२ तिमोथी 2:19 - केवट नया कारार

¹⁹ मगर परमेश्वरके आदमीसब एकटा जगके जुगुर छै, यानिकी ऊसब सभे दिन आपन विश्वासमे स्थिर रहैछै। यी जगमे यी शब्दसब लिख्ल छै: “प्रभु आपन आदमीसिके चिन्हैछै” आर यी भी लिख्ल छै, “जे आदमीसब कहैछै कि ऊसब परमेश्वरके छै ऊ आदमीसिके दुष्ट कामसब करैके लिए बन्द करे पडैछै।”

२ तिमोथी 2:19 Iomraidhean Croise

मत्ती 24:24

कहिनेकी झुट्ठा ख्रीष्टसब आर झुट्ठा परमेश्वरके वक्तासब ऐतै, अगर सम्भव हुए ते उटा आदमीसिके धोखा दियैके लिए जकरा परमेश्वर चुन्लकै छे, ऊसब चिन्ह आर झुट्ठा चमत्कार कर्तै।

मत्ती 28:19

सेल्याके तुहेंसब जो, आर जात-जातके आदमीसिके हमर चेला बना। ओकरासिके एकटा चिन्हके रुपमे बप्तिस्मा दहैं कि ऊसब परमेश्वर आर हमे, परमेश्वरके बेटा आर पवित्र आत्माके अनुसरण करैछै।

मत्ती 7:23

तब हमे ओकरासिके साफसे कहबै, ‘हमे तोरासिके नैचिन्हैछियौ। हे दुष्ट काम करेवालासब, हमर लगतसे दूर भ्याजो।’ ”

मत्ती 7:25

बहुते जोरसे बर्षा भेलै, बाढ ऐलै, अन्हर-तूफान चल्लै आर उटा घरसे टकरैलै, तैय्योपर उटा घर नैगिर्लै। कहिनेकी उटा घरके जग पत्थलवाला जमिनमे बनैल रहै।

मर्कूस 12:16

ऊसब एकटा चानीके सिक्का आनल्कै। ऊ ओकरासिके कहैल्कै, “हमरा बता कि यी चानीके सिक्कापर ककर तस्वीर आर ककर नाम छै?” ऊसब ओकरा कहैल्कै, “रोमी महाराजाके।”

मर्कूस 13:22

कहिनेकी झुट्ठा ख्रीष्टसब आर झुट्ठा परमेश्वरके वक्तासब ऐतै, अगर सम्भव हुए ते उटा आदमीसिके धोखा दियैके लिए जकरा परमेश्वर चुन्लकै छे, ऊसब चिन्ह आर झुट्ठा चमत्कार कर्तै।

लूका 13:27

ऊ कहतै, हमे तोरासिके कहैछियौ, तुहेंसब कतेसे ऐल्हैं छे, हमे नैजानैछियौ। दुष्ट काम करेवालासब हमर लगतसे दूर भ्याजो।

लूका 6:48

ऊ एकटा घर बनाबेवाला आदमीके जुगुर छै, जे गहिर खधा खुनिके आपन घरके जग पत्थलवाला जमिनमे बनैल्कै। जब बाढके तेज-धार उटा घरसे टकरैलै ते घरके हिलाबैले नैसकल्कै, कहिनेकी उटा घर मजगुत बनैल रहै।

यूहन्ना 10:14

हमे बढियाँ चरवाहा छियै, जेरंके परमेश्वर पिता हमरा चिन्हैछै आर हमे परमेश्वर पिताके चिन्हैछियै, ओहिने करिके हमे आपन भेंडासिके चिन्हैछियै आर हमर आपन भेंडासब हमरा चिन्हैछै। आर हमे ओकरसिके लिए मरैके लिए तैय्यार छियै।

यूहन्ना 13:18

“हमे तोरसिके सभैके बारेमे यी बात नैकहैछियौ। हमे ते तोरासिमे हरेकके जानैछियौ, जकरासिके हमे चुन्लियै छे। मगर एरं इहे ल्याके हैछै ताकी धरमशास्त्रमे जे लिख्ल छै उटा बात पुरा है। यी कहैछै, ‘जे हमरसंगे खैल्कै ऊ हमरा धोखा देल्कै छे।’

यूहन्ना 3:33

मगर जे ओकर गवाही विश्वास कैल्कै छे, ऊ यी बातके साबित क्यादेल्कै छे कि परमेश्वर सच्चा छै।

चुन्ल आर भेज्ल चेलासब 11:26

आर जब ओकरासे मिल्लै तब ओकरा एन्टीओखिया सहरमे आनल्कै। तब पुरा एक सालतक मण्डलीके आदमीसिके संगे पावल आर बरनाबास भेटघाट कर्ते रहलै आर बहुते आदमीसिके प्रभु येशूके बारेमे शिक्षा देते रहलै। आर चेलासब सभैसे पहेला एन्टीओखिया सहरमे ही ख्रीष्टियन कहलैलै।

