२ तिमोथी 1:14 - केवट नया कारार

¹⁴ अपनासिमे रहेवाला पवित्र आत्माके द्वारा तोरा सौंप्ल परमेश्वर तोरा देल सन्देशके रक्षा कर।

२ तिमोथी 1:14 Iomraidhean Croise

लूका 16:11

सेल्याके तुहेंसब संसारिक धन सम्हारैके लिए इमान्दार नैभेल्हैं ते, जरुर ही तुहेंसब स्वर्गके धन सम्हारैके लिए इमान्दार नैहैभैं।

यूहन्ना 14:17

ऊ पवित्र आत्मा छै, जे परमेश्वरके बारेमे सचके प्रकट करैछै। यी संसारके आदमी पवित्र आत्माके स्वीकार नैकरे सकैछै, कहिनेकी संसारके आदमी पवित्र आत्माके नैते देखैछै नैते चिन्हैछै। मगर तुहेंसब पवित्र आत्माके चिन्हैछैं, कहिनेकी ऊ तोरसिके संगे रहैछौ, आर ऊ तोरासिमे बास कर्तौ।

रोमी 3:2

एकटा यहूदी आदमी हुऐके बहुते फैदा छै। सबसे महत्वपूर्ण बात ते यी छै कि यहूदी आदमीसिके ही परमेश्वरके वचन जिम्मा देल गेलै।

रोमी 8:11

परमेश्वर येशू ख्रीष्टके मुर्दासे जिन्दा बनैल्कै। आर परमेश्वरके आत्मा आब तोरासिमे बास करैछौ आर ऊ तोरासिके भी आपन आत्माके द्वारा मुर्दासे फेर जिन्दा बनैतौ।

रोमी 8:13

कहिनेकी अगर तुहेंसब पापी स्वभावके मुताबिक जियैछैं ते, तुहेंसब परमेश्वरसे अलग भ्या जैभैं, मगर यदि तुहेंसब परमेश्वरके आत्माके शक्तिसे पापी स्वभावके कामसिके बन्द कर्भैं ते, तुहेंसब जिभैं।

रोमी 8:9

मगर परमेश्वरके आत्मा तोरासिमे बास करैछौ ते, तुहेंसब पापी स्वभावके नियन्त्रणमे नै, मगर पवित्र आत्माके नियन्त्रणमे छैं। अगर कोय आदमीमे पवित्र आत्मा नैछै ते ऊ ख्रीष्टके नैछै।

१ कोरन्थी 3:16

तोरासिके जरुर मालुम छौ कि तुहेंसब परमेश्वरके मन्दिर छैं, आर परमेश्वरके पवित्र आत्मा तोरासिमे बास करैछौ।

१ कोरन्थी 6:19

तुहेंसब जरुर जानैछैं, कि तोरसिके शरीर मन्दिर छौ जकरामे पवित्र आत्मा रहैछै। तुहेंसब परमेश्वरसे पवित्र आत्मा पैल्हैं छे आर परमेश्वर आपनसिके शरीरके मालिक छै।

१ कोरन्थी 9:17

यदि हमे यी काम आपन इच्छासे करैछियै ते हमे इनाम पैबै। मगर यदि परमेश्वर हमरा यी जिम्मेदारी सौंपल्कै छे ते, हमे कोनो इनामके आशा नैकरे सकैछियै।

२ कोरन्थी 5:16

इहे ल्याके आब हमेसब कोनो आदमीके बाहरी चीजके आधारपर मूल्याङ्कन नैकरैछियै। पहेला हमेसब ख्रीष्टके भी बाहरी चीजके आधारपर मूल्याङ्कन कैलियै रहे, मगर आब हमेसब ओकरा ओरंके नैदेखैछियै। आब हमेसब ओकरा जानी गेलियै छे।

गलाती 2:7

मगर ऊ अगुवासब बुझी गेलै कि परमेश्वर जेरंके पत्रुसके यहूदी आदमीसिके खुश-खबरी प्रचार करैके लिए नियुक्त कैल्कै ओहिने करिके ऊ हमरा गैर-यहूदी आदमीसिके खुश-खबरी प्रचार करैके लिए नियुक्त कैल्कै।

एफिसी 2:22

हे गैर-यहूदी आदमीसब तुहेंसब ख्रीष्टके साथ एकजुट हुऐके कारण तोरासिके भी परमेश्वरके दोसर आदमीसिके संगे जोड्ल जैछौ। तुहेंसब एकटा एरंको इमारतके जुगुर बनैछैं जते परमेश्वरके आत्मा रहैछै।

एफिसी 5:18

अंगुरके मद्द पिबिके मतवाला नैबन, कहिनेकी यी आदमीसिके असभ्य आर अनियन्त्रित तरिकासे व्यवहार करैके कारण बनैछै। बरु, पवित्र आत्माके तोरा आपन शक्तिसे भरैले दहैं।

कलस्सी 4:11

आर येशू जकरा आदमीसब युस्तस कहैछै, तोरासिके नमस्कार भेजल्कौ छे। यहूदी विश्वासीसिके बीचमे खाली यी तीनटा आदमीसब ही परमेश्वरके राज्यके लिए हमर सहकर्मी आर उत्साह भेलै छे।

१ थेसलोनिकी 5:19

पवित्र आत्माके कामके आदमीसिके जीवनमे काम करैसे नैरोक।

१ तिमोथी 1:11

यी सही शिक्षा आपनसिके अदभुद परमेश्वरके महिमाके विषयमे खुश-खबरीसे सहमत हैछै, जे हमरा प्रचार करैके जिम्मेदारी देल्कै छे।

१ तिमोथी 6:20

तिमोथी परमेश्वरके देल काम करैके लिए सुनिश्चित कर। ईश्वरहीन आर बेकारके बातसब आर परमेश्वरके सच्चा शिक्षाके विरोध करेवाला शिक्षासिसे दूर र, जकरा ऊसब गलत तरिकासे “ज्ञान” कहैछै।

२ तिमोथी 1:12

यी इहे कारण छै, कि हमे जेलमे भी दुःख भोगैछियै, मगर हमे लाज नैमानैछियै। कहिनेकी हमे ख्रीष्टके चिन्हैछियै, जकरापर हमे भरोसा कैलियै छे, आर हमरा निश्चय छै कि ख्रीष्ट फेर वापस नै आबैतक जे हमे ओकरा सौंप्लियै छे उटा बातके रक्षा ऊ करे सकैछै।

२ तिमोथी 2:2

तुहें हमरा बहुते आदमीसिके समनामे ख्रीष्टके विषयमे सन्देश सिखैते सुन्लहैं छे। सेल्याके, हमे चाहैछियै कि तुहें भी आपन भरोसा कैल दोसर विश्वासीसिके इहे सन्देश सिखा, आर ऊ विश्वासीसब भी दोसर विश्वासीसिके इहे सन्देश सिखाबैके योग्य हैतै।

१ पत्रुस 1:22

कहिनेकी तुहेंसब सचके पालन करिके शुद्ध भेल छैं, आब तोरासिके आपन विश्वासी भ्या-बहिनसिके निष्कपट प्रेम करे पडैछै। तुहेंसब एक दोसरके पुरा हृदयसे बहुते गहरा प्रेम कर।