२ तिमोथी 2:18 - केवट नया कारार

¹⁸ यी दीटा आदमीसब सच्चाईमे विश्वास करैले बन्द कैल्कै छे। ऊसब कहैछै कि परमेश्वर पहलहैसे ही मर्ल विश्वासीसिके कहियो खतम नैहुएवाला जीवनके लिए उठ्या लेल्कै छे। नतिजा स्वरुप, ऊसब कुछु विश्वासीसिके ख्रीष्टके शिक्षासिमे विश्वास करैके लिए रोकैछै।

२ तिमोथी 2:18 Iomraidhean Croise

मत्ती 15:13

मगर ऊ कहैल्कै, “स्वर्गमे भेल हमर पिताके नैरोप्ल सभे गाछ उखाड्ल जैतै।

मत्ती 22:29

येशू ओकरासिके जबाब देल्कै, “तुहेंसब भरममे पड्ल छैं, कहिनेकी तुहेंसब धरमशास्त्र आर परमेश्वरके शक्ति नैजानैछैं।

लूका 8:13

पत्थलवाला जमिनमे पडेवाला बिहन ऊ आदमीसब छै, जेसब परमेश्वर वचन सुनिके खुशीके साथ तुरन्ते स्वीकार करैछै, मगर ऊसब परमेश्वरके वचनके आपन दिलके गहराईसे बढैले नैदियैके कारणसे कुछु दिनके लिए ऊसब विश्वास करैछै, मगर परीक्षाके समयमे ऊसब विश्वास करैले छोडी दैछै।

चुन्ल आर भेज्ल चेलासब 5:39

मगर यी परमेश्वर छै ते तुहेंसब आदमीसिके रोकैले नैसक्भ बल्की एरं कैल पर तुहेंसब परमेश्वरके विरुद्धमे लडेवाला ठहर्भ।”

१ कोरन्थी 11:19

मगर तोरसिके बीचमे विभाजन होना भी जरुरी छै, ताकी तोरसिमेसे जकर लगत परमेश्वरके समर्थन छै, ओकरा पहचान्ल चल जैतै।

१ कोरन्थी 15:12

आब हमे तोरासिके यी कहैले चाहैछियौ कि जेरं हमेसब सभेको तोरसिके बीचमे प्रचार कैलियौ कि जब ख्रीष्ट मर्लै ते परमेश्वर ओकरा मुर्दासे जिन्दा बनैल्कै, ते तोरसिमेसे कोय भी यी नैक कि परमेश्वर विश्वासीसिके मर्लके बाद फेरसे ओकरासिके जिन्दा नैबनैतै।

कलस्सी 3:1

परमेश्वर ख्रीष्टके मुर्दासे जिन्दा बनैल जुगुर तोरहौसिके जिन्दा बनैल्कौ छे ते, जेरंको स्वर्गके आदमीके व्यवहार करना चाही ओहिने व्यवहार करैके सभे दिन इच्छा कर, जते ख्रीष्ट परमेश्वरके दहिना हातके बगलमे सम्मानके जगहमे बैठ्ल छै।

१ तिमोथी 1:19

तुहें निरन्तर ख्रीष्टमे विश्वास कर आर साफ विवेक राख। कुछु आदमीसब साफ विवेकके इन्कार कैल्कै छे। नतिजा स्वरुप ऊसब आब ख्रीष्टमे विश्वास नैकरैछै।

१ तिमोथी 6:10

कहिनेकी रुपिया-पैसाके प्रेम सभे प्रकारके खराबीके जड छै। कुछु आदमीसब कले-कले ख्रीष्टके विषयमे शिक्षासिके उप्परमे विश्वास करैके लिए छोडी देल्कै कहिनेकी ऊसब रुपिया-पैसा हुऐके बहुते इच्छा कर्ते रहै, आर ऊसब बहुते किसिमसे कष्ट भोगैछै, एकटा एरंको आदमीके जुगुर जे अपने आपके एकटा हतियारसे भोकी लेल्कै छे।

१ तिमोथी 6:21

कुछु आदमीसब यी बेकारके बातसिके स्वीकार कैल्कै छे, आर एरंको करिके ऊसब ख्रीष्टके विषयमे सच्चा शिक्षाके विश्वास नैकरैछै। हमे प्रार्थना करैछियै कि परमेश्वरके अनुग्रह तोरसिके सभैके संगे रहते रहौ।

२ तिमोथी 2:14

जे बात हमे तोरा सिखैलियौ छे ऊ बात विश्वासीसिके घुरी-घुरी सिखा। आर प्रभुके समनामे कडा आज्ञा दहैं कि ऊसब बेकारके शब्दसिके विषयमे बहस नैकरै, जे भलाइ नैकरैछै, मगर यी सुनेवाला आदमीसिके हानी पहुँचाबैछै।

तीतस 1:11

एरंको आदमीसिके सिखाबैले अनुमति नैदहैं, कहिनेकी ऊसब झुट्ठा शिक्षा सिख्याके पुरा परिवारके विश्वासके बर्बाद करैछै। ऊसब एरंको झुट्ठा शिक्षा पैसा कमाबैके लिए सिखाबैछै।

हिब्रू 3:10

इहे कारणसे हमे उटा समयके आदमीसिसे क्रोधित भेलियै आर कहैलियै, ‘ऊसब सभे दिन विश्वासीघाती छै, आर हमे जे करैके आज्ञा देलियै छे, ओकरा पालन करैसे इन्कार करैछै।’

याकूब 5:19

हे हमर विश्वासी भ्या-बहिनसब, यदि तोरसिमेसे एकटा भी विश्वासी परमेश्वरके सच्चा वचन पालन नैकरैछै आर कोय ओकरा पाप करैले छोडिके परमेश्वरके तरफ मन लगाबैके लिए सहायता करैछै,

१ यूहन्ना 2:19

ख्रीष्ट विरोधीसब आपनसिके संगे रहै मगर एखन ऊसब आपनसिके संगति छोडिके चल गेलै छे। यदि ऊसब आपनसिके जुगुर सच्चा विश्वासीसब हैतियै ते, ऊसब आपनसिके साथमे ही रहतियै। ऊसब चल गेलै, जकरासे यी स्पष्ट हैछै कि ओकरासिमेसे कोय भी आपनसिके जुगुर सच्चा विश्वासी नैरहै।