२ तिमोथी 2:20 - केवट नया कारार

²⁰ मातबर आदमीसिके घरमे कुछु बर्तनसब सोना आर चानीके हैछै आर कुछु बर्तनसब लकडी आर माटीसे बन्ल हैछै। किमती बर्तनसब विशेष कामके लिए प्रयोग कैल जैछै आर सस्ता बर्तनसब दैनिक कामके लिए प्रयोग कैल जैछै।

२ तिमोथी 2:20 Iomraidhean Croise

यूहन्ना 8:49

येशू जबाब देल्कै, “हमरा भूत लाग्ल नैछै। हमे आपन परमेश्वर पिताके आदर करैछियै, मगर तुहेंसब हमर अनादर करैछैं।

रोमी 9:20

आदमी भ्याके परमेश्वरसे सवाल करेवाला तुहें के हैछैं? कि सृष्टि कैल चीज ओकरा सृष्टि करेवालाके कहैछै, “हमरा कहिने एरं बनैलह छे?”

१ कोरन्थी 3:9

कहिनेकी हमेसब परमेश्वरके सहकर्मी छियै, आर तुहेंसब, कोरन्थी सहरके विश्वासीसब परमेश्वरके खेतसब छैं। संगहै संग, हमे तोरासिके उटा भवनसंगे तुलना करैछियै जकरा परमेश्वर निर्माण करि रहलै छे।

२ कोरन्थी 4:7

मगर आब हमरसिके मनमे यी उजेत चम्कैछै, मगर हमेसब खुद माटीके उटा कमजोर बर्तनके जुगुर छियै जकरामे यी बडका खजाना भर्ल छै। जकरासे यी बात साफ भ्याजै कि यी सर्वश्रेष्ठ शक्ति हमरसिके नै, मगर परमेश्वरके छै।

एफिसी 2:22

हे गैर-यहूदी आदमीसब तुहेंसब ख्रीष्टके साथ एकजुट हुऐके कारण तोरासिके भी परमेश्वरके दोसर आदमीसिके संगे जोड्ल जैछौ। तुहेंसब एकटा एरंको इमारतके जुगुर बनैछैं जते परमेश्वरके आत्मा रहैछै।

१ तिमोथी 3:15

ताकी यदि हमरा आबैमे बेर हैबो कर्तै ते तोरासिके मालुम हौ कि अपनासिके केरंके परमेश्वरके परिवारके सदस्यके रुपमे आपन जीवन जिये पडैछै, जे जिन्दा परमेश्वरके मण्डली छै आर जेरंके जग आर खम्भा घरके थामैछै आर मजगुत बन्याके राखैछै, ओहिने करिके यी विश्वासीसब सच्चा शिक्षाके थामैछै आर स्थिर राखैछै।