२ पत्रुस 2:10 - केवट नया कारार

¹⁰ परमेश्वर जरुर ही ऊ झुट्ठा शिक्षकसिके सजाय देतै, जे आपन दुष्ट, लजलग्गा इच्छाके मुताबिक काम करैछै आर आपन उप्परमे परमेश्वरके अधिकारके अस्वीकार करैछै। ऊसब हठी आर अहंकारी हैछै। ऊसब स्वर्गमे भेल महिमित प्राणीसिके बारेमे अपमान करैले नैडराबैछै।

२ पत्रुस 2:10 Iomraidhean Croise

लूका 11:25

जब ऊ भूत घुमिके वापस आबैछै, ऊ आदमीके जीवनके उटा घर जुगुर पाबैछै जकरा साफ सुथरा कैल, सज्याके राख्ल मगर खाली राख्ल छै।

लूका 19:14

मगर ओकर प्रजासब ओकरा घृणा करै, आर ऊसब ओकर पाछु-पाछु दूतसिके एरं कहिके भेजल्कै, ‘ऊ हमरसिके उप्परमे राज्य कैल हमेसब नैचाहैछियै।’

चुन्ल आर भेज्ल चेलासब 23:5

तब पावल कहैल्कै, “हे भैय्या आर बहिनसब, ऊ प्रधान पुजारी छै कहिके हमरा मालुम नैरहै। कहिनेकी धरमशास्त्रमे लिख्ल छै, ‘तुहें आपन आदमीसिके शासकके बुरा-भला नैकहिहैं।’ ”

रोमी 8:1

इहे ल्याके आब येशू ख्रीष्टमे विश्वास करेवाला आदमीसिके कोनो सजाय नैछै।

१ कोरन्थी 6:9

तुहेंसब जरुर ही जानैछैं कि दुष्ट आदमीसब परमेश्वरके राज्यके हकदार नैहैछै। कोय भी आदमी तोरासिके धोखा नैदौ। जे आदमीसब अनैतिक, मूर्तिपुजक, व्यबिचारी, समलिंगी, पुरुषगामी,

२ कोरन्थी 10:3

कारण हमेसब यी संसारमे रहैछियै जरुर, मगर हमेसब आपन दुश्मनसिसे मानवीय तरिकासे नैलडैछियै।

एफिसी 4:19

ऊसब आब खराब काम करैके लिए दोषी महसुस नैकरैछै, सेल्याके ऊसब खुदके खराब काम करैके लिए द्या देल्कै छे। ऊसब लगातार सभे किसिमके अनैतिक काम करैछै आर ऊसब यी चीजसिके ललसा करैले कहियो बन्द नैकरैछै।

एफिसी 5:5

कहिनेकी तुहेंसब यी बात बढियाँसे जानैछैं कि कोनो भी व्यबिचारी आदमी, गन्दा काम करेवाला आदमी या लोभी आदमीके ख्रीष्ट या परमेश्वरके राज्यमे कोनो हिस्सा नैमिल्तै। लोभी आदमी एकटा मूर्तिपूजा करेवाला आदमीके जुगुर छै, जे यी संसारके चीजसिके आराधना करैछै।

कलस्सी 3:5

सेल्याके तोरसिके पापी स्वभावसे जुड्ल खराब कामसब करैले बन्द कर जे यी धर्तीपर छै: यानिकी व्यबिचार, अशुद्धता, कामुकता, शारीरिक इच्छा आर लोभी