२ तिमोथी 2:15 - केवट नया कारार

¹⁵ कडा मेहनत कर ताकी तुहें अपने आपके परमेश्वरके समनामे एरंको आदमीके रुपमे पेश करे सक्हैं, जकरा ऊ स्वीकार करे सकै। एकटा एरंको कारीगरके जुगुर बन जे बढियाँसे काम करैछै आर जकरा आपन कामके कारण लज्जित हुए नैपडै, आर जे सचके वचनके सही तरिकासे सम्हारैछै।

२ तिमोथी 2:15 Iomraidhean Croise

मत्ती 13:52

तब फेर येशू चेलासिके कहैल्कै, “हरेक विश्वासी जे परमेश्वरके विधि-विधानके सिखाबैछै आर परमेश्वरके राज्यके विषयमे भी बुझ्ल छै, उटा आदमीसब एकटा घरके मालिकके जुगुर छै, जकर लगत भण्डार कोठा छै, जे आपन भण्डार कोठासे नया आर पुरना दोनो मूल्यवान चीजसब बाहार निकालैछै।”

मर्कूस 4:33

ओकरासिके बुझाबैले येशू बहुते खिसासब कहिके वचन सुनैल्कै।

लूका 12:42

प्रभु येशू कहैल्कै, “एकटा विश्वासयोग्य आर बुद्धिमान नोकर ऊ हैछै, जकरा ओकर मालिक आपन परिवारके नोकरसिके सम्हारैले आर ओकरासिके खियाबैके जिम्मेदारी दिये सकैछै।

चुन्ल आर भेज्ल चेलासब 2:22

इस्राएलीसब यी बात सुन, नासरत गाँवके निवासी येशू एरं आदमी रहै, जकरा परमेश्वर शक्तिशाली कामसब, अदभुद कामसब आर चिन्हसिके द्वारा परमेश्वर खुद भेजल्कै रहे कहिके साबित कैल्कै, तोरासिके आपनहैं मालुम छौं कि यी बात सच छै।

चुन्ल आर भेज्ल चेलासब 20:27

कहिनेकी हमे तोरासिके परमेश्वर तुहेंसब जे बात जानह कहिके चहते रहै उटा सभे बात बतैलिहौं छे। हमे तोरासिसे कुछु भी नैनुकैलिहौं छे।

रोमी 14:18

जे आदमी एरंके ख्रीष्टके सेवा करैछै, ओकरासे परमेश्वर खुश छै आर आदमीसब भी ओकर बारेमे बढियाँ कहतै।

रोमी 16:10

अपोल्लोस, जे साफसे देखैल्कै छे कि ऊ ख्रीष्टके प्रति कतनें वफादार छै, ओकरा हमर नमस्कार कही दहैं। अरिस्तोबुलस आर ओकर घर-परिवारके भी हमर नमस्कार कही दहैं।

रोमी 6:13

आपन शरीरके अंगसिके दुष्ट काममे प्रयोग हुऐके लिए समर्पण नैकर। मगर मौतसे जीवनमे आन्ल आदमीके जुगुर आपन जीवनके आर आपन शरीरके अंगसिके सही काम करैके लिए परमेश्वरके लगत पुरा समर्पण करि दहैं।

१ कोरन्थी 2:6

तैय्योपर भी हमे जे आदमीसब आत्मिक रुपसे परिपक्क छै ओकरसिके बीचमे ज्ञानके सन्देशके घोषणा करैछियै। मगर यी ज्ञान संसारिक ज्ञान नैछै आर नैते यी संसारके शासकसिके ज्ञान छै, जेसब नाश हुएवाला छै।

२ कोरन्थी 10:18

कहिनेकी जे आदमी आपन बडै आपनहैं करैछै, ऊ नै, मगर जकर बडै प्रभु करैछै उहे परमेश्वरद्वारा सच्चा करिके स्वीकार कैल जैछै।

२ कोरन्थी 3:6

जे हमरासिके नया करारके सेवक हुऐके क्षमता देल्कै छे, यी करार लिख्ल विधि-विधानके नै मगर पवित्र आत्माके छै। कहिनेकी मूसाके लिख्ल विधि-विधानके पालन करैके परिणाम मौत छै मगर पवित्र आत्मा कहियो खतम नैहुएवाला जीवन दैछै।

२ कोरन्थी 4:2

हमेसब शर्मनाक आर गुप्त कामसिके छोडी देलियै छे। नैते हमरसिके स्वभावमे छल-कपट छै आर नैते परमेश्वरके वचनमे हेर-फेर करैछियै। मगर हमेसब परमेश्वरके समनामे खाली सच सिखाबैछियै। सभेकोय गवाही दिए सकैछै कि यी बात सच छै।

२ कोरन्थी 5:9

सेल्याके हमरसिके बडका इच्छा भी इहे छै कि चाहे हमेसब ओकरसंगे स्वर्गमे रहियै चाहे हमेसब एत्ते यी धर्तीमे रहियै खाली ओकरा पसन्द हुएवाला काम कर्बै।

