२ थेसलोनिकी 1:12 - केवट नया कारार

¹² एरंके आपनसिके प्रभु येशूके नाम तोरसिकेद्वारा महिमा पैतै। आर तुहेंसब ओकरद्वारा आदर पैभैं। यी सभे कुछु आपनसिके परमेश्वरके आर प्रभु येशू ख्रीष्टके अनुग्रहसे सम्भव भेल छै।

२ थेसलोनिकी 1:12 Iomraidhean Croise

यूहन्ना 17:10

हमरलगत जतनें चेला छै ऊ सभे तोर छै, आर तोरलगत जतनें छै ऊ हमर छै। आर एकरसिके जीवनके द्वारा हमर महिमा प्रकट भेलै छे।

रोमी 1:7

हमे यी चिट्ठी रोम सहरमे भेल तुहेंसब सभैके लिखैछियौ जकरा परमेश्वर प्रेम करैछै आर ओकर सन्तसब हुऐके लिए बोलैल छैं: हमे प्रार्थना करैछियौ कि आपनसिके परमेश्वर पिता आर प्रभु येशू ख्रीष्ट तोरासिके अनुग्रह आर शान्ति दौ।

१ कोरन्थी 1:4

हमे तोरसिके खातिर आपन परमेश्वरके सभे दिन धन्यवाद दैछियै, कहिनेकी येशू ख्रीष्टमे तोरासिके एक बन्याके परमेश्वर आपन अनुग्रहद्वारा तोरासिके बहुते आशिष देल्कौ छे।

२ कोरन्थी 13:4

कहिनेकी ऊ कमजोर भ्याके क्रूसमे काँटी ठोकिके जान मार्ल गेलै, मगर परमेश्वरके शक्तिसे ऊ जिन्दा भेलै। हमेसब ओहिने कमजोर छियै जेरं ख्रीष्ट रहै। तैय्योपर भी परमेश्वरके शक्तिद्वारा हमेसब तोरसिके संगे व्यवहार करैके लिए ओकरसंगे रहबै।

२ कोरन्थी 8:9

तुहेंसब आपनसिके प्रभु येशू ख्रीष्टके अनुग्रहके जानैछैं, कि ऊ मातबर भ्याके भी तोरसिके खातिर गरिब बन्लै ताकी ओकर गरिबीसे तुहेंसब मातबर हुए सक्हैं।

फिलिप्पी 3:9

ताकी हमे ओकरामे एक भ्याके जिये सकियै। हमर धर्मी घोषित होना मूसाके विधि-विधानप्रतिके हमर आज्ञाकारितामे आधारित नैछै, मगर हमर धर्मी घोषित होना इहे छै, जे परमेश्वर ख्रीष्टमे भेल हमर विश्वासके कारणसे देल्कै छे।

२ थेसलोनिकी 1:10

यी तब हैतै जब प्रभु येशू ओकर आदमीसिसे प्रशंसा पाबैके लिए फेर वापस ऐतै, आर ओकरापर विश्वास करेवाला आदमीसब ओकरा आदर देतै आर उटा दिन ओकर प्रशंसा करेवाला आदमीसिमेसे तहुँसब भी हैभैं, कहिनेकी हमेसब ओकर विषयमे जे तोरासिके कहैलियौ ऊ बातमे तुहेंसब विश्वास कैल्हैं।

तीतस 2:11

कहिनेकी परमेश्वर सभे आदमीसिके पापसे बचाबैके रस्ता देख्याके आपन अनुग्रह प्रकट कैल्कै छे।

१ पत्रुस 4:14

यदि ख्रीष्टके नाममे तुहेंसब निन्दित हैभैं ते तुहेंसब धन्यके छैं। कहिनेकी महिमित परमेश्वरके आत्मा तोरासिमे बास करैछौ।

प्रकाश 1:4

हमे, यूहन्ना यी चिट्ठी तुहेंसब सातटा मण्डलीसिके विश्वासीसिके लिए लिखैछियै जे एशिया प्रदेशमे छै। हमे प्रार्थना करैछियै कि आपनसिके परमेश्वर तोरासिके अनुग्रह आर शान्ति दौ। ऊ उहे परमेश्वर छै जे समयके शुरुआतसे ल्याके एखनतक आर सभे दिनके लिए नैबदलैछै। आर ऊ सात आत्मासिके तरफसे, जे परमेश्वरके सिंहासनके समनामे छै।