२ तिमोथी 1:6 - केवट नया कारार

⁶ सेल्याके हमे तोरा याद दिलाबैछियौ कि उटा वरदानसिके फेरसे प्रज्वलित कर जे वरदान परमेश्वरके द्वारा तोरा तब देल गेलौ जब हमे तोर मथामे हात राख्लियौ रहे।

२ तिमोथी 1:6 Iomraidhean Croise

लूका 19:13

ऊ आपन दशटा नोकरसिके बोल्याके ओकरासिके दशटा सोनाके सिक्का द्याके कहैल्कै, जबतक हमे घुमिके वापस नैऐबौ एकरासे व्यापार करिके नफा कमा।

चुन्ल आर भेज्ल चेलासब 19:6

जब पावल ओकरासिपर हात राखल्कै, तब पवित्र आत्मा ओकरसिके उप्परमे ऐलै आर ऊसब अनजान भाषामे बोले लाग्लै आर भविष्यवाणी करे लाग्लै।

चुन्ल आर भेज्ल चेलासब 6:6

ऊसब यी आदमीसिके चुन्ल आर भेज्ल चेलासिके समनामे आनल्कै आर चुन्ल आर भेज्ल चेलासब प्रार्थना कैल्कै आर ओकरासिके जे कामके लिए चुनल्कै रहे उहे काम करैके लिए ओकरासिके नियुक्त कैल्कै।

१ थेसलोनिकी 5:19

पवित्र आत्माके कामके आदमीसिके जीवनमे काम करैसे नैरोक।

१ तिमोथी 4:14

जब मण्डलीके अगुवासिके समूह तोरसिके उप्परमे हात राखल्कौ आर परमेश्वर तोरासिके विशेष क्षमताके विषयमे बताबैके लिए सन्देश देल बात याद कर। यी क्षमताके बेवास्ता नैकर।

१ तिमोथी 4:6

यदि तुहें विश्वासी भ्या-बहिनसिके हमर सिखैल बातसिके निरन्तर सिखैभैं, जकर बारेमे हमे तोरा एखन निर्देशन देलियौ छे आर तुहें विश्वासके सन्देशद्वारा मजगुत कैल गेल्हैं छे आर बढियाँ शिक्षाके अनुसरण कैल्हैं छे ते, तुहें येशू ख्रीष्टके एकटा बढियाँ सेवक हैभैं।

२ तिमोथी 2:14

जे बात हमे तोरा सिखैलियौ छे ऊ बात विश्वासीसिके घुरी-घुरी सिखा। आर प्रभुके समनामे कडा आज्ञा दहैं कि ऊसब बेकारके शब्दसिके विषयमे बहस नैकरै, जे भलाइ नैकरैछै, मगर यी सुनेवाला आदमीसिके हानी पहुँचाबैछै।

२ तिमोथी 4:2

कि परमेश्वरके वचनके प्रचार कर, परिस्थिती बढियाँ है या खराब है परमेश्वरके वचन प्रचार करैले तैय्यार र। तुहें आदमीसिके ओकरसिके कैल खराब कामके देखाबे पडैछै, आर ओकरसिके पापके खातिर ओकरासिके धोपे पडैछै। मगर ओकरासिके हौसला दहैं। धीरजके साथ यी सभे काम कर आर ध्यानसे सिखा।

हिब्रू 6:2

तोरासिके बप्तिस्माके विषयमे शिक्षा, विश्वासीसिपर हात राखिके आशिष दियैके विधि, आदमीसिके मुर्दासे जिन्दा बनैल जैके आर कहियो खतम नैहुएवाला सजायके विषयमे आरहौ बेसी शिक्षाके जरुरत नैछौ।

२ पत्रुस 1:12

हमे तोरासिके यी बातसिके विषयमे घुरी-घुरीके याद दिलाबे चाहैछियौ, जब कि तोरासिके पहलहैसे यी बातसिके विषयमे मालुम छौ आर तुहेंसब निश्चित छैं कि यी बातसब सच छै।

२ पत्रुस 3:1

हे प्रिय विश्वासी भ्या-बहिनसब, हमे तोरासिके यी दोनो चिट्ठी इहे ल्याके लिख्लियौ छे ताकी जे बातसब तुहेंसब पहलहैसे जानैछैं, ओकर विषयमे तोरासिके याद दिलाबैके द्वारा हमे तोरसिके मनसिमे शुद्ध विचारसिके उत्पन्न करे सकियै।

यहूदा 1:5

जब कि तुहेंसब यी सच्चाईसे पहेलासे ही परिचित छैं, तैय्योपर भी एत्ते हमर मकसद यी याद दिलाना छै कि प्रभु इस्राएलीसिके दास बनैल जैसे बचैल्कै आर ओकरासिके मिश्र देशसे बाहार आनल्कै, मगर पाछु परमेश्वर ओकरासिके सभैके जान मारल्कै, जेसब मरुभूमीमे ओकरापर भरोसा नैकैल्कै।