२ थेसलोनिकी 2:2 - केवट नया कारार

² यदि तुहेंसब प्रभु येशूके वापस आबैके दिन आबी गेलै छे कहिके सुन्भैं ते आपन मनमे आसानीसे निराश नैहइहैं या नैडरइहैं। यी हमे लिख्लियै छे कहिके कोय यी बात आत्मिक दर्शनमे या प्रकाशमे या कोनो चिट्ठीमे तोरासिके कहे सकैछौ।

२ थेसलोनिकी 2:2 Iomraidhean Croise

मत्ती 24:24

कहिनेकी झुट्ठा ख्रीष्टसब आर झुट्ठा परमेश्वरके वक्तासब ऐतै, अगर सम्भव हुए ते उटा आदमीसिके धोखा दियैके लिए जकरा परमेश्वर चुन्लकै छे, ऊसब चिन्ह आर झुट्ठा चमत्कार कर्तै।

मर्कूस 13:7

जब तुहेंसब लडाई आर लडाईके हल्लासब सुन्भैं, तब नैडर। एरं घटनासब होना जरुरी छै। मगर एकरा दुनियाँके अन्त नैसमझिहैं।

लूका 21:19

डटिके र आर तुहेंसब जीवन पैभैं।”

लूका 21:9

घमासान लडाई आर झगडा भेल बात सुनिके नैऔक्तैहैं, संसारके अन्त हुऐसे पहेला यी सभे घटनासब होना जरुरी छै। मगर एकरा दुनियाँके अन्त नैसमझिहैं।”

यूहन्ना 14:1

येशू चेलासिके कहैल्कै, “तोरसिके मन व्याकुल नैहौ। तुहेंसब परमेश्वरपर विश्वास राखैछैं, हम्रहौपर विश्वास राख।

यूहन्ना 14:27

हमे तोरासिके शान्ति दैछियौ यानिकी उटा शान्ति जे हमरलगत छै। यी ऊ शान्ति नैछै जे संसार दिए सकैछै। तुहेंसब आपन मनमे व्याकुल नैहु आर नैडर।”

१ कोरन्थी 1:8

आपनसिके प्रभु येशू ख्रीष्टके यी संसारमे वापस आबैके दिनमे तोरासिके दोषरहित राखैले परमेश्वर तोरासिके अन्ततक विश्वासमे मजगुत राख्तौ।

१ कोरन्थी 14:32

आर एकटा परमेश्वरके वक्ता जे परमेश्वरके वचन बोलैछै ऊ खुदके नियन्त्रित करे सकैछै।

१ कोरन्थी 7:26

कहिनेकी यी समयमे सभे जगहमे विश्वासीसिके लिए कठिन बातसब हैछै, सेल्याके अविवाहित आदमीसिके हमे यी सल्लाह दैछियै कि ऊसब अविवाहित ही रहक।

एफिसी 5:6

ऊ आदमीसिके द्वारा मूर्ख नैबन जेसब यी पापसिके लिए बहाना बनाबैके कोशिश करैछै, कहिनेकी इहे कामसिके कारणसे परमेश्वरके क्रोध ओकर आज्ञा नैमानेवाला आदमीसिपर पडैछै।

१ थेसलोनिकी 3:3

आर कोय भी यी कष्टसिके कारणसे नैडगमगाबै। कहिनेकी तोरासिके मालुम छौ कि आपनसिके लिए इहे परमेश्वरके इच्छा रहै।

१ थेसलोनिकी 4:15

कहिनेकी प्रभु येशूके वचन मुताबिक हमेसब तोरासिके यी कहैछियौ कि अपनासब जे जिन्दा छियै, आर प्रभु येशू फेर वापस आबैतक जिन्दा रहबै ते पहेला मर्ल आदमीसब येशूके भेट नैकरैतक आपनसिके ओकरसे भेट नैहैतै।

१ थेसलोनिकी 5:2

कहिनेकी तुहेंसब आपनहैं बढियाँसे जानैछैं कि जेरंके रातके समयमे चोर आबैछै ओहिने करिके प्रभु येशू भी अचानकसे फेर वापस ऐतै।

२ थेसलोनिकी 2:15

सेल्याके विश्वासी भ्या-बहिनसब, मजगुत भ्याके खडा हु, आर हमेसब तोरसिके संगे व्यक्तिगत रुपमे आर चिट्ठीसिमे बात करैबेरियाँ देल शिक्षामे निरन्तर विश्वास कर।

२ थेसलोनिकी 3:17

हमे, पावल चिट्ठीके यी भाग तोरासिके नमस्कार करैके लिए आपने हातसे लिखैछियौ। इहे तरिकासे हमे आपन सभे चिट्ठीके अन्तिम भाग लिखैछियै, ताकी सभैके मालुम हैतै कि चिट्ठी हमे लिख्लियै छे।

प्रकाश 19:20

मगर उटा जंगली जानवरके पक्डी लेल गेलै आर ओकरसंगे उटा झुट्ठा-भविष्यवक्ताके भी पक्डी लेल गेलै जे जंगली जानवरके तरफसे झुट्ठा चमत्कारसब देख्याके ऊ आदमीसिके बहकैते रहै, जे आदमीसब ऊ जंगली जानवरके छाप आपन कपारमे लेल्कै रहे आर ओकर मूर्तिके पूजा कैल्कै रहे। ऊ जंगली जानवर आर झुट्ठा-भविष्यवक्ता दोनोके गन्धकसे धधक्ते रहेवाला आगिनके कुण्डमे जिन्दे फेकि देल गेलै।