२ तिमोथी 3:11 - केवट नया कारार

¹¹ आदमीसब हमरा सतैल्कै आर हमरा बहुते कष्ट देल्कै। तोरासिके मालुम छौ पिसिदिया प्रदेशके एन्टीओखिया सहरमे, आइकोनियन सहरमे आर लुस्त्रा सहरमे आदमीसब हमर विरुद्धमे कैल भयानक कामसिके बारेमे आर ओत्ते हमे केरं सतावटसब सहलियै ओकर बारेमे तोरासिके मालुम छौ। तैय्योपर प्रभु हमरा ऊ सभैसे बचैल्कै।

२ तिमोथी 3:11 Iomraidhean Croise

चुन्ल आर भेज्ल चेलासब 13:14

आर ऊसब पर्गा सहरसे निक्लीके गलातिया प्रदेशके पिसिदिया प्रदेशके एन्टीओखिया सहरमे पहुँचलै। आर यहूदी आदमीसिके विश्रामके दिनमे यहूदी आदमीसिके सभाघरमे जैके बैठ्लै।

चुन्ल आर भेज्ल चेलासब 13:45

मगर यहूदी आदमीसिके अगुवासब भीडके देखिके जर्नीसे भरि गेलै, आर निन्दा कर्ते पावलके कहेल बातके विरोधमे बोले लाग्लै।

चुन्ल आर भेज्ल चेलासब 14:8

लुस्त्रा सहरमे एकटा आदमी रहै, ऊ जनमहैसे नेंग्डा रहै। ऊ आपन पैर चलाबे नैसक्ते रहै आर कहियो नैलर्लै रहे।

चुन्ल आर भेज्ल चेलासब 20:19

बहुते विनम्रतासे आर लोर बहैते उटा संकटके समयमे भी, जे यहूदी आदमीसिके षड्यन्त्रके बदौलत हमरापर ऐलै रहे, हमे प्रभुके सेवा कर्ते रहैलियै।

चुन्ल आर भेज्ल चेलासब 23:10

जब बहुते झगडा भेलै, तब सेनापति डरी गेलै कि कहीं यी आदमीसब पावलके टुकरा-टुकरा नैकरि दै। तब ऊ सेनासिके आज्ञा देल्कै कि सभामे जैके ओकरा जबरजस्ती छोडा आर सेनाके-छावनीके भितर ल्याके या।

चुन्ल आर भेज्ल चेलासब 26:17

हमे तोरा यहूदी आदमीसब आर गैर-यहूदी आदमीसिके लगत भेजैछियौ। हमे तोरा ओकरासिसे बच्याके राख्बौ।

चुन्ल आर भेज्ल चेलासब 26:22

मगर ऐजके दिनतक हमे परमेश्वरसे सहायता पैलियै छे। सेल्याके छोटका बडका सभैके गवाही देते हमे तोरसिके समनामे एत्ते खडा भेल छियै। जे बातसब हुऐके भविष्यवाणी परमेश्वरके वक्ता आर मूसा कैल्कै रहे, एकरासे बेसी हमे कुछु नैकहैछियै।

चुन्ल आर भेज्ल चेलासब 9:16

हमे ओकरा देखैबै कि आदमीसिके हमर बारेमे बताबैके कारण कतनें दुःख उठाबे पड्तै।”

रोमी 15:31

आर प्रार्थना कर कि हमे यहूदिया प्रदेशके अविश्वासी आदमीसिसे सुरक्षित रहियै, आर ताकी यरूशलेम सहरमे रहेवाला विश्वासीसब हमर पहुँचैल आर्थिक सहायतासे खुश भ्याजै,

२ कोरन्थी 1:5

ख्रीष्टके जुगुर अपनासब बडका कष्ट सहेलपर भी परमेश्वर अपनासिके ख्रीष्टद्वारा सान्त्वना दैछै कहिनेकी अपनासब ख्रीष्टके छियै।

२ कोरन्थी 1:7

आर तोरसिके विषयमे हमरसिके आशा दृढ छै। कहिनेकी हमेसब जानैछियै कि जेरंके तुहेंसब हमरसिके तकलीफमे सामिल भेल छैं, ओहिने करिके तुहेंसब हमरसिके सान्त्वनामे भी सामिल हैभैं, जे हमरासिके परमेश्वरके तरफसे मिल्लै छे।

२ कोरन्थी 12:10

इहे ल्याके ख्रीष्टके लिए हमे आपन कमजोरीसिमे, अपमानसिमे, कष्टसिमे, सतावटसिमे आर विपत्तिसिमे खुश रहैछियै। कहिनेकी जब हमे कमजोर हैछियै तखनिहैं हमे ख्रीष्टके शक्तिसे बलवान हैछियै।

२ तिमोथी 4:7

जेरंके एकटा बढियाँ सिपाही युद्धमे लडाई करैके समयमे कहियो हार नैमानैछै, हमे भी ख्रीष्टके लिए कडा मेहनत करैले कहियो भी नैछोडलियै छे। हमे येशू ख्रीष्टके द्वारा हमरा देल काम पुरा कैलियै छे। हमे अन्ततक ख्रीष्टके प्रति विश्वासयोग्य भेल छियै।

२ पत्रुस 2:9

यी सभे काम जे परमेश्वर पहेला कैल्कै, उटा कामसब अपनासिके यी देखाबैछै कि जे आदमीसब ईश्वरीय जीवन जियैछै, जब ऊसब मुसीबतमे हैछै ते परमेश्वर जरुर ओकरासिके सुरक्षित राख्तै। आर अपनासब यी भी निश्चित करे सकैछियै कि ऊ दुष्ट आदमीसिके उटा दिनतक निरन्तर सजाय देतै जबतक कि ऊ सभे आदमीसिके न्याय नैकर्तै।