२ तिमोथी 2:10 - केवट नया कारार

¹⁰ सेल्याके परमेश्वरसे चुन्ल आदमीसिके फैदाके लिए हमे सभे दुःख सहैछियै, ताकी उहोसब भी येशू ख्रीष्टमे विश्वास करे सकै आर बचे सकै, आर सभे दिन रहेवाला आदर ऊसब पाबे सकै।

२ तिमोथी 2:10 Iomraidhean Croise

मत्ती 24:22

परमेश्वर उटा भयानक समयके घटाबैके निर्णय लेल्कै छे, नैते कोय भी जिन्दा नै बच्तियै। मगर ओकर चुन्ल आदमीसिके कारण, जकरा ऊ चुन्लकै छे, परमेश्वर समय घट्या देतै।

मत्ती 24:24

कहिनेकी झुट्ठा ख्रीष्टसब आर झुट्ठा परमेश्वरके वक्तासब ऐतै, अगर सम्भव हुए ते उटा आदमीसिके धोखा दियैके लिए जकरा परमेश्वर चुन्लकै छे, ऊसब चिन्ह आर झुट्ठा चमत्कार कर्तै।

मत्ती 24:31

ऊ आपन स्वर्गदूतसिके धुतहुकके बडका आवाजके साथ पठैतै, आर ऊसब ओकरासिके सभे जगहसे जमा कर्तै, धर्ती आर आकाश सभे जगहसे आपन चुन्लसिके जमा कर्तै।”

लूका 18:7

परमेश्वर आपन चुन्ल आदमीसिके लिए जेसब रात-दिन ओकर समनामे कानैछै न्याय कर्तै, ऊ ओकरसिके सहायता करैमे देर नैकर्तै।

लूका 22:57

मगर पत्रुस एरं कहिके इन्कार कैल्कै, हे नारी, हमे ओकरा नैचिन्हैछियै।

यूहन्ना 11:52

मगर खाली ओकरसिके ही नै, ऊ परमेश्वरके आरहौ सन्तानसिके लिए भी मर्तै जे यी संसारमे अलग-अलग जगहमे छिरियैल छै, ताकी ओकरासिके एक जगहमे जमा करे सकै।

यूहन्ना 17:24

हे पिता, हमे चाहैछियै, कि तुहें जकरासिके हमरा देल्ह छे, हमे जते छियै उहोसब हमरसंगे रहै, आर हमर महिमाके देखे सकै, जे महिमा संसारके सृष्टि हुऐसे पहलहैसे तुहें हमरा प्रेम करैके कारणसे देल्ह रहे।

यूहन्ना 17:9

हमे ओकरसिके लिए प्रार्थना करैछियै, ओकरसिके लिए नै जे संसारसे सम्बन्ध राखैछै, मगर ओकरसिके लिए, जकरा तुहें हमरा देल्ह छे। कहिनेकी ऊसब तोरे छै।

रोमी 2:7

धीरजके साथ बढियाँ काम करिके महिमा, इज्जत आर अमरता खोजेवाला आदमीके परमेश्वर कहियो खतम नैहुएवाला जीवन देतै।

रोमी 9:23

ऊ एरं कैल्कै कहिनेकी ख्रीष्टके बलिदानवाला मौतके माध्यमसे ऊ देखाबैले चहते रहै कि ऊ कतनें महान छै, जब परमेश्वर ऊ आदमीसिपर दया कैल्कै जकरा परमेश्वर आपन भरपुर महिमामे सामिल हुऐके लिए चुनल्कै छे।

१ कोरन्थी 1:21

हमे यी कहैछियै कहिनेकी परमेश्वर बुद्धिमानीसाथ फैसला कैल्कै कि यी संसारके आदमीसब ओकरा आपन बुद्धिके माध्यमसे नैचिन्हे सक्तै। सेल्याके विश्वास नैकरेवाला आदमीसब हमरसिके खुश-खबरीके मूर्खता कहेल पर भी आपनसिके प्रचार कैल खुश-खबरीमे विश्वास करेवालासिके बचाबैके परमेश्वरके योजना रहै।

१ कोरन्थी 9:22

जब हमे कमजोर विश्वास भेल आदमीसिके संगे हैछियै ते, हमे ओकरसिके जुगुर व्यवहार करैछियै, ताकी हमे ओकरासिके ख्रीष्टमे विश्वास करैके लिए सहायता करे सकियै। हमे सभे आदमीसिके लिए सभे कुछु बन्लियै छे, ताकी कोनो नें कोनो तरहसे कुछु आदमीसिके बचाबे सकियै।

२ कोरन्थी 1:6

हमेसब तकलीफ पैबै ते यी तोरेसिके सान्त्वना आर उद्धारके लिए छौ। हमेसब सान्त्वना पैबै ते तुहेंसब भी सान्त्वना पैभैं। तब धीरजके साथ हमरसिके जुगुर भोग्ल तकलीफ भोगैके आर सहैके शक्ति भी तोरासिके मिल्तौ।

२ कोरन्थी 12:15

हमे तोरसिके लिए हमर आपन सभे कुछु तोरासिके द्या देबौ आर आपन जीवन सहित द्या देबौ। हमे तोरसिसे बहुते प्रेम करैछियौ, मगर एरं लागैछै कि तुहेंसब हमरासे बहुते कम प्रेम करैछैं।

