२ थेसलोनिकी 3:1 - केवट नया कारार

¹ अन्तमे, हे विश्वासी भ्या-बहिनसब, हमरसिके लिए प्रार्थना कर कि हमेसब प्रभु येशू ख्रीष्टके विषयमे खुश-खबरी सभे जगहमे जल्दीसे फैलाबैले सकियै आर आदमीसब तोरसिके आदर कैल जुगुर आदर करे सकै।

२ थेसलोनिकी 3:1 Iomraidhean Croise

मत्ती 9:38

सेल्याके फसलके प्रभुसंगे प्रार्थना कर ताकी परमेश्वरके राज्यके बारेमे आदमीसिके बताबैके लिए बहुते आदमीसिके भेजी दौ।”

लूका 10:2

येशू ओकरासिके कहैल्कै, “जेरंके खेतमे बहुते फसल हैछै, एरंको बहुते आदमीसब छै जे परमेश्वरके वचन सुनैके लिए तैय्यार छै। मगर परमेश्वरके राज्यके बारेमे बताबैके लिए आदमीसब कम छै। सेल्याके फसलके प्रभुके संगे प्रार्थना कर ताकी परमेश्वरके राज्यके बारेमे आदमीसिके बताबैके लिए बहुते आदमीसिके भेजी दौ।

चुन्ल आर भेज्ल चेलासब 12:24

परमेश्वरके वचन लगातार फैल्ले गेलै आर विश्वासीसिके संख्या लगातार बढले गेलै।

चुन्ल आर भेज्ल चेलासब 19:20

एरंके प्रभुके वचन पुरा शक्ति आर प्रभावसे बढ्ले गेलै आर दूर-दूर तक फैल्ले गेलै।

चुन्ल आर भेज्ल चेलासब 6:7

एरंके परमेश्वरके वचन फैल्ले गेलै आर चेलासिके संख्या यरूशलेम सहरमे बहुते बढ्ते गेलै। आर बहुते यहूदी पुजारीसब भी येशू ख्रीष्टमे विश्वासके यी सन्देशके स्वीकार कैल्कै।

रोमी 15:30

आर हे विश्वासी भ्या-बहिनसब, प्रभु येशू ख्रीष्टमे आपनसिके विश्वासके कारण आर पवित्र आत्मा जे प्रेम अपनासिके देल्कै छे ओकर कारण हमे तोरसिसे बिन्ती करैछियौ कि तुहेंसब हमर लिए परमेश्वरसे बहुत ही मन लग्याके प्रार्थना कर।

१ कोरन्थी 16:9

हमरलगत एत्ते प्रभावशाली रुपसे काम करैके एकटा बडका अवसर छै, भला ही बहुते आदमीसब छै जे हमर विरोध करैछै।

२ कोरन्थी 1:11

इहे बातमे तुहेंसब प्रार्थनाद्वारा हमरासिके सहायता करैछैं। एरंके बहुते आदमीसिके प्रार्थनाके जबाबमे जे आशिषसब हमरासिके मिल्तै, ओकर खातिर बहुते आदमीसब हमरसिके कारण परमेश्वरके धन्यवाद देतै।

२ कोरन्थी 13:11

हे विश्वासी भ्या-बहिनसब, आब अन्तमे तोरासिके आनन्द मिलौ, सिद्ध बन्ते जो, हमर सल्लाह सुन, आपसमे एक मनके भ्याके शान्तिपूर्वक र। आर प्रेम आर शान्ति दिएवाला परमेश्वर तोरसिके संगे रहतौ।

कलस्सी 4:3

आर एकर साथे-साथ हमरसिके लिए भी प्रार्थना कर कि परमेश्वर हमरासिके ख्रीष्टके सन्देश सुनाबैके लिए एकटा मौका दै कि हमे ख्रीष्टके उटा रहस्यके वर्णन करे सकियै जकर खातिर हमे एखन जेलमे पडल छियै।

१ थेसलोनिकी 1:5

कहिनेकी येशू ख्रीष्टके बारेमे हमरसिके खुश-खबरी तोरसिकेलगत खाली बोलीमे नैऐलौ, मगर पवित्र आत्माके शक्तिमे आर ऊ सच छै कहिके पुरा निश्चयताके साथ ऐलौ छे। तुहेंसब जानैछैं कि तोरसिके कल्याणके लिए तोरसिके बीचमे रहै बेरियाँ हमरसिके चालचलन केरं रहै।

१ थेसलोनिकी 1:8

कहिनेकी तोरसिकेद्वारा परमेश्वरके वचन खाली माकेडोनिया प्रदेश आर अखैया प्रदेशमे प्रचार कैल नैगेलै, मगर हमेसब जते जैछियै परमेश्वरमे तोरसिके विश्वासके बारेमे हमरासिके बताबेवाला आदमीसिसे भेट भेलै। सेल्याके हमरासिके तोरसिके बारेमे दोसर आदमीसिके बताना जरुरी नैछै।

१ थेसलोनिकी 2:1

हे विश्वासी भ्या-बहिनसब, तोरसिकेलगत हमरसिके आना उपयोगी भेलै कहिके तोरासिके आपनहैं मालुम छौ।

१ थेसलोनिकी 2:13

सेल्याके हमेसब भी परमेश्वरके धन्यवाद निरन्तर करैछियै, कि जब तुहेंसब परमेश्वरके खुश-खबरीके सन्देश सुन्लहैं, जे हमेसब तोरासिके प्रचार कैलियौ ते, तुहेंसब ओकरा आदमीसिके नै, मगर परमेश्वरके वचन सम्झलहैं आर यी सन्देश परमेश्वरके तरफसे छै कहिके स्वीकार कैल्हैं। आर यी सन्देश जे परमेश्वरके तरफसे छै आब तोरासिमे काम करैछौ, जेसब ख्रीष्टमे विश्वास करैछैं।

१ थेसलोनिकी 4:1

अन्तमे हे विश्वासी भ्या-बहिनसब, हमेसब तोरासिके प्रभु येशूके नाममे आग्रह करैछियौ कि जेरंके हमेसब तोरासिके सिखैलियौ छे, परमेश्वरके खुश करेवाला जीवन जी। तुहेंसब पहलहैसे एरंके जीवन जियैछैं, आर हमेसब तोरासिके एरंके जियैके लिए आरहौ बेसी उत्साह दैछियौ।

१ थेसलोनिकी 5:17

निरन्तर प्रार्थना कर्ते र।

१ थेसलोनिकी 5:25

हे विश्वासी भ्या-बहिनसब, हमरसिके लिए प्रार्थना कर।

२ तिमोथी 2:9

हमे खुश-खबरीके प्रचार करैके कारणसे एकटा अपराधीके जुगुर जेलमे दुःख भोगैछियै। मगर कोनो भी चीज आदमीसिके परमेश्वरके खुश-खबरी फैलाबैसे रोके नैसकैछै।