२ थेसलोनिकी 1:8 - केवट नया कारार

⁸ आर परमेश्वरके स्वीकार नैकरेवाला आदमीसिके आर आपनसिके प्रभु येशूके बारेमे खुश-खबरी नैमानेवालासिके ऊ सजाय देतै।

२ थेसलोनिकी 1:8 Iomraidhean Croise

मत्ती 25:41

तकरबाद ऊ आपन बायाँ बगलके आदमीसिके कहतै, ‘श्रापित आदमीसब! हमरसे दूर हो आर शैतान आर ओकर दूतसिके लिए परमेश्वरसे तैय्यार कैल कहियो नैमिझाबेवाला आगिनमे जो।

मत्ती 25:46

तब बायाँ बगलवाला आदमीसब कहियो खतम नैहुएवाला सजायके भागीदार बन्तै, मगर दायाँ बगलवाला धर्मीजनसब कहियो खतम नैहुएवाला जीवनमे प्रवेश कर्तै।’ ”

यूहन्ना 3:19

आर दोष लगाबैके कारण इहे छै कि उजेत संसारमे ऐल छै, आर आदमीसिके काम दुष्ट हुऐके कारणसे आदमीसब उजेतसे बेसी अनहार पसंद करैछै।

यूहन्ना 8:19

तब ऊसब येशूके पुछल्कै, “तोर पिता कते छौ?” येशू जबाब देल्कै, “तुहेंसब नैते हमरा चिन्हैछैं, नैते हमर पिताके चिन्हैछैं, अगर तुहेंसब हमरा चिन्तिहैं ते, हमर पिताके भी चिन्तिहैं।”

चुन्ल आर भेज्ल चेलासब 6:7

एरंके परमेश्वरके वचन फैल्ले गेलै आर चेलासिके संख्या यरूशलेम सहरमे बहुते बढ्ते गेलै। आर बहुते यहूदी पुजारीसब भी येशू ख्रीष्टमे विश्वासके यी सन्देशके स्वीकार कैल्कै।

रोमी 1:28

कहिनेकी ऊसब परमेश्वरके स्वीकार करना मूर्खता सोचल्कै, सेल्याके परमेश्वर भी उटा सभे अनुचित काम करैके लिए ओकरासिके ओकरसिके बेकम्मा मनके वशमे छोडी देल्कै।

रोमी 1:5

अपनासिके परमेश्वरसे अनुग्रह मिल्लै छे आर येशू ख्रीष्टके द्वारा चुन्ल आर भेज्ल चेलाके काम मिल्लै छे ताकी जात-जातके आदमीसब ख्रीष्टमे विश्वास करे सकै आर ओकर आज्ञापालन करे सकै। यी ओकर नामके लिए आदर आन्तै।

रोमी 10:16

मगर ऊसब सभेको खुश-खबरीपर विश्वास नैकैल्कै। परमेश्वरके वक्ता यशैया कहैछै, “हे प्रभु, कोय भी आदमीसब हमरसिके सन्देशपर विश्वास नैकैल्कै।”

रोमी 15:18

कहिनेकी हमे यी कहैके लिए साहासी छियै कि ख्रीष्ट हमरद्वारा जे काम कैल्कै छे, ओकरद्वारा हमे गैर-यहूदी आदमीसिके परमेश्वरके अनुसरण करैके लिए प्रभावित कैलियै छे। ऊसब हमर बोल्ल वचन सुनिके आर हमर कैल काम देखिके परमेश्वरपर भरोसा कैल्कै छे।

रोमी 16:26

मगर आब यी परमेश्वरके वक्तासिके लिख्ल बातसिके द्वारा प्रकट भेलै छे आर आब कहियो खतम नैहुएवाला परमेश्वरके आज्ञाके मुताबिक सभे जात-जातके आदमीसिके मालुम भेलै छे, ताकी सभे जात-जातके आदमीसब विश्वास करिके परमेश्वरके आज्ञापालन करे सकै।

रोमी 6:16

तोरासिके मालुम छौ कि, जब तुहें अपने आपके ककरो दास हुऐके लिए द्या दैछैं ते ऊ आदमी तोर मालिक भ्याजैछै आर तोरा उहे करना चाही जे ऊ कहैछै। तुहेंसब पापके दास हुए सकैछैं जे मौतके महर ल्याजैछै या तुहेंसब परमेश्वरके आज्ञापालन करैके चुनाव करे सकैछैं, जे परमेश्वरसे धर्मी घोषित हुएवाला जीवनके तरफ ल्याजैछै।

