२ तिमोथी 2:16 - केवट नया कारार

¹⁶ परमेश्वरके आराधना नैहुएवाला चीजसे आर बेकारके छलफल करैसे बच। कहिनेकी एरंको आदमीसब जे परमेश्वरके आराधना नैहुएवाला चीजमे भाग लैछै ऊसब आरहौ बेसी ईश्वरहीन भ्याजैछै।

२ तिमोथी 2:16 Iomraidhean Croise

१ कोरन्थी 15:33

जे आदमीसब एरंको बातसब करैछै, ओकरसिके द्वारा मूर्ख नैबन, “खराब संगत बढियाँ चरित्रके बिगाडी दैछै।”

१ कोरन्थी 5:6

तुहेंसब घमण्ड करैले बन्द कर। तोरासिके मालुमे छौ कि कनेजरा खमीर सभेटा सान्ल अट्टाके फुल्या दैछै। ओहिने करिके, यदि एकटा आदमीके पाप करैके लिए अनुमति देल जैछै ते, जल्दी ही सभे आदमीसब उहे करैके लिए प्रभावित हैतै।

१ तिमोथी 1:9

हमरासिके यी भी मालुम छै कि मूसाके विधि-विधान परमेश्वरके नजरमे सही भेल आदमीसिके लिए नैछै मगर परमेश्वरके विधि-विधानके बेवास्ता करिके जानी-जानीके आज्ञा नैमानेवाला आदमीसिके लिए, आर परमेश्वरके आराधना नैकरेवाला आर निरन्तर पाप करेवाला आदमीसिके लिए, आर परमेश्वरके सम्मान नैकरेवाला दुष्ट आदमीसिके लिए, आर आपन मयाँ-बाबुके आर दोसर आदमीसिके जान मारेवाला आदमीसिके लिए छै।

१ तिमोथी 4:7

परमेश्वरके अनादर करेवाला बनौटी आर मूर्ख खिसासिसे पुरा रुपसे अलग र, आर ईश्वरीय जीवन बिताबैके लिए अपने आपके निरन्तर तालिम दहैं।

१ तिमोथी 6:20

तिमोथी परमेश्वरके देल काम करैके लिए सुनिश्चित कर। ईश्वरहीन आर बेकारके बातसब आर परमेश्वरके सच्चा शिक्षाके विरोध करेवाला शिक्षासिसे दूर र, जकरा ऊसब गलत तरिकासे “ज्ञान” कहैछै।

२ तिमोथी 2:14

जे बात हमे तोरा सिखैलियौ छे ऊ बात विश्वासीसिके घुरी-घुरी सिखा। आर प्रभुके समनामे कडा आज्ञा दहैं कि ऊसब बेकारके शब्दसिके विषयमे बहस नैकरै, जे भलाइ नैकरैछै, मगर यी सुनेवाला आदमीसिके हानी पहुँचाबैछै।

२ तिमोथी 2:21

अहिने करिके जे विश्वासी खुदके उटा सभे खराब कामसे अलग करि लेतै, ते ओकर जीवन पवित्र हैतै। ऊ आपन मालिकके लिए उपयोगी हैतै आर कोनो भी किसिमके बढियाँ काम करैके लिए ऊ तैय्यार रहैछै।

२ तिमोथी 3:13

मगर दुष्ट आर धोखेबाज आदमीसब आरहौ बेसी दुष्ट कामसब कर्तै। ऊसब आदमीसिके धोखा देतै आर ऊसब खुद भी दोसर आदमीसिसे धोखा पैतै।

तीतस 1:11

एरंको आदमीसिके सिखाबैले अनुमति नैदहैं, कहिनेकी ऊसब झुट्ठा शिक्षा सिख्याके पुरा परिवारके विश्वासके बर्बाद करैछै। ऊसब एरंको झुट्ठा शिक्षा पैसा कमाबैके लिए सिखाबैछै।

तीतस 1:14

यहूदी आदमीसिके झुट्ठा खिसासब आर सचसे भट्कल ऊ आदमीसिके आज्ञासिके नैसुन।

तीतस 3:9

मगर मूर्ख आर बेकारके सवाल-जबाबसिसे, बाप-पुर्खासिके लम्बा सूचीसिसे, बेकारके मुद्दा आर शब्दसिके बारेमे बहससिसे, मूसाके विधि-विधानके विषयके झगडासिसे अलग र, कहिनेकी ऊसब कोनो मोलके नैछै आर कक्रहौ सहायता नैकरैछै।

हिब्रू 12:15

होशियार र, कि कोनो भी आदमी परमेश्वरके अनुग्रह पाबैसे बन्चित नैहै। ध्यान दहैं कि अविश्वासके कोनो तित्त जड तोरसिके बीचमे नैटुसाबौ कहिनेकी जब भी यी टुसाबैछै ते बहुते आदमीसब एकर जहरसे भ्रष्ट भ्याजैछै।

२ पत्रुस 2:18

जब ऊसब आदमीसिके सिखाबैछै, ऊसब बेकारके आर घमण्डसे भर्ल शब्दसिके इस्तमाल करैछै। ऊसब आदमीसिके बताबैछै कि ओकरसिके आपन शरीर जे करैले चाहैछै उटा लजलग्गा काम करे सकैछै आर ऊसब आदमीसिके फेरसे पाप करैके लिए भरम्या दैछै जे आदमीसब कुछु समय पहेला ही दुष्ट जीवनशैली त्यागल्कै छे।

२ पत्रुस 2:2

परमेश्वरके बहुते आदमीसब यी शिक्षकसिके खराब कामसिके नक्कल कर्तै आर जे कुछु भी ऊसब करैछै ओकर कारण आदमीसब सच्चा रस्ताके विषयमे अपमान कर्तै।

प्रकाश 13:14

बहुते आदमीसब दोसर जंगली जानवरके झुट्ठा चमत्कारसिसे प्रभावित भ्याके धोखा खैल्कै जे उटा पहेलावाला जंगली जानवरके शक्तिसे कैल्कै रहे। दोसर जंगली जानवरके द्वारा आदमीसिके कहेल गेलै कि ऊसब पहेलावाला जंगली जानवरके पूजा करैके लिए एकटा मूर्ति बनाबै, जे हतियारसे घायल भ्यागेलै रहे, मगर फेरसे ठीक भ्यागेलै रहे।

प्रकाश 13:3

ऊ जंगली जानवरके एकटा मुडामे एकटा घाके निशान रहै, जे ओकर मरैके कारण बने सक्ते रहै। मगर ओकर घा ठीक भ्यागेलै रहे। सेल्याके धर्तीके आदमीसब चकित भ्यागेलै आर ऊ जंगली जानवरके अनुसरण करे लाग्लै।