२ तिमोथी 2:12 - केवट नया कारार

¹² यदि अपनासब ओकर लिए दुःख सहबै ते, अपनासब ओकरेसंगे राजाके जुगुर राज्य भी कर्बै। मगर यदि अपनासब ओकरा चिन्हैसे इन्कार करैछियै ते, उहो भी कहतै कि अपनासब ओकर नैछियै।

२ तिमोथी 2:12 Iomraidhean Croise

मत्ती 10:33

मगर जे भी हमरा आदमीसिके समनामे खुदके हमर चेलाके रुपमे स्वीकार नैकर्तै, हम्हुँ ओकरा स्वर्गमे रहेवाला हमर परमेश्वर पिताके समनामे हमर चेलाके रुपमे स्वीकार नैकर्बै।”

मत्ती 26:35

पत्रुस ओकरा जबाब देल्कै, “अगर हमरा तोरसंगे मरे भी पड्तै, तैयोपर हमे कहियो नैकहभौं कि हमे तोरा नैचिन्हैछियौं।” अहिने करिके दोसर चेलासब भी इहे बात बोल्लै।

मत्ती 26:75

तब पत्रुसके येशूके कहेल बात याद ऐलै, “मुर्गा ऐजान दियैसे पहेला तुहें हमरा तीनबेर इन्कार कर्भैं।” तब ऊ बाहार जैके जोर जोरसे काने लाग्लै कहिनेकी ऊ दुखित भेलै रहे कि ऊ येशूके नैचिन्हैछियै कहिके कहैल्कै रहे।

मर्कूस 10:33

ऊ कहैल्कै, “देख, हमेसब यरूशलेम सहरमहर जैछियै। ओत्ते हमे, आदमीके बेटाके प्रमुख पुजारीसब आर यहूदी धरमशास्त्रके पण्डितसिके हातमे सौंप्ल जैबै, आर ऊसब हमरा मृत्युदण्ड देतै, आर गैर-यहूदी आदमीसिके हातमे सौंपी देतै

मर्कूस 8:38

जे आदमीसब ऐज जिन्दा छै आर परमेश्वरसे विश्वासघात करैछै, ऊसब एकटा व्यबिचारी पतनीके जुगुर आर पापी आदमीसब छै। अगर तोरासिमेसे कोय भी हमरा आपन परमेश्वरके रुपमे स्वीकार करैले आर हमर शिक्षाके पालन करैले इन्कार करैछै, कहिनेकी तुहें डराबैछैं कि एरंको पापी आदमीसब तोर मजाक उडैतौ, तब हमे, आदमीके बेटा इन्कार कर्बौ कि तुहें हमर चेला छैं, जब हमे पवित्र स्वर्गदूतसिके साथ धर्तीपर वापस ऐबै। तब सभेको हमर चम्कल तेजके देख्तै जे हमर पिताके जुगुर छै।”

लूका 12:9

मगर जे भी हमरा आदमीसिके समनामे खुदके हमर चेलाके रुपमे स्वीकार नैकर्तै, हम्हुँ ओकरा स्वर्गमे परमेश्वर पिताके स्वर्गदूतसिके समनामे हमर चेलाके रुपमे स्वीकार नैकर्बै।

लूका 22:29

जेरंके हमर पिता हमरा राज्य करैके लिए अधिकार देल्कै, ओहिने करिके हमे भी तोरासिके राज्य करैके लिए अधिकार देबौ।

लूका 22:30

ताकी हमर राज्यमे तुहेंसब हमर टेबुलमे खैभैं आर पिभैं, आर इस्राएलीसिके बारहो कुलके आदमीसिके न्याय करैके लिए सिंहासनमे बैठ्भैं।

लूका 9:26

अगर तोरासिमेसे कोय भी हमरा आपन परमेश्वरके रुपमे स्वीकार करैले आर हमर शिक्षाके पालन करैले इन्कार करैछै, कहिनेकी तुहें डराबैछैं कि एरंको पापी आदमीसब तोर मजाक उडैतौ, तब हमे, आदमीके बेटा इन्कार कर्बौ कि तुहें हमर चेला छैं, जब हमे पवित्र स्वर्गदूतसिके साथ धर्तीपर वापस ऐबै। तब सभेको हमर चम्कल तेजके देख्तै जे हमर पिताके जुगुर छै।”

चुन्ल आर भेज्ल चेलासब 14:22

ऊसब सभे सहरमे चेलासिके मनके मजगुत बनैते रहलै आर यी उपदेश दै कि आपन विश्वासमे स्थिर र, आर यी कहै, “अपनासिके बहुते कष्ट सहिके परमेश्वरके राज्यमे प्रवेश करे पड्तै।”

रोमी 5:17

कहिनेकी जब आदमके पापके कारण मौत सभे आदमीमे ऐलै, ओरं छै ते जे आदमीसब अनुग्रह आर धर्मी घोषित हुऐके वरदान बहुते पाबैछै। ऊसब एकटा आदमी यानिकी येशू ख्रीष्टद्वारा जरुर ही कहियो खतम नैहुएवाला जीवन पैतै आर येशू ख्रीष्टसंगे ऊसब राज्य कर्तै कहिनेकी ऊसब ओकरामे विश्वास करैछै।

रोमी 8:17

आर यदि अपनासब सन्तान छियै ते, हकवाला भी छियै, परमेश्वरके हकवाला आर ख्रीष्टके संगी हकवाला। यदि अपनासब येशूके जुगुर दुःख सहैछियै ते, अपनासब ओकर महिमामे भी सामिल हैबै।