१ कोरन्थी 15:34

तोरासिके फेरसे कि सही छै कहिके सोचना चाही आर पाप करैले छोडी देना चाही, कहिनेकी तोरसिमेसे कुछु आदमीसिके परमेश्वरके संगे सही सम्बन्ध नैछौ, इहे ल्याके हमे तोरासिके लाज लगाबैके लिए यी बात कहैछियौ।

२ कोरन्थी 10:5

हमेसब परमेश्वरके ज्ञानके विरोधमे खडा हुएवाला विचारसिके, आर सभे खराब तर्कके नाश करैछियै आर हरेक विचारके कब्जा करिके ख्रीष्टके आज्ञाकारी बन्या दैछियै।

गलाती 3:1

तुहें, हे गलातिया प्रदेशके विश्वासीसब तोरसिके दिमाग खराब भ्या गेलौ छे, कहिनेकी हमे तोरासिके एतनें साफसे वर्णन कैलियौ कि येशू ख्रीष्ट क्रूसपर कहिने मर्लै, ते फेर तुहेंसब उटा बातसे केरंके दूर ज्या सकैछैं। कोय जरुर तोरासिके धोखा देल्कौ छे।

गलाती 4:8

पहेला जब तुहेंसब परमेश्वरके नैचिन्हते रहैं, उटा समयमे तुहेंसब ओकर दास रहैं, जे वास्तवमे ईश्वरसब छैबे नैकरै।

१ थेसलोनिकी 4:5

आर तोरासिके परमेश्वरके नैचिन्हेवाला अविश्वासीसिके जुगुर कामुकताके कुवासनावाला काम नैकरना चाही।

हिब्रू 10:27

मगर ओकरासिके डरके साथ परमेश्वरके न्यायके इन्तजार करना चाही आर ऊसब परमेश्वरके दुश्मन हुऐके कारण धधक्ल आगिनमे भसम हैतै।

हिब्रू 10:30

ओकरासिके बहुते कठोर सजाय देल जैतै कहिनेकी ऊ परमेश्वर छै जे यी बात कहैल्कै, “बदला लिएवाला काम हमर छै, हम्हीं प्रतिफल देबै।” कहेवालाके अपनासब चिन्हैछियै। आर फेर यी भी कहैल्कै छे, “प्रभु आपन आदमीसिके न्याय कर्तै।”

हिब्रू 11:8

विश्वासेद्वारा जब परमेश्वर अब्राहमके एकटा जगहमे जैके लिए बोलैल्कै ते आज्ञापालन करिके एरं जगहमे निक्लीके चल गेलै, जे जगह परमेश्वर उत्तराधिकारके रुपमे ओकरा पाछु देतियै, आर कते जाना छै से बात मालुम नैभेल पर भी आपन देश छोडिके बिदा भ्यागेलै।

हिब्रू 12:29

जेरंके आगिन नाश करैछै ओहिने करिके आपनसिके परमेश्वर भी आपन दुश्मनसिके नाश कर्तै।

हिब्रू 2:3

सेल्याके जरुर ही अपनासिके सजाय मिल्तै यदि अपनासब यी महान उद्धारके तुच्छ समझबै। यी महान उद्धारके घोषणा सभैसे पहेला खुद प्रभु येशू ख्रीष्टके द्वारा कैल गेलै रहे, आर यी बात जे आदमीसब सुनल्कै रहे ओकरसिके द्वारा सच साबित कैल गेलै।

हिब्रू 5:9

परमेश्वर मल्किसदेकके जुगुर ओकरा प्रधान पुजारीके सम्मान देल्कै, जब ऊ आपन मकसद पुरा कैल्कै आर ऊ सभे आदमीसिके लिए जेसब ओकर आज्ञापालन करैछै कहियो खतम नैहुएवाला उद्धारके स्रोत बनी गेलै।

१ पत्रुस 1:2

परमेश्वर पिता बहुते पहेला ही तोरासिके आपन आदमी बनाबैके लिए आर पवित्र आत्माके कामके द्वारा तोरासिके पवित्र बनाबैले चुनैके फैसला कैल्कै रहे। ऊ एरं इहे ल्याके कैल्कै ताकी तुहेंसब येशू ख्रीष्टके आज्ञापालन करहैं आर ओकर खूनके द्वारा शुद्ध हुए सक्हैं। हमे प्रार्थना करैछियौ कि परमेश्वर तोरासिके बहुते अनुग्रह आर शान्ति दौ।

