२ तिमोथी 1:5 - केवट नया कारार

⁵ हमरा तोर मयाँके येशू ख्रीष्टमे सच्चा विश्वासके याद आबैछै। तोर नानी लोइसके भी ओहिने विश्वास रहै, आर हमरा निश्चय छै कि ऊ विश्वास तोरामे भी छै।

२ तिमोथी 1:5 Iomraidhean Croise

यूहन्ना 1:47

येशू नथानेलके आपन महर ऐते देखिके ओकर बारेमे कहैल्कै, “देख, इस्राएलीसिके भरोसामन्द सन्तान, जे पुरा तरहसे इमानदार छै।”

चुन्ल आर भेज्ल चेलासब 16:1

फेर पावल डर्बी सहर आर लुस्त्रा सहरमे भी ऐलै आर ओत्ते तिमोथी नामके एकटा चेला रहै। ओकर मयाँ यहूदी विश्वासी रहै, मगर ओकर बाबु यूनानी रहै।

चुन्ल आर भेज्ल चेलासब 26:26

कहिनेकी राजा आपनहैं भी यी सभे बातके विषयमे जानैछै, जकर समनामे हमे बिना डर बोलैछियै। कहिनेकी यी कोनो बात ओकरासे छिप्ल नैछै, कहिनेकी यी बात गुपचुपमे नैकैल गेलै छे।

रोमी 14:14

हमे जानैछियै आर हमरा प्रभु येशूसे निश्चय भेल छै, कि कोनो भी खाना आपनहैंमे अशुद्ध नैहैछै, मगर जे ओकरा अशुद्ध सम्झैछै, ओकर लिए ऊ अशुद्धे हैछै।

रोमी 14:5

ओहिने करिके, कोनो आदमी एकटा दिनके दोसर दिनसे बेसी महत्वके मानैछै, जब कि दोसर आदमी सभे दिनके एक समान सोचैछै। हरेक आदमी आपन सोच्ल बात सही छै कहिके निश्चित हुए पडैछै।

रोमी 15:14

हे हमर विश्वासी भ्या-बहिनसब, हमे तोरसिके विषयमे निश्चित छियै, कि तुहेंसब खुद भी भलाइसे भर्ल छैं आर तुहेंसब पुरा तरहसे जानैछैं कि तोरासिके कि करना चाही, आर तुहेंसब एक दोसरके सिखाबे सकैछैं।

रोमी 4:21

परमेश्वर जे प्रतिज्ञा कैल्कै छे, उटा प्रतिज्ञा ऊ पुरा करे सक्तै कहिके अब्राहमके पुरा विश्वास रहै।

रोमी 8:38

कहिनेकी हमरा यी बात पक्का मालुम छै कि कोनो भी चीज अपनासिके, जे प्रेम ख्रीष्ट अपनासिके करैछै, उटा प्रेमसे अलग नैकरे सकैछै। एकरासे कोनो फरक नैपडैछै कि अपनासब मरैछियै या अपनासब जिन्दा छियै। स्वर्गदूत, शासक आर शक्तिसब जे स्वर्गमे छै अपनासिके ओकर प्रेमसे अलग नैकरे सक्तै आर ओकरासे भी अलग नैकरे सक्तै जे एखन हैछै आर जे भविष्यमे हैतै, सारा सृष्टिमे सभे कुछु आपनसिके प्रभु येशू ख्रीष्टके द्वारा पैल परमेश्वरके प्रेमसे अपनासिके अलग नैकरे सक्तै।

२ कोरन्थी 6:6

हमेसब यी सभे बातके सामना शुद्ध मनसे, ज्ञानसे, धीरज आर दयाके साथ करैछियै। हमेसब यी काम पवित्र आत्माके अनुसरण करैके द्वारा आर सच्चा प्रेमके द्वारा करैछियै।

१ तिमोथी 1:5

यी आदेश दियैके मकसद यी छै कि तुहेंसब एक दोसरके साफ मन, बढियाँ विवेक आर सच्चा विश्वाससे प्रेम करे सक्हैं।

१ तिमोथी 4:6

यदि तुहें विश्वासी भ्या-बहिनसिके हमर सिखैल बातसिके निरन्तर सिखैभैं, जकर बारेमे हमे तोरा एखन निर्देशन देलियौ छे आर तुहें विश्वासके सन्देशद्वारा मजगुत कैल गेल्हैं छे आर बढियाँ शिक्षाके अनुसरण कैल्हैं छे ते, तुहें येशू ख्रीष्टके एकटा बढियाँ सेवक हैभैं।

२ तिमोथी 1:12

यी इहे कारण छै, कि हमे जेलमे भी दुःख भोगैछियै, मगर हमे लाज नैमानैछियै। कहिनेकी हमे ख्रीष्टके चिन्हैछियै, जकरापर हमे भरोसा कैलियै छे, आर हमरा निश्चय छै कि ख्रीष्ट फेर वापस नै आबैतक जे हमे ओकरा सौंप्लियै छे उटा बातके रक्षा ऊ करे सकैछै।

२ तिमोथी 3:15

बचपनसे ही, तुहें धरमशास्त्रसे परिचित छैं, जे तोरासिके येशू ख्रीष्टमे विश्वास कैलके बाद परमेश्वर तोरासिके बचाबैछै कहिके बुझैले सहायता करैछै।

हिब्रू 11:13

यी सभे आदमीसब जेसब परमेश्वरपर भरोसा कैल्कै, उटा चीजसब पैले बिना मरि गेलै जकर प्रतिज्ञा परमेश्वर कैल्कै रहे। मगर ऊसब यी बात आपन मनमे देखल्कै आर आनन्दित रहलै आर ऊसब यी बात बुझी गेलै कि ऊसब यी धर्तीमे खाली अन्ठिया आर परदेशी छियै।

हिब्रू 6:9

हे हमर प्रिय विश्वासी भ्या-बहिनसब! तुहेंसब बढियाँ कामसब करैछैं। कहिनेकी परमेश्वर पहेला ही तोरासिके बच्या लेल्कौ छे। सेल्याके यी चेतावनी तोरसिके लिए नैछौ।

१ पत्रुस 1:22

कहिनेकी तुहेंसब सचके पालन करिके शुद्ध भेल छैं, आब तोरासिके आपन विश्वासी भ्या-बहिनसिके निष्कपट प्रेम करे पडैछै। तुहेंसब एक दोसरके पुरा हृदयसे बहुते गहरा प्रेम कर।