके जुगुर जे येशूके द्वारा प्रकट कैल गेल सच्चा शिक्षापर विश्वास करैछै आर मानैछै। खाली परमेश्वर ही छै जकर तोरा आराधना करना चाही। कहिनेकी यी आत्मा छै जे परमेश्वरके आदमीसिके येशूके द्वारा बतैल गेल सचके घोषणा करैके योग्य बनाबैछै।”