फिलिप्पी 1:28

आर तुहेंसब कोनो बातमे विरोधीसिसे नैडराबैछैं। तोरसिके साहास ओकरसिके लिए यी विनाशके लक्षण छै, मगर तोरसिके लिए सिधे उद्धारके लक्षण छौ, जे उद्धार परमेश्वरके तरफसे छै।

१ तिमोथी 5:8

अगर कोय आपन रिश्तेदारसिके, खास करिके आपन परिवारके आदमीसिके देखभाल नैकरैछै ते एकरासे साफ जाहीर हैछै कि ऊसब येशू ख्रीष्टमे विश्वास नैकरैछै आर विश्वास नैकरेवाला आदमीसे भी खराब छै।

यहूदा 1:4

हमे तोरासिके लिखैछियौ कहिनेकी कुछु आदमीसब जे येशू ख्रीष्टमे विश्वास करैके दिखावा करैछै, ऊसब तोरसिके मण्डलीमे सामिल भ्या गेलौ छे। ऊसब परमेश्वरके सम्मान नैकरैछै आर ऊसब एरं कहिके गलत शिक्षा दैछै, कहिनेकी परमेश्वर आपन अनुग्रहसे आपनसिके पापसिके माफ करि दैछै, इहे ल्याके अपनासब अनैतिक जीवन जिये सकैछियै। ऊसब येशू ख्रीष्टके अस्वीकार करैछै, जे आपनसिके एक्केटा मालिक आर आपनसिके प्रभु छै। बहुते समय पहेला धरमशास्त्र कहैछै कि परमेश्वर एरं आदमीसिके सजाय देतै।

प्रकाश 1:9

हमे, यूहन्ना, जे ख्रीष्टमे तोर साथी छियौ, तोरेसिके जुगुर सतैल जैछियै। हमे परमेश्वरके राज्यके एकटा नागरिक छियै जेरं कि तुहेंसब छैं आर हमरा भी आपन तकलीफके ओहिने ही धीरजके साथ सहन करना चाही जेरं तुहेंसब करैछैं। हमे परमेश्वरके वचन प्रचार करैके आर येशूके विषयमे बताबैके कारण पत्मोसके टापुमे निर्वासित करि देल गेलियै रहे।

प्रकाश 2:13

हमे जानैछियै कि तोर सहर शैतानके कब्जामे छौ, मगर एकर बावजुद भी तुहें हमरापर आपन विश्वासके मजगुतसे पक्डीके राख्लहैं छे आर तुहें हमर शिक्षासिके नैछोडलहैं छे, एत्तेतक कि तखनी भी नै जब बहुते समय पहेला एन्टिपासके जान मार्ल गेलै रहे। ऊ हमर वचनके प्रचार करैमे विश्वासयोग्य रहै, इहे ल्याके ओकरा तोर सहरमे जान मार्ल गेलै जे सहर शैतानके कब्जामे छै।

प्रकाश 20:4

तब फेर हमे कुछु सिंहासनसब देख्लियै, जकरापर बैठेवालाके मुडासिके काटी देल गेलै रहे कहिनेकी ऊसब येशूके सन्देश आर परमेश्वरके वचनके घोषणा कैल्कै रहे। यी आदमीसब उटा जंगली जानवर आर ओकर मूर्तिके पूजा नैकैल्कै रहे आर यीसब आपन मथामे आर हातसिमे जंगली जानवरके छाप नैलगैल्कै रहे। ऊसब फेरसे जिन्दा भ्यागेलै रहे आर सिंहासनसिमे बैठी गेलै। परमेश्वर ओकरासिके राज्य करैके अधिकार देल्कै आर ऊसब ख्रीष्टके संगे एक हजार सालतक राज्य कैल्कै।

प्रकाश 3:10

तुहें हमर सन्देशके पालन कैल्हैं ताकी जब तुहें दुःख उठाभैं ते ओकरा धीरजके साथ सहे सक्हैं। इहे कारण, हमे तोरा बडका परीक्षाके समयमे तोर रक्षा कर्बौ। परीक्षाके यी समय संसारके सभे आदमीसिपर ऐतै।

प्रकाश 3:21

जे आदमीसब जित हासिल करैछै, ओकरा हमे आपन सिंहासनके बगलमे सिंहासनपर बैठैके अधिकार देबै। यी बिल्कुल हमर जुगुर ही हैतै, जे जित हासिल कैल्कै आर आपन पिताके बगलमे आसन प्राप्त कैल्कै छे।

प्रकाश 3:8

हमे जानैछियै कि तुहें कि करैछैं। हमे जानैछियै कि तुहें बहुते मजगुत नैछैं। मगर जे हमे तोरा कहैलियौ ओकर तुहें पालन कैल्हैं छे। तुहें हमरापर निरन्तर विश्वास करैछैं। सेल्याके, हमे तोर लिए एकटा केबाड खोल्लियौ छे, जकरा कोय भी बन्द नैकरे सकैछै।

प्रकाश 5:10

आर ओकरासिके हमरसिके परमेश्वरके लिए तुहें राजासब बनैलह, तुहें ओकरासिके पुजारीसब बनैलह जेसब हमरसिके प्रभु परमेश्वरके आराधनाके काम करैछै आर ऊसब धर्तीमे राजासिके जुगुर राज्य कर्तै।”