२ तिमोथी 1:9 - केवट नया कारार

⁹ ऊ अपनासिके बचैल्कै आर अपनासिके एकटा पवित्र जीवन जियैके लिए बोलैल्कै छे, आर अपनासब बढियाँ काम करैके कारणसे ऊ अपनासिके नैचुनल्कै छे, मगर ओकर आपन योजना आर अनुग्रहके आधारमे छै। यी संसारके सृष्टि हुऐसे पहेला ही परमेश्वर येशू ख्रीष्टके आपनसिके लिए मरैके लिए भेजिके आपन अनुग्रह अपनासिपर देखाबैके योजना बन्या लेल्कै रहे।

२ तिमोथी 1:9 Iomraidhean Croise

मत्ती 1:21

ऊ एकटा बच्चा जनमैतौ आर तुहें ओकर नाम येशू राखिहैं, कहिनेकी ऊ आपन आदमीसिके ओकरसिके पापसे बचैतै।”

लूका 10:21

तखनिहैं येशू पवित्र आत्मामे आनन्दित भ्याके कहैल्कै, “हे पिता, आकाश आर धर्तीके प्रभु, हमे तोरा धन्यवाद चढाबैछिहौं, कहिनेकी तुहें यी बात बुद्धिमान आर समझदार आदमीसे गुप्त राखिके जे आदमीसब बच्चासिके जुगुर छै ओकरासिके प्रकट कैलह छे। हँ पिता, तोरा इहे बढियाँ लाग्लहौं।

यूहन्ना 17:24

हे पिता, हमे चाहैछियै, कि तुहें जकरासिके हमरा देल्ह छे, हमे जते छियै उहोसब हमरसंगे रहै, आर हमर महिमाके देखे सकै, जे महिमा संसारके सृष्टि हुऐसे पहलहैसे तुहें हमरा प्रेम करैके कारणसे देल्ह रहे।

यूहन्ना 17:9

हमे ओकरसिके लिए प्रार्थना करैछियै, ओकरसिके लिए नै जे संसारसे सम्बन्ध राखैछै, मगर ओकरसिके लिए, जकरा तुहें हमरा देल्ह छे। कहिनेकी ऊसब तोरे छै।

यूहन्ना 6:37

मगर पितासे हमरा देल सभेको हमरलगत ऐतै, आर हमरलगत आबेवालाके हमे कोनो रितीसे नैत्यागबै।

चुन्ल आर भेज्ल चेलासब 15:18

यी उहे प्रभुके वाणी छै, जे पुरना जमानासे यी बात जानकारी करैल्कै छे।

चुन्ल आर भेज्ल चेलासब 2:47

आर हरदम परमेश्वरके प्रशंसा करै, आर सभे आदमीसब ओकरासिसे खुश रहै। उद्धार पैल आदमीसिके प्रभु दिन-दिने ओकरसिके संख्यामे जोडी दै।

रोमी 11:14

ताकी कोनो रितीसे हमर आपने यहूदी आदमीसिके तोरासिसे जर्नी कर्याके ओकरामेसे कक्रहौ-कक्रहौ बचाबे सकियै।

रोमी 11:29

कहिनेकी परमेश्वर आपन वरदान आर बुलाहटसे कहियो भी आपन मन नैबदलैछै।

रोमी 16:25

आब ओकरा, जे हमर प्रचार कैल खुश-खबरीके मुताबिक तोरासिके विश्वासमे मजगुत बनाबे सकैछौ, यानिकी येशू ख्रीष्टके विषयके प्रचारके मुताबिक, उटा रहस्यके प्रकाश बमोजिम, जे युग-युगसे गुप्तमे रहै,

रोमी 3:20

कहिनेकी विधि-विधानके आज्ञापालन करिके कोय भी आदमी परमेश्वरके नजरमे धर्मी घोषित नैठहर्तै, इहे ल्याके विधि-विधानसे अपनासब साफसे जानैछियै कि अपनासब पाप कैलियै छे।

रोमी 9:11

आर जोडमा बच्चासब जनमैसे पहलहै या कुछु खराब या भला काम करैसे पहेला ही परमेश्वर रिबेकासे कहैल्कै रहे कि ओकर बडका बेटा छोटका बेटाके सेवा कर्तै। परमेश्वर यी देखाबैके लिए कहैल्कै कि ऊ आपन इच्छाके चुनाव आपनहैं करैछै आर यी ओकरसिके कैल कोनो भी कामके कारणसे नैरहै।

रोमी 9:24

चाहे यहूदी आदमीसब है या गैर-यहूदी आदमीसब, अपनासब ऊ चुन्ल आदमीसब छियै।

१ कोरन्थी 1:18

कहिनेकी सजाय पाबैके लिए परमेश्वरसे अलग भेल आदमीसब ख्रीष्ट क्रूसमे मर्ल शिक्षाके महत्वहीन समझतै, मगर अपनासब जेसब बचैल छियै, अपनासिके मालुम छै कि यी परमेश्वरके शक्तिके सबूत छै।

एफिसी 1:11

ख्रीष्टके संगे आपनसिके सम्बन्धके कारण परमेश्वर अपना यहूदी आदमीसिके चुनल्कै ताकी अपनासब ऊ पाबे सकियै जकरा दियैके प्रतिज्ञा परमेश्वर कैल्कै रहे। यी उहे प्रतिज्ञा रहै जे ऊ बहुते पहेला ही करैके योजना बनैल्कै रहे आर ऊ सभे कुछु आपन योजना आर इच्छासे पुरा करैछै।