१ पत्रुस 3:6

जेरंके सारा अब्राहमके आज्ञा मान्ते रहै आर ओकरा स्वामी कहते रहै। यानिकी यदि तुहेंसब दोसर आदमीसिके संगे भलाइ करैछैं आर तोरासिमे चिन्तापूर्ण भय नैछौ ते, तुहेंसब साराके बेटीसिके जुगुर हैभैं।

१ पत्रुस 4:17

कहिनेकी न्याय करैके समय आबी गेलै छे कि पहेला परमेश्वरके आदमीसिके न्याय कैल जै, आर जब कि ऊ पहेला अपनासब विश्वासीसिके न्याय कर्तै, इहे ल्याके उटा भयानक चीजसिके विषयमे सोच जे ऊ आदमीसिके संगे हैतै जेसब उटा खुश-खबरीके नैमानैछै जे परमेश्वरके तरफसे आबैछै।

२ पत्रुस 3:7

जेरंके परमेश्वर धर्तीके सृष्टिके आज्ञा देल्कै रहे, ओहिने करिके ऊ आज्ञा देल्कै छे कि वर्तमान ब्रम्हाण्ड तबतक रहै जबतक परमेश्वर एकरा आगिनसे नै जर्या दै। परमेश्वर एकरासिके उटा दिनतक राखल्कै छे जब ऊ सभे आदमीसिके न्याय कर्तै आर ऊ आदमीसिके नाश करि देतै जेसब ओकर सम्मान नैकरैछै। तब परमेश्वर आकाश आर धर्तीके जर्या देतै।

यहूदा 1:7

यी इस्राएलीसब आर स्वर्गदूतसिके जुगुर ऊ आदमीसिके भी याद कर जे सदोम सहर आर गमोरा सहर आर ओकर आस-पासके गाँवमे रहते रहै ओकरसिके संगे कि भेलै रहे। ऊ आदमीसब व्यबिचारी भ्यागेलै आर सभे प्रकारके यौन भ्रष्टतासे भरि गेलै रहे। इहे ल्याके परमेश्वर ओकरासिके आगिनसे नाश करिदेल्कै। ओकरसिके संगे जे भेलै ऊ झुट्ठा शिक्षकसिके लिए एकटा चेतावनी बनी गेलै छे कि ओकरासिके भी कहियो नैमिझाबेवाला आगिनसे सजाय देल जैतै।

प्रकाश 20:10

एकरबाद शैतान पकड्ल जैतै, जे जात-जातके आदमीसिके भर्मैल्कै आर ओकरा गन्धकके आगिनमे फेकि देल जैतै यानिकी उटा आगिनमे जे तालाबके जुगुर बडका छै। जंगली जानवर आर झुट्ठा भविष्यवक्ताके पहेला ही ओत्ते फेकि देल गेलै रहे। आर ओत्ते उटा आगिनमे ओकरासिके सभे दिनके लिए रात-दिन तड्पैल जैतै।

प्रकाश 21:8

मगर जे हमरापर विश्वास नैराखैछै, ओकरासिके जबरजस्ती गन्धकसे जरेवाला उटा तालाबमे फेक्ल जैतै, जे कि दोसर मौत छै। आर यी नतिजा ओकरसिके भी हैतै, जेसब आदमीसिके समनामे हमरा स्वीकार करैसे डराबैछै, खराब कामसब करैछै, जेसब हत्यारासब छै, जेसब व्यबिचार करैछै, जादु-टोना करैछै आर मूर्तिसिके पूजा करैछै या झुठ बोलैछै।”

प्रकाश 6:10

तब ऊसब जोर-जोरसे परमेश्वरसे कहैल्कै, “हे पवित्र आर सच्चा प्रभु, तुहें धर्तीमे रहेवाला ऊ दुष्ट आदमीसिके सजाय दियैमे एतनें लम्बा इन्तजार कहिने करैछ? हमेसब बिन्ती करैछिहौं कि तुहें ऊ आदमीसिके व्यवहारके बदला ल्या जेसब हमरसिके हत्या कैल्कै छे।”