२ तिमोथी 1:16 - केवट नया कारार

¹⁶ प्रभु ओनिसिफरसके घरानापर दया करै, कहिनेकी ऊ बहुतेबेर हमर भेट कैल्कै आर हौसला भी देल्कै आर एत्ते जेलमे हमर भेट करैले आबैके लिए भी लाज नैमानल्कै।

२ तिमोथी 1:16 Iomraidhean Croise

मत्ती 25:17

ओहिने करिके दीटा सोनाके सिक्काके झोला पाबेवाला नोकर भी आरहौ दीटा सोनाके सिक्काके झोला कमैल्कै।

मत्ती 5:7

धन्य छै दयावंत आदमीसब! कहिनेकी परमेश्वर ओकरासिपर दया कर्तै।

चुन्ल आर भेज्ल चेलासब 21:33

तब सेना-दलके सेनापति पावलके नज्दिक आबिके ओकरा पक्डल्कै आर दीटा सिक्कड ल्याके ओकरा बान्हैके हुकुम द्याके पुछे लाग्लै, “यी के छै आर यी कि कैल्कै छे?”

चुन्ल आर भेज्ल चेलासब 28:20

सेल्याके हमे तोरसिसे बातचित करैले तोरासिके बोलैलिहौं छे। हमे यी सिक्कडसे बान्हल छियै कहिनेकी हमे विश्वास करैछियै कि इस्राएलीसिके आशा, यानिकी, मसीह पहेला ही आबी गेलै छे।”

१ कोरन्थी 16:18

आर ऊसब हमरा उत्साहित बनैल्कै छे, आर ऊ तोरासिके भी उत्साहित बनैतौ जब ऊ तोरसिकेलगत वापस ऐतौ। सेल्याके तोरासिके एरंको आदमीसिके आदर करना चाही।

एफिसी 6:20

यी खुश-खबरीके खातिर हमे एकटा राजदूत छियै, जब कि हमे एखन जेलमे छियै। तुहेंसब प्रार्थना कर कि हमे, जेरं हमे बोलना चाही, ओहिने करिके बिना डरके साथ खुश-खबरीके प्रचार करे सकियै।

२ तिमोथी 1:12

यी इहे कारण छै, कि हमे जेलमे भी दुःख भोगैछियै, मगर हमे लाज नैमानैछियै। कहिनेकी हमे ख्रीष्टके चिन्हैछियै, जकरापर हमे भरोसा कैलियै छे, आर हमरा निश्चय छै कि ख्रीष्ट फेर वापस नै आबैतक जे हमे ओकरा सौंप्लियै छे उटा बातके रक्षा ऊ करे सकैछै।

२ तिमोथी 1:17

मगर जब ऊ रोम सहरमे ऐलै, ऊ हमरा सभे महर खोजीके भेट कैल्कै।

२ तिमोथी 1:18

न्यायके दिनमे प्रभु ओनिसिफरसके ओकर महान दया देखाबै। तोरा आपनहौं भी बढियाँसे मालुम छौ कि ऊ एफिसस सहरमे हमर बहुते सहायता कैल्कै रहे।

२ तिमोथी 1:8

सेल्याके दोसर आदमीसिके आपनसिके प्रभु येशू ख्रीष्टके विषयमे बताबैमे लज्जित नैहु, आर तोरा यी बातसे भी लाज नै होना चाही कि हमे ख्रीष्टके सेवा करैके कारणसे जेलमे छियै। मगर तोरा उटा सामर्थ्यके प्रयोग करना चाही जे परमेश्वर तोरा दैछौ आर खुश-खबरीके लिए तुहें हमर दुःखमे साथ दे।

२ तिमोथी 4:19

प्रिस्कीला आर ओकर पति अकिलासके आर ओनिसिफरसके घरानाके हमर नमस्कार कही दहैं।

फिलेमोन 1:20

हे प्रिय विश्वासी-भ्या, तोरसे प्रभुमे कुछु लाभ पाबियै कहिके हमे चाहैछियौ। संगी विश्वासीके नातासे ओकरा स्वीकार करिके ख्रीष्टमे हमरा उत्साह दे।

फिलेमोन 1:7

कहिनेकी हे हमर विश्वासी-भ्या, दोसरके प्रति तोर प्रेम देखिके हमे बहुते खुशी आर उत्साहित छियै, सेल्याके तोरद्वारा परमेश्वरके आदमीसब उत्साहित हौ।

हिब्रू 10:34

तुहेंसब जेलमे कैदमे भेल आदमीसिके संगे सहानुभूति देखैल्हैं, आर तुहेंसब आपन धन-दौलत लुट्ल गेल पर भी खुशीके साथ सहलहैं, कहिनेकी तुहेंसब जानैछैं कि तोरसिकेलगत आब भी ऊ सभे चीज छौ जकर प्रतिज्ञा परमेश्वर कैल्कै रहे, जे कि बेसी बढियाँ छै आर जे सभे दिन रहैछै।

हिब्रू 6:10

जेरं तुहेंसब बढियाँ काम कैल्हैं छे आर एखन भी तुहें परमेश्वरके नाममे परमेश्वरके आदमीसिके लिए प्रेमके साथ सेवाके काम करैछैं, सेल्याके परमेश्वर तोरासिके नै भुल्तौ। कहिनेकी ऊ धर्मी छै।