२ पत्रुस 3:3 - केवट नया कारार

³ सबसे महत्वपूर्ण बात तोरासिके पता होना चाही कि ख्रीष्टके फेर वापस आबैसे पहेला अन्तिम दिनसिमे एरं आदमीसब हैतै जे तोरसिके मजाक उडैतौ कहिनेकी तुहेंसब विश्वास करैछैं कि ख्रीष्ट फेर वापस ऐतै। ऊसब आपन आदतके कारणसे खराब काम कर्तै जे ओकरासिके खुश करैछै।

२ पत्रुस 3:3 Iomraidhean Croise

यूहन्ना 12:48

जे हमरा स्वीकार नैकरैछै आर हमर वचन ग्रहण नैकरैछै, ओकर न्याय करेवाला हमर वचन छै जे हमे कहैलियै छे, उहे वचन संसारके अन्तके दिनमे ओकर न्याय कर्तै।

२ कोरन्थी 4:2

हमेसब शर्मनाक आर गुप्त कामसिके छोडी देलियै छे। नैते हमरसिके स्वभावमे छल-कपट छै आर नैते परमेश्वरके वचनमे हेर-फेर करैछियै। मगर हमेसब परमेश्वरके समनामे खाली सच सिखाबैछियै। सभेकोय गवाही दिए सकैछै कि यी बात सच छै।

२ तिमोथी 3:1

तिमोथी, हमे चाहैछियै कि तुहें यी बात जानीके राख कि यी संसारके अन्तके दिनमे कठिन समय ऐतै।

हिब्रू 1:2

मगर यी अन्तके दिनसिमे ऊ आपन बेटाके द्वारा आपनसिसे बोल्लै छे। परमेश्वर आपन बेटाके द्वारा सारा संसारके रचना कैल्कै आर ओकरा सभे चीजसिके उत्तराधिकारी बनैल्कै।

२ पत्रुस 1:20

मगर यी महत्वपूर्ण छै कि तुहेंसब यी बातके बुझैं कि धरमशास्त्रमे तुहेंसब परमेश्वरके वक्तासिके जे वचन पढैछैं उटा खाली परमेश्वरके वक्तासिके आपन विचार नैछै।

२ पत्रुस 2:10

परमेश्वर जरुर ही ऊ झुट्ठा शिक्षकसिके सजाय देतै, जे आपन दुष्ट, लजलग्गा इच्छाके मुताबिक काम करैछै आर आपन उप्परमे परमेश्वरके अधिकारके अस्वीकार करैछै। ऊसब हठी आर अहंकारी हैछै। ऊसब स्वर्गमे भेल महिमित प्राणीसिके बारेमे अपमान करैले नैडराबैछै।

१ यूहन्ना 2:18

तुहेंसब जे हमर प्यारा बच्चासिके जुगुर छैं, यी संसारके अन्तिम दिनसब छै, आर ख्रीष्ट विरोधीसब आबैछै कहिके तुहेंसब सुन्लहैं छे। ओकर मुताबिक आब बहुते ख्रीष्ट विरोधीसब ऐल छै। एकरासे हमेसब जानैछियै कि यी अन्तिम समय छै।

यहूदा 1:16

यी आदमीसब सभे दिन परमेश्वरके विरुद्धमे बोलैछै आर दोसर आदमीसिमे गल्ती खोजैछै। ऊसब लगातार उटा खराब कामसिके करैछै जे ओकरसिके दिल करैले चाहैछै। ऊसब आपन विषयमे घमण्डसे दावा करैछै आर खुदके लिए फैदा लियैके खातिर दोसर आदमीसिके चापलुसी करैछै।

यहूदा 1:18

ऊसब तोरासिके कहैल्कौ रहे, “आपनसिके प्रभु येशू फेर वापस आबैसे पहेला एरंको आदमीसब हैतै जे प्रभु आर ओकर आदमीसिके मजाक उडैतै। इहे ऊ आदमीसब छै जकरसिके जीवनपर ओकरसिके आपन खराब इच्छाके नियन्त्रण छै।”