एफिसी 1:9

परमेश्वर उहे कैल्कै जे ऊ नुक्याके राखल्कै, आर अपनासिके उटा नुकैल योजना प्रकट कैल्कै जे ऊ पहलहैसे ही ख्रीष्टके द्वारा पुरा करैके फैसला कैल्कै रहे।

एफिसी 2:5

अपनासब खराब कामसब आर पापसिके कारण मर्ल आदमीसिके जुगुर रहियै। परमेश्वर अपनासिके जीवन देल्कै, जब परमेश्वर ख्रीष्टके मुर्दासे जिन्दा बनैल्कै। परमेश्वरके अनुग्रहसे ही तोरसिके उद्धार भेलौ छे।

एफिसी 3:11

परमेश्वर आपन कहियो खतम नैहुएवाला नुकैल योजनाके मुताबिक एरं कैल्कै, जकरा ऊ आपनसिके प्रभु येशू ख्रीष्टके कैल कामके माध्यमसे पुरा कैल्कै।

फिलिप्पी 3:14

ख्रीष्ट येशूमे परमेश्वरके स्वर्गीय बुलाहटके इनाम पाबैके लिए हमे निशाना महर दौड्ते जैछियै।

१ थेसलोनिकी 4:7

कहिनेकी परमेश्वर अपनासिके अनैतिक जीवन जियैके लिए नै, मगर पवित्र जीवन जियैके लिए बोलैल्कै छे।

१ तिमोथी 1:1

हमे, पावल, यी चिट्ठी लिखैछियै। हमरसिके आशा राख्ल उद्धारकर्ता परमेश्वर आर येशू ख्रीष्टके अधिकारमे हमे प्रभु येशू ख्रीष्टके कामके लिए ख्रीष्टके चुन्ल आर भेज्ल चेला छियै।

२ तिमोथी 1:1

हमे, पावल, यी चिट्ठी लिखैछियै। परमेश्वर हमरा इहे ल्याके चुनल्कै कि हमे येशू ख्रीष्टके चुन्ल आर भेज्ल चेला बनियै ताकी हमे यी सन्देशके प्रचार करे सकियै कि परमेश्वर कहियो खतम नैहुएवाला जीवन दियैके प्रतिज्ञा कैल्कै छे, जे येशू ख्रीष्टमे विश्वास करैसे आबैछै।

तीतस 1:2

नतिजा स्वरुप, ऊसब परमेश्वरसंगे कहियो खतम नैहुएवाला जीवन जियैके आशा करैछै कहिनेकी कहियो झुठ नैबोलेवाला परमेश्वर यी संसारके सृष्टि करैसे पहेला ही यी प्रतिज्ञा कैल्कै कि ओकर आदमीसब सभे दिन जितै।

हिब्रू 3:1

सेल्याके हे विश्वासी भ्या-बहिनसब, जेसब परमेश्वरसे सम्बन्ध राखैछैं, तुहेंसब स्वर्गमे ओकरसंगे सामिल हुऐके लिए बोलैल गेल्हैं छे। प्रभु येशूपर ध्यान दहैं, जे आपनसिके लिए परमेश्वरके सन्देशवाहक आर प्रधान पुजारी छै।

१ पत्रुस 1:20

यी संसारके सृष्टि कैल जैसे पहेला, परमेश्वर समयसे पहेला यी निर्धारित करि लेल्कै रहे कि येशू ख्रीष्ट उद्धारकर्ता हैतै। मगर ऊ तोरासिके सहायता करैके लिए यी अन्तिम दिनसिमे यी संसारमे प्रकट भेलै छे।

१ पत्रुस 2:9

मगर तुहेंसब ओरं नैछैं, कहिनेकी तुहेंसब परमेश्वरके चुन्ल आदमीसब छैं, तुहेंसब परमेश्वरके पुजारीसब छैं, जे राजा छै। तुहेंसब परमेश्वरके सेवा करैले समर्पित भेल आदमीसब आर परमेश्वरके निजी प्रजा छैं। ऊ तोरासिके अनहारसे आपन अदभुद उजेतमे आन्लकौ छे, ताकी तुहेंसब परमेश्वरके आश्चर्यपूर्ण कामसिके घोषणा करे सक्हैं।

प्रकाश 13:8

आर यी धर्तीमे रहेवाला सभे आदमीसब ओकर पूजा करे लाग्लै। खाली उहे आदमीसब ओकर पूजा नैकैल्कै जकर नाम संसारके सृष्टि कैल जैसे पहेलासे ही जीवनके किताबमे लिख्ल गेलै रहे। यी जीवनके किताब ऊ बलि-भेंडाके किताब छै जकरा बलिदानके रुपमे मारि देल गेलै रहे।

प्रकाश 17:8

ऊ जंगली जानवर जकरा तुहें एखन देख्लहैं, एक समय जिन्दा रहै मगर आब जिन्दा नैछै। ऊ अथाहा कुण्डसे बाहार आबेवाला छै आर परमेश्वर ओकरा पुरा तरहसे नाश करि देतै। धर्तीमे रहेवाला आदमीसब जकरसिके नाम परमेश्वर संसारके सृष्टि करैसे पहेला उटा किताबमे नैलिखल्कै छे जकरामे कहियो खतम नैहुएवाला जीवन पाबेवाला आदमीसिके नाम लिख्ल छै, ऊसब सभेको आश्चर्यचकित भ्याजैतै जब यी जंगली जानवरके देख्तै। एक समय ऊ जिन्दा रहै, आब ऊ जिन्दा नैछै, मगर ऊ फेर वापस ऐतै।