२ कोरन्थी 4:15

उटा सभे कष्ट जे हमेसब सहैलियै ऊ तोरसिके हितमे भेल छौ, ताकी बहुतेसे बहुते आदमीसिके पता चलि जैतै कि परमेश्वर कतनें अनुग्रही छै आर परमेश्वरके महिमाके लिए बहुते आदमीसब धन्यवाद देतै।

२ कोरन्थी 4:17

कहिनेकी हमरसिके समस्या छोटका छै आर बहुते लम्बा समयतक नैरहतै। कहिनेकी एकर परिणाम कहियो खतम नैहुएवाला महिमा हैतै, जे ऊ सभैसे बहुते बेसी हैतै जकर हमेसब कल्पना करे सकैछियै।

एफिसी 3:13

सेल्याके हमे तोरासिसे बिन्ती करैछियौ, कि तोरसिके लिए हमे भोगी रहल कष्टमे तुहेंसब निराश नैहु। कहिनेकी यी सभे तोरेसिके फैदाके लिए छौ।

कलस्सी 1:24

आर आब हमे तोरसिके खातिर ख्रीष्टके तकलीफमे सामिल भेल छियै, कहिनेकी हमर शारीरिक तकलीफके कारण ख्रीष्टके शरीर, यानिकी मण्डलीके लिए आरहौ बाँकी रहेल ख्रीष्टके तकलीफ पुरा करैले हमे सहायता करैछियै।

कलस्सी 1:27

परमेश्वर आपन आदमीसिके लिए यी रहस्य प्रकट करैके निर्णय कैल्कै ताकी ऊसब जानी जै कि ओकर योजना, जे जात-जातके आदमीसिके लिए छै से कतनें अदभुद आर महिमामय छै। ऊ रहस्य खुद ख्रीष्ट ही छै, जे तोरासिमे छौ। आर उहे यी बातके आशाके आधार छै कि तुहेंसब परमेश्वरके महिमामे सहभागी हैभैं।

१ थेसलोनिकी 5:9

कहिनेकी परमेश्वर अपनासिके आपन क्रोधमे सजाय दियैके लिए नैचुनल्कै छे, मगर अपनासिके प्रभु येशू ख्रीष्टके द्वारा उद्धार पाबैके लिए पहलहैसे चुनल्कै छे।

२ थेसलोनिकी 2:14

परमेश्वर हमरसिके प्रचार कैल खुश-खबरीके तोरासिके उद्धार पाबैके लिए प्रयोग कैल्कै ताकी आपनसिके प्रभु येशू ख्रीष्टके आदरमे तुहेंसब भी सामिल हुए सक्हैं।

२ तिमोथी 1:1

हमे, पावल, यी चिट्ठी लिखैछियै। परमेश्वर हमरा इहे ल्याके चुनल्कै कि हमे येशू ख्रीष्टके चुन्ल आर भेज्ल चेला बनियै ताकी हमे यी सन्देशके प्रचार करे सकियै कि परमेश्वर कहियो खतम नैहुएवाला जीवन दियैके प्रतिज्ञा कैल्कै छे, जे येशू ख्रीष्टमे विश्वास करैसे आबैछै।

२ तिमोथी 2:1

सेल्याके तिमोथी, तुहें जे हमर बेटाके जुगुर छैं, येशू ख्रीष्टमे परमेश्वर तोरा देल अनुग्रहके द्वारा अपने आपके निरन्तर मजगुत बना।

२ तिमोथी 2:3

येशू ख्रीष्टके एकटा बढियाँ सिपाहीके जुगुर हमरसंगे दुःख भोगैमे सामिल हु।

तीतस 1:1

हमे, पावल, यी चिट्ठी तोरा लिखैछियौ। हमे येशू ख्रीष्टके चुन्ल आर भेज्ल चेला छियै। हमरा परमेश्वरसे चुन्ल आदमीसिके विश्वासके मजगुत बनाबैके लिए आर ओकरासिके येशू ख्रीष्टके सच्चाई बुझाबैले सहायता करैके लिए हमरा नियुक्त कैल छै ताकी ऊसब परमेश्वरके खुश बनाबेवाला जीवन जिये सकै।

१ पत्रुस 2:10

परमेश्वरके वक्ता होशे जे लिखल्कै छे, ऊ तोरसिके विषयमे सच छै। “पहेला तुहेंसब परमेश्वरके आदमीसब नैरहैं, मगर आब तुहेंसब परमेश्वरके आदमीसब भेल छैं। पहेला तुहेंसब परमेश्वरके दयाके नै जान्ते रहैं, मगर आब तुहेंसब एकरा जानैछैं। कहिनेकी ऊ पहेलासे ही तोरासिपर आपन दया देखैल्कौ छे।”

१ पत्रुस 5:10

परमेश्वर जे पूर्ण रुपसे अनुग्रहकारी छै, आपनसिके ख्रीष्टके संगे भेल सम्बन्ध हुऐके कारण आपन अनन्त महिमामे अपनासिके साझेदार हुऐके लिए बोलैल्कै छे। तुहेंसब कुछु समयके लिए कष्ट भोग्लके बाद परमेश्वर तोरासिके बढियाँ बनैतौ ताकी तोरासिमे कोनो दोष नैरहौ आर येशू तोरसिके हृदयके मजगुत बनैतौ आर ओकरापर तोरसिके भरोसाके वास्तवमे स्थिर बन्या देतौ।