२ तिमोथी 2:2 - केवट नया कारार

² तुहें हमरा बहुते आदमीसिके समनामे ख्रीष्टके विषयमे सन्देश सिखैते सुन्लहैं छे। सेल्याके, हमे चाहैछियै कि तुहें भी आपन भरोसा कैल दोसर विश्वासीसिके इहे सन्देश सिखा, आर ऊ विश्वासीसब भी दोसर विश्वासीसिके इहे सन्देश सिखाबैके योग्य हैतै।

२ तिमोथी 2:2 Iomraidhean Croise

मत्ती 13:52

तब फेर येशू चेलासिके कहैल्कै, “हरेक विश्वासी जे परमेश्वरके विधि-विधानके सिखाबैछै आर परमेश्वरके राज्यके विषयमे भी बुझ्ल छै, उटा आदमीसब एकटा घरके मालिकके जुगुर छै, जकर लगत भण्डार कोठा छै, जे आपन भण्डार कोठासे नया आर पुरना दोनो मूल्यवान चीजसब बाहार निकालैछै।”

मत्ती 24:25

घटना हुऐसे पहलहै, हमे तोरासिके यी सभे घटनासिके बारेमे बतैलियौ छे।

लूका 12:42

प्रभु येशू कहैल्कै, “एकटा विश्वासयोग्य आर बुद्धिमान नोकर ऊ हैछै, जकरा ओकर मालिक आपन परिवारके नोकरसिके सम्हारैले आर ओकरासिके खियाबैके जिम्मेदारी दिये सकैछै।

१ कोरन्थी 4:2

एकटा आदमी जकरा आपन मालिकके द्वारा काम करैके लिए देल गेलै छे, ओकरा वास्तवमे विश्वासयोग्य होना चाही ताकी ऊ उटा कामके करै, जे काम करैके लिए ओकरा आज्ञा देल गेलै रहे।

२ कोरन्थी 2:14

परमेश्वरके धन्यवाद है, ख्रीष्टके संगे आपनसिके एकताके कारण ऊ सभे दिन ओकरसंगे आपनसिके अगुवाई करैछै आर अपनासिके जित दिलाबैछै। एकर मतलब यी छै कि अपनासब जते भी जैछियै, ओत्ते खुश-खबरीके घोषणा करैछियै ताकी सभे आदमीसब सुनै आर परमेश्वरके जाने सकै।

२ कोरन्थी 3:5

हमेसब यी नैकहैछियै कि हमरसिके लगत खुदके ताकतसे कुछु भी करैके क्षमता छै। मगर परमेश्वर हमरासिके यी क्षमता दैछै।

कलस्सी 1:7

इहे बातके शिक्षा तुहेंसब हमरसिके प्रिय विश्वासी भ्या इपाफ्राससे सिख्लहैं, जे हमरसिके संगे सेवा करैछै आर हमरसिके प्रतिनिधिके रुपमे ख्रीष्टके विश्वासयोग्य सेवक छै।

१ तिमोथी 1:12

हमरा शक्ति दिएवाला आपनसिके प्रभु येशू ख्रीष्टके हमे धन्यवाद दैछियै, कि ऊ हमरा विश्वासयोग्य सम्झिके आपन सेवामे नियुक्त कैल्कै।

१ तिमोथी 1:18

तिमोथी तुहें जे हमर बेटाके जुगुर छैं, हमर देल आदेशसब यी छै: हमे तोरासे बिन्ती करैछियौ कि परमेश्वरके वक्तासब पहेला तोर विषयमे कहेल बात याद कर। ऊ झुट्ठा शिक्षकसिके विरुद्धमे खुश-खबरीके सच्चाईके लिए बढियाँसे लडैके लिए उटा शब्दसब प्रयोग कर।

१ तिमोथी 4:14

जब मण्डलीके अगुवासिके समूह तोरसिके उप्परमे हात राखल्कौ आर परमेश्वर तोरासिके विशेष क्षमताके विषयमे बताबैके लिए सन्देश देल बात याद कर। यी क्षमताके बेवास्ता नैकर।

१ तिमोथी 4:6

यदि तुहें विश्वासी भ्या-बहिनसिके हमर सिखैल बातसिके निरन्तर सिखैभैं, जकर बारेमे हमे तोरा एखन निर्देशन देलियौ छे आर तुहें विश्वासके सन्देशद्वारा मजगुत कैल गेल्हैं छे आर बढियाँ शिक्षाके अनुसरण कैल्हैं छे ते, तुहें येशू ख्रीष्टके एकटा बढियाँ सेवक हैभैं।

१ तिमोथी 5:22

जबतक कोनो आदमी ख्रीष्टमे विश्वासयोग्य साबित नैहैछै, ओकरापर हात राखिके मण्डलीके अगुवाके रुपमे नियुक्त नैकर। यदि तुहेंसब ओरं कर्भैं ते, ओकर पापके लिए तुहें भी जिम्मेदार हैभैं। अपने आपके पापसे दूर राख।

१ तिमोथी 6:12

जेरंके एकटा बढियाँ सिपाही युद्धमे लडाई करैके समयमे कहियो हार नैमानैछै, तुहेंसब भी परमेश्वरमे भरोसा राखैले आर ओकर आज्ञापालन करैले कहियो भी नैछोडना चाही। कहियो खतम नैहुएवाला जीवनके पक्डीके राख्, जकर खातिर तोरा बुलाहट भेल रहौ, आर बहुते आदमीसिके समनामे तुहें ख्रीष्टमे भरोसा राखैछैं कहिके साफ कहलहैं रहे।

२ तिमोथी 3:10

मगर तिमोथी, तोरा बढियाँसे मालुम छौ कि हमे कि सिखाबैछियै आर केरंके जियैछियै, हमर जीवनके मकसद कि छै आर हमे कि विश्वास करैछियै। तोरा मालुम छौ कि हमे धीरज धारण करैछियै आर सभे प्रकारके आदमीसिके प्रेम करैछियै, हमे कठिनाईसब सहलियै छे।

२ तिमोथी 3:14

जे बात हमेसब तोरा सिखैलियौ छे, तोरा उटा बात पर निरन्तर विश्वास करना चाही आर तुहें निश्चित छैं। कहिनेकी तुहें जानैछैं आर हमरासिपर भरोसा करे सकैछैं जेसब तोरा यी सच्चाईसब सिखैल्कौ छे।

हिब्रू 2:17

सेल्याके सभे बातमे येशू दोसर विश्वासी भ्या-बहिनसिके जुगुर बनना जरुरी रहै, ताकी ऊ आपनसिके दयालु आर विश्वासयोग्य प्रधान पुजारीके रुपमे परमेश्वरके सेवा करे सकै आर आपनसिके पापसिके माफीके लिए खुदके बलिदान करे सकै।