गलाती 1:10

स्पष्ट रुपसे, हमे आदमीसिके खुश करैके कोशिश नैकरैछियै मगर हमे परमेश्वरके खुश बनाबैले चाहैछियै। हमे सचमे आदमीसिके खुश करैके कोशिश नैकरैछियै। अगर हमे आरहौ भी आदमीसिके खुश बनाबैके कोशिश कर्तियै ते हमे ख्रीष्टके सेवक नैहैतियै।

एफिसी 1:13

आर तोरसिके संगे भी इहे भेलौ छे। तुहेंसब सच्चा खुश-खबरी सुन्लहैं छे, जे यी विषयमे बताबैछै कि परमेश्वर तोरासिके केरंके बचाबैछै। आर ख्रीष्टमे तुहेंसब विश्वास करैके कारण, परमेश्वर आपन आदमीसिके दियैके प्रतिज्ञा कैल पवित्र आत्मा तोरासिके देल्कौ छे। तुहेंसब परमेश्वरके छैं कहिके देखाबैके लिए पवित्र आत्मा तोरसिकेलगत एकटा चिन्हके रुपमे छौ।

१ थेसलोनिकी 2:4

परमेश्वर हमरासिके योग्य सम्झिके खुश-खबरी सौंपल्कै छे। सेल्याके हमेसब आदमीसिके नै, मगर हमरसिके ह्रदय जाँचेवाला परमेश्वरके खुश करैके लिए उपदेश दैछियै।

१ थेसलोनिकी 5:14

हे विश्वासी भ्या-बहिनसब, हमे तोरासिके आग्रह करैछियौ कि कोढियासिके चेतावनी दहैं। घबराबेवालासिके उत्साह दहैं। कमजोरसिके मदत कर। ऊ सभैके संगे धीरजके साथ व्यवहार कर।

१ तिमोथी 4:6

यदि तुहें विश्वासी भ्या-बहिनसिके हमर सिखैल बातसिके निरन्तर सिखैभैं, जकर बारेमे हमे तोरा एखन निर्देशन देलियौ छे आर तुहें विश्वासके सन्देशद्वारा मजगुत कैल गेल्हैं छे आर बढियाँ शिक्षाके अनुसरण कैल्हैं छे ते, तुहें येशू ख्रीष्टके एकटा बढियाँ सेवक हैभैं।

हिब्रू 4:11

सेल्याके अपनासब उटा विश्रामके जगहमे प्रवेश करैके लिए कडा मेहनत कर। कोनो भी आदमीके ऊ आदमीसिके उदाहरणके नकल नैकरना चाही जेसब परमेश्वरके आज्ञा मानैसे इन्कार करिदेल्कै। तब अपनासब उटा विश्रामके जगहमे प्रवेश कर्बै।

याकूब 1:12

ऊ आदमी धन्यके छै, जे परीक्षामे स्थिर रहैछै, कहिनेकी ऊ आपन विश्वास साबित कैलके बाद ऊ कहियो खतम नैहुएवाला जीवनके मकुट पैतै, जे परमेश्वरके प्रेम करेवाला आदमीसिके दियैके वादा परमेश्वर कैल्कै छे।

याकूब 1:18

परमेश्वर आपने इच्छासे सच्चाईके वचनके द्वारा अपनासिके नया जीवन दियैके निर्णय कैल्कै छे, ताकी जेरंके फसलके पहेला अनाज सभैसे महत्वपूर्ण अंश हैछै ओहिने करिके अपनासब भी ओकर बनैल सभे चीजके महत्वपूर्ण भाग हुए सकियै।

२ पत्रुस 1:10

सेल्याके हे विश्वासी भ्या-बहिनसब, अपने आपके आर दोसर आदमीसिके यी देखाबैके लिए आरहौ भी बढियाँ व्यवहार करैके कडा मेहनत कर कि परमेश्वर तोरासिके वास्तवमे चुनल्कौ छे आर तोरासिके आपन आदमी हुऐके लिए बोलैल्कौ छे। यदि तुहेंसब एरं कर्भैं ते तुहेंसब निश्चित रुपसे परमेश्वरसे अलग नैहैभैं।

२ पत्रुस 1:15

सेल्याके हमे तोरासिके यी बातसब एखनी लिखिके कडा मेहनत करैछियै ताकी हमर मौतके बाद तुहेंसब यी बातसिके जहिया भी याद करे सक्हैं।

२ पत्रुस 3:14

हे प्रिय विश्वासी भ्या-बहिनसब, परमेश्वर संसारके न्याय करैके दिनके तुहेंसब इन्तजार करैबेरियाँ तोरासिके पवित्र आर निष्खोट हुऐके लिए आर ओकरसंगे शान्तिमे रहैके लिए आपन तरफसे पुरा कोशिश करे पडैछै।