२ पत्रुस 3:16 - केवट नया कारार

¹⁶ आपन सभे चिट्ठीसिमे जे ऊ विश्वासीसिके लिखल्कै छे, ऊ इहे तरिकासे लिखैछै जे ऊ तोरासिके लिखल्कौ छे। मगर कुछु बातसब जे ऊ आपन चिट्ठीसिमे लिखल्कै छे, ओकरा समझना कठिन छै। जे आदमीसब बढियाँ शिक्षा नैपैल्कै छे आर जकरासिके निश्चय नैछै कि ऊसब कि विश्वास करैछै, ऊसब यी कठिन बातके मतलबके गलत तरिकासे व्याख्या करैछै, ओहिने ही जेरंके ऊसब धरमशास्त्रके दोसर भागसिके गलत व्याख्या करैछै। एरं करिके ऊसब खुद ही परमेश्वरके द्वारा आपन नाश हुऐके कारण बनैछै।

२ पत्रुस 3:16 Iomraidhean Croise

मत्ती 15:3

येशू ओकरासिके जबाब देल्कै, “तहुँसब कथिले आपन परम्पराके मानैके खातिर परमेश्वरके आज्ञा उलंघन करैछैं?

मत्ती 15:6

एरंके, तुहेंसब धरमशास्त्रके परमेश्वरके आज्ञासिके उलंघन करैछैं।

मत्ती 22:29

येशू ओकरासिके जबाब देल्कै, “तुहेंसब भरममे पड्ल छैं, कहिनेकी तुहेंसब धरमशास्त्र आर परमेश्वरके शक्ति नैजानैछैं।

फिलिप्पी 3:19

विनाश ओकरसिके अन्त छै, ऊसब खाली आपन शारीरिक इच्छा पुरा करैले जियैछै। लाज लागेवाला बातमे ऊसब गर्व करैछै, आर ऊसब सभे दिन खाली संसारके बातके बारेमे सोचैछै।

हिब्रू 5:11

एकर विषयमे बताबैके लिए बहुते कुछु छै मगर ओकर विषयमे विस्तारसे बताना मुश्किल छै। कहिनेकी तुहें परमेश्वरके वचनके विषयमे सिखैमे अस्कतिहा भ्या गेल्हैं छे।

१ पत्रुस 1:1

हमे, पत्रुस, जे येशू ख्रीष्टके चुन्ल आर भेज्ल चेला छियै, यी चिट्ठी लिखैछियै। हमे यी चिट्ठी परमेश्वरके चुन्ल ऊ आदमीसिके लिखैछियै जे पोन्टस, गलातिया, कापाडोकिया, एशिया प्रदेश आर बेथानियाँ प्रदेशके अलग-अलग सहरमे परदेशीसिके जुगुर रहैछै।

१ पत्रुस 2:8

आर फेर धरमशास्त्र यी भी कहैछै, “यी पत्थल आदमीसिके ठोकर खैके कारण हैतै। यी एकटा चट्टान छै जे ओकरसिके गिरैके कारण हैतै।” ऊसब एरंके गिरैछै कहिनेकी ऊसब परमेश्वरके सन्देशके मानैसे इन्कार करैछै। परमेश्वर ओकरसिके संगे इहे हुऐके योजना बनैल्कै छे।

२ पत्रुस 2:1

जेरंके बहुते पहेला गलत शिक्षासब सिखाबेवाला आदमीसब इस्राएलीसिके बीचमे दिखाई देल्कै रहे, ओहिने करिके ही तोरसिके बीचमे झुट्ठा शिक्षकसब दिखाई देतौ। ऊसब झुट्ठा शिक्षासिके गुप्त रुपसे फैल्या देतौ, जे बात आदमीसिके ख्रीष्टमे विश्वास करैसे रोकी देतै। यी झुट्ठा शिक्षकसब ख्रीष्टके आपन मालिक मानैसे भी इन्कार करि देतै आर जे ओकरासिके पापके शक्तिसे छुटकारा देल्कै छे। एरंके ऊसब अपने आपके अचानक नाश करैतै।

२ पत्रुस 2:14

ऊसब हरेक जनानीके संगे व्यबिचार करैले चाहैछै, जकरा ऊसब देखैछै। ऊसब पाप करैके मौका खोजैसे कहियो पाछु नैहटैछै। ऊसब ऊ आदमीसिके धोखा दैछै जेसब ख्रीष्टमे मजगुतीसे विश्वास नैकरैछै, आर ऊसब ओकरासिके पापके तरफ ल्याजैछै। ओकरसिके बेसीसे बेसी चीजसिके पाबैके सभे दिन बढते रहेवाला इच्छाके कारण परमेश्वर ओकरासिके सजाय देतै।

२ पत्रुस 3:14

हे प्रिय विश्वासी भ्या-बहिनसब, परमेश्वर संसारके न्याय करैके दिनके तुहेंसब इन्तजार करैबेरियाँ तोरासिके पवित्र आर निष्खोट हुऐके लिए आर ओकरसंगे शान्तिमे रहैके लिए आपन तरफसे पुरा कोशिश करे पडैछै।

२ पत्रुस 3:2

हमे एरं इहे ल्याके करैछियौ कहिनेकी हमे चाहैछियै कि तुहेंसब उटा वचनसिके याद राख, जे परमेश्वरके वक्तासब बहुते पहेला कहैल्कै रहे आर आपनसिके उद्धारकर्ता, प्रभु येशू ख्रीष्टके शिक्षासिके याद राख जे तोरासिके चुन्ल आर भेज्ल चेलासब देल्कौ जे तोरसिकेलगत ऐलौ रहे।

यहूदा 1:4

हमे तोरासिके लिखैछियौ कहिनेकी कुछु आदमीसब जे येशू ख्रीष्टमे विश्वास करैके दिखावा करैछै, ऊसब तोरसिके मण्डलीमे सामिल भ्या गेलौ छे। ऊसब परमेश्वरके सम्मान नैकरैछै आर ऊसब एरं कहिके गलत शिक्षा दैछै, कहिनेकी परमेश्वर आपन अनुग्रहसे आपनसिके पापसिके माफ करि दैछै, इहे ल्याके अपनासब अनैतिक जीवन जिये सकैछियै। ऊसब येशू ख्रीष्टके अस्वीकार करैछै, जे आपनसिके एक्केटा मालिक आर आपनसिके प्रभु छै। बहुते समय पहेला धरमशास्त्र कहैछै कि परमेश्वर एरं आदमीसिके सजाय देतै।