२ तिमोथी 2:11 - केवट नया कारार

¹¹ यी बात सही छै, कि यदि ख्रीष्टसंगे आपनसिके मौत भेल छै, ते अपनासब ओकरसंगे जिन्दा भी हैबै।

२ तिमोथी 2:11 Iomraidhean Croise

यूहन्ना 14:19

आब कुछु समयके बाद संसारके आदमी हमरा नैदेख्तै, मगर तुहेंसब हमरा देख्भैं। तुहेंसब हमरा देख्भैं कहिनेकी हमे फेरसे जिन्दा भ्याजैबै, आर सेल्याके तहुँसब भी जिन्दा रहभैं।

रोमी 6:5

कहिनेकी यदि अपनासब बप्तिस्माद्वारा ओकर मौतमे ओकरसंगे एक भेल छियै ते जरुर ही अपनासब ओकर मुर्दासे जिन्दा भेलमे ओकरसंगे एक हैबै।

रोमी 6:8

सेल्याके यदि अपनासब ख्रीष्टके संगमे मर्ल छियै ते, अपनासिके विश्वास यी छै कि अपनासब ओकरसंगे जिन्दा भी रहबै।

२ कोरन्थी 13:4

कहिनेकी ऊ कमजोर भ्याके क्रूसमे काँटी ठोकिके जान मार्ल गेलै, मगर परमेश्वरके शक्तिसे ऊ जिन्दा भेलै। हमेसब ओहिने कमजोर छियै जेरं ख्रीष्ट रहै। तैय्योपर भी परमेश्वरके शक्तिद्वारा हमेसब तोरसिके संगे व्यवहार करैके लिए ओकरसंगे रहबै।

२ कोरन्थी 4:10

हमेसब येशूके जुगुर हर समय निरन्तर जान मार्ल जैके खतरामे रहैछियै ताकी जे काम हमेसब करैछियै ओकरद्वारा आदमीसब येशूके जीवनके देखे सकै।

१ थेसलोनिकी 4:17

तब अपनासब जे जिन्दा छियै आर धर्तीमे जेसब बाँकी रहबै, ओकरसिके संगे बादलमे उठ्याके लजैल जैबै, आर येशूसंगे बादलमे भेट कर्बै, उटा समयसे अपनासब सभे दिन प्रभु येशूके संगे रहबै।

१ थेसलोनिकी 5:10

येशू ख्रीष्ट आपनसिके लिए मर्लै ताकी चाहे अपनासब जिन्दा रहियै या मर्ल रहियै, ऊ जब फेर वापस ऐतै अपनासब ओकरसंगे सभे दिन जिये सकियै।

१ तिमोथी 1:15

यी बात सही छै आर एकरापर भरोसा करे सकैछियै कि येशू ख्रीष्ट अपनासब, पापी आदमीसिके बचाबैके लिए यी संसारमे ऐलै, आर ऊ पापी आदमीसिमेसे सभैसे बडका पापी आदमी हम्हीं छियै।

१ तिमोथी 3:1

यी बात सही छै कि अगर कोय आदमी मण्डलीमे अगुवा बनैके इच्छा करैछै ते, ऊ सम्मानवाला कामके इच्छा करैछै।

तीतस 3:8

हमरद्वारा उप्परमे लिख्ल यी बात सही छै आर एकरापर भरोसा कैल ज्या सकैछै, आर हमे चाहैछियै कि जब तुहें विश्वासीसिके यी बातसब सिखाबैछैं यी बातसिके निरन्तर जोड दहैं। ताकी जेसब परमेश्वरपर विश्वास कैल्कै छे, ऊसब बढियाँ कामसब करैके लिए आपन समय दियैके लिए मन लगाबै। यी शिक्षासब सभैके लिए बढियाँ आर फैदाके छै।