चुन्ल आर भेज्ल चेलासब 15:17

ताकी बाँकी सभे जात-जातके आदमीसब परमेश्वरके खोजे सकै, यानिकी ऊसब सभे गैर-यहूदी आदमीसब भी जकरा हमे आपन प्रजा हुऐके लिए बोलैलियै छे।

चुन्ल आर भेज्ल चेलासब 9:14

आर एत्ते भी प्रमुख पुजारीसिसे यी आज्ञा-पत्र ल्याके ऐलै छे कि ओकरा सभैके, जेसब तोरापर विश्वास करैछै, ओकरासिके बन्दी बन्याके यरूशलेम सहरमे ल्याजै।”

रोमी 11:2

परमेश्वर पहलहैसे चुन्ल आपन आदमीसिके नैत्यागल्कै। तुहेंसब जानैछैं कि परमेश्वरके वक्ता एलिया धरमशास्त्रमे इस्राएलीसिके विरुद्धमे परमेश्वरके समनामे आरोप लगैल्कै रहे।

रोमी 12:9

दोसर आदमीसिके प्रेम करैके ढोंग नैकर। खराब बातके घृणा कर। बढियाँ बात करैके लिए उत्सुकताके साथ लाग्ल र।

रोमी 15:20

मगर हमर मनके इच्छा यी छै कि खुश-खबरीके प्रचार उहे इलाकासिमे है, जते येशू ख्रीष्टके विषयमे एखनतक सुनैल नैगेलै छे। हमे उटा घर बनाबेवाला राज मिसतिरीके जुगुर छियै, जे कोनो दोसर आदमीके उठैल जगमे घर नैबनाबैछै।

रोमी 15:9

आर गैर-यहूदीसब भी परमेश्वरके दयाके कारण परमेश्वरके स्तुति कर। यी ठीक ओहिने ही छै जेरं धरमशास्त्रमे लिख्ल छै, “सेल्याके गैर-यहूदी आदमीसिके बिच्चेमे हमे तोर प्रशंसा कर्भौं, आर तोर नामके भजन गैभौं।”

रोमी 8:28

हमेसब जानैछियै कि परमेश्वरके प्रेम करेवाला आदमीसब आर परमेश्वरसे चुन्ल आदमीसिके लिए परमेश्वर ओकरसिके लिए आपन मकसदके मुताबिक सभे चीजमे भलाइये करैछै।

रोमी 9:11

आर जोडमा बच्चासब जनमैसे पहलहै या कुछु खराब या भला काम करैसे पहेला ही परमेश्वर रिबेकासे कहैल्कै रहे कि ओकर बडका बेटा छोटका बेटाके सेवा कर्तै। परमेश्वर यी देखाबैके लिए कहैल्कै कि ऊ आपन इच्छाके चुनाव आपनहैं करैछै आर यी ओकरसिके कैल कोनो भी कामके कारणसे नैरहै।

१ कोरन्थी 1:2

हमे यी चिट्ठी कोरन्थी सहरमे भेल परमेश्वरके मण्डलीके लिखैछियै जकरा ख्रीष्ट येशूमे एक बन्याके आपन आदमी हुऐके लिए परमेश्वर अलग कैल्कौ छे आर ऊ तोरासिके आपन पवित्र आदमी हुऐके लिए बोलैल्कौ छे। आपनसिके प्रभु येशू ख्रीष्टके प्रार्थना करैके लिए सभे आदमीसिके पवित्र बनैल जुगुर ऊ तोरासिके भी पवित्र बनैल्कौ छे, कहिनेकी ऊ आपनसिके सभैके प्रभु छै।

१ कोरन्थी 8:3

मगर यदि कोय परमेश्वरसे प्रेम करैछै ते, परमेश्वर ऊ आदमीके चिन्हैछै।

२ कोरन्थी 7:1

कहिनेकी हे प्रियसब, परमेश्वर अपनासिके आपन बेटा-बेटीसिके जुगुर स्वीकार करैके लिए एरं प्रतिज्ञा कैल्कै छे, इहे ल्याके अपनासब उटा सभे खराब काम बन्द कर जे तोरसिके शरीर आर आत्माके अशुद्ध बनाबैछै। परमेश्वरके भय मान आर आदर कर। या अपनासब पुरा तरहसे पवित्र हुऐके लिए काम करैछियै।

गलाती 4:9

आब जब कि परमेश्वरके संगे तोरसिके एकटा सम्बन्ध छौ या हमरा यी कहना चाही कि ऊ अपनासिके आपन बेटाके रुपमे स्वीकार कैल्कै छे, ते फेर तुहेंसब कमजोर आर दयनीय शिक्षासिके दास बनैके लिए कहिने वापस जैछैं?

एफिसी 2:20

चुन्ल आर भेज्ल चेलासब आर परमेश्वरके वक्तासिके जगमे तुहेंसब एकटा इमारतके जुगुर छैं आर जकर सबसे महत्वपूर्ण पत्थल येशू ख्रीष्ट छै।

एफिसी 3:15

ऊ उहे छै जे विश्वासीसिके परिवारके पिता छै, जेसब स्वर्गमे छै आर धर्तीमे छै।

एफिसी 4:30

आर परमेश्वरके पवित्र आत्माके आपन जीवन जियैके तरिकासे दुखित नैबना। परमेश्वर तोरासिके पवित्र आत्मा एकटा चिन्हके रुपमे देल्कौ, यी देखाबैके लिए कि तुहें परमेश्वरके छैं। आर एक दिन ऊ तोरासिके पुरा तरहसे उद्धार देतौ।

१ तिमोथी 3:15

ताकी यदि हमरा आबैमे बेर हैबो कर्तै ते तोरासिके मालुम हौ कि अपनासिके केरंके परमेश्वरके परिवारके सदस्यके रुपमे आपन जीवन जिये पडैछै, जे जिन्दा परमेश्वरके मण्डली छै आर जेरंके जग आर खम्भा घरके थामैछै आर मजगुत बन्याके राखैछै, ओहिने करिके यी विश्वासीसब सच्चा शिक्षाके थामैछै आर स्थिर राखैछै।

१ तिमोथी 6:19

एरं करिके, ऊसब आपन लिए खजानाके जुगुर ओकर बढियाँ कामसब जमा कर्तै, जे स्वर्गमे ओकरसिके भविष्यके जीवनके लिए मजगुत आधार हैतै ताकी ऊसब परमेश्वरके चहेल जेरं निश्चित रुपसे आपन सच्चा जीवनके अनुभव करे सकै।

हिब्रू 11:10

कहिनेकी ऊ स्वर्गमे एकटा एरंको सहरमे रहैके इन्तजार कर्ते रहै जे सभे दिन रहतै, जकरा रचेवाला आर बनाबेवाला परमेश्वर छै।

२ पत्रुस 3:14

हे प्रिय विश्वासी भ्या-बहिनसब, परमेश्वर संसारके न्याय करैके दिनके तुहेंसब इन्तजार करैबेरियाँ तोरासिके पवित्र आर निष्खोट हुऐके लिए आर ओकरसंगे शान्तिमे रहैके लिए आपन तरफसे पुरा कोशिश करे पडैछै।

१ यूहन्ना 2:19

ख्रीष्ट विरोधीसब आपनसिके संगे रहै मगर एखन ऊसब आपनसिके संगति छोडिके चल गेलै छे। यदि ऊसब आपनसिके जुगुर सच्चा विश्वासीसब हैतियै ते, ऊसब आपनसिके साथमे ही रहतियै। ऊसब चल गेलै, जकरासे यी स्पष्ट हैछै कि ओकरासिमेसे कोय भी आपनसिके जुगुर सच्चा विश्वासी नैरहै।

प्रकाश 17:8

ऊ जंगली जानवर जकरा तुहें एखन देख्लहैं, एक समय जिन्दा रहै मगर आब जिन्दा नैछै। ऊ अथाहा कुण्डसे बाहार आबेवाला छै आर परमेश्वर ओकरा पुरा तरहसे नाश करि देतै। धर्तीमे रहेवाला आदमीसब जकरसिके नाम परमेश्वर संसारके सृष्टि करैसे पहेला उटा किताबमे नैलिखल्कै छे जकरामे कहियो खतम नैहुएवाला जीवन पाबेवाला आदमीसिके नाम लिख्ल छै, ऊसब सभेको आश्चर्यचकित भ्याजैतै जब यी जंगली जानवरके देख्तै। एक समय ऊ जिन्दा रहै, आब ऊ जिन्दा नैछै, मगर ऊ फेर वापस ऐतै।

प्रकाश 2:13

हमे जानैछियै कि तोर सहर शैतानके कब्जामे छौ, मगर एकर बावजुद भी तुहें हमरापर आपन विश्वासके मजगुतसे पक्डीके राख्लहैं छे आर तुहें हमर शिक्षासिके नैछोडलहैं छे, एत्तेतक कि तखनी भी नै जब बहुते समय पहेला एन्टिपासके जान मार्ल गेलै रहे। ऊ हमर वचनके प्रचार करैमे विश्वासयोग्य रहै, इहे ल्याके ओकरा तोर सहरमे जान मार्ल गेलै जे सहर शैतानके कब्जामे छै।

प्रकाश 21:14

सहरके दिवाल बारहटा बडका-बडका पत्थलसिपर बन्ल रहै आर हरेक पत्थलपर बलि-भेंडाके बारहटा चुन्ल आर भेज्ल चेलासिमेसे एक-एकटाके नाम लिख्ल रहै।

प्रकाश 22:4

ऊसब परमेश्वरके अमना-समनामे देख्तै आर परमेश्वरके नाम ओकरसिके कपारमे लिख्ल हैतै।

प्रकाश 3:8

हमे जानैछियै कि तुहें कि करैछैं। हमे जानैछियै कि तुहें बहुते मजगुत नैछैं। मगर जे हमे तोरा कहैलियौ ओकर तुहें पालन कैल्हैं छे। तुहें हमरापर निरन्तर विश्वास करैछैं। सेल्याके, हमे तोर लिए एकटा केबाड खोल्लियौ छे, जकरा कोय भी बन्द नैकरे सकैछै।