२ तिमोथी 2:6 - केवट नया कारार

⁶ मेहनत करेवाला किसान फसलके हिसाके पाबैके लिए पहेला आदमी हुऐके हकदार छै।

२ तिमोथी 2:6 Iomraidhean Croise

मत्ती 20:1

“परमेश्वरके राज्य यी खिसाके जुगुर छै: एकटा जमिनदार भरौवा सबेरे आपन अंगुरके बगानमे काम करेवाला जन खोजैले चौकमे गेलै।

मत्ती 25:16

तब पाँचटा सोनाके सिक्काके झोला पाबेवाला नोकर तुरन्ते जैके उटा सिक्का व्यापारमे लग्याके आरहौ पाँचटा सोनाके सिक्काके झोला कमैल्कै।

लूका 10:2

येशू ओकरासिके कहैल्कै, “जेरंके खेतमे बहुते फसल हैछै, एरंको बहुते आदमीसब छै जे परमेश्वरके वचन सुनैके लिए तैय्यार छै। मगर परमेश्वरके राज्यके बारेमे बताबैके लिए आदमीसब कम छै। सेल्याके फसलके प्रभुके संगे प्रार्थना कर ताकी परमेश्वरके राज्यके बारेमे आदमीसिके बताबैके लिए बहुते आदमीसिके भेजी दौ।

१ कोरन्थी 9:23

आर हमे सभे कुछु ख्रीष्टके बारेमे खुश-खबरीके प्रचार करैके लिए करैछियै, ताकी हमरा खुश-खबरीमे प्रतिज्ञा कैल गेल आशीर्वादके हिस्सा देल ज्या सकै।

२ तिमोथी 2:7

यी उदाहरणसब कि शिक्षा दैछै ओकर बारेमे सोच, आर प्रभु तोरा हमर कहैके मतलब बुझैके लिए सहायता कर्तौ।

हिब्रू 10:36

तोरासिके विश्वासके साथ धीरजसे निरन्तर इन्तजार करना चाही। तब तुहेंसब परमेश्वरके इच्छाके पुरा कर्भैं आर तोरासिके उटा सभे चीज प्राप्त हैतौ जकर प्रतिज्ञा परमेश्वर कैल्कै छे।

हिब्रू 6:7

जे आदमीसिके बढियाँ शिक्षा मिल्लै, ऊसब उटा जमिनके जुगुर छै जकरापर घुरी-घुरी बर्षा हैछै। यदि जमिन बढियाँ छै ते, यी किसानके बढियाँ फसल दैछै आर एकरापर परमेश्वरके आशीर्वाद हैछै।