२ पत्रुस 2:12 - केवट नया कारार

¹² मगर यी शिक्षकसब बेअकल जानवरसिके जुगुर काम करैछै जेसब ओरं करैछै जेरं ओकरसिके शरीर चाहैछै आर जेसब इहे ल्याके जनम हैछै ताकी आदमीसब ओकरासिके फस्याके मारे सकै। कहिनेकी ऊसब यी जानवरसिके जुगुर छै, यी शिक्षकसब उटा चीजसिके अपमान करैछै, जकर विषयमे ऊसब वास्तवमे कुछु भी नैजानैछै। परमेश्वर ओकरासिके ओहिने करिके नाश करि देतै जेरंके आदमीसब जानवरसिके मारैछै।

२ पत्रुस 2:12 Iomraidhean Croise

मर्कूस 7:22

लोभ, दुष्टता, छल, लुचपनी, ईर्ष्या, ईश्वर निन्दा, घमण्ड, मूर्खपन निक्लैछै।

यूहन्ना 8:21

येशू फेर ओकरासिके कहैल्कै, “हमे जैछियौ आर तुहेंसब हमरा खोज्भैं आर तुहेंसब आपन पापके माफी पैले बिना ही मरि जैभैं। जते हमे जैछियै, ओत्ते तुहेंसब नैआबे सक्भैं।”

गलाती 6:8

कहिनेकी जे आदमी आपन पापमय स्वभावके मुताबिक जीवन जियैछै, ऊ काम ओकर लिए कहियो खतम नैहुएवाला मौत आनैछै। मगर जे आदमी पवित्र आत्माके इच्छाके पालन करैछै ऊ आदमी पवित्र आत्मासे आबेवाला कहियो खतम नैहुएवाला जीवन पैतै।

कलस्सी 2:22

यीसब नियमसब बेकार छै कहिनेकी यी सभे बात आदमीसिके आज्ञा आर शिक्षाके मुताबिक छै।

२ पत्रुस 1:4

उहे शक्तिशाली सामर्थ्यके द्वारा ऊ अपनासिके सभे बहुते बढियाँ आर अदभुद प्रतिज्ञासब देल्कै छे। इहे प्रतिज्ञासब ही संसारके दुष्ट मानव इच्छासिसे बचाबैछै आर ईश्वरीय स्वभावमे सामिल बनाबैछै, जे ख्रीष्टमे विश्वास नैकरेवाला आदमीसब करैले नैचाहैछै।

२ पत्रुस 2:19

झुट्ठा शिक्षकसब आदमीसिके बताबैछै कि ऊसब जे कुछु भी करैले चाहैछै उटा करैके लिए आजाद छै जब कि ऊसब खुद ही दाससिके जुगुर छै, कहिनेकी ओकरसिके आपन पापमय स्वभाव ओकरासिके पाप पूर्ण काम करैके लिए मजबूर करैछै। अपनासिके मालुम छै जे कुछु भी तोरासिके नियन्त्रित करैछौ, तुहें ओकर दास बनी जैछैं।

यहूदा 1:10

मगर यी आदमीसब ऊ बातसिके विरुद्ध अपमानजनक तरिकासे बोलैछै, जकरा ऊसब नैबुझैछै। आर जे बातसब ऊसब बुझैछै आर उटा कामसब स्वभाविक तरिकासे बौक जानवरसिके जुगुर करैछै ते, यीसब उटा पापमय कामसिके करैके द्वारा खुदके नाश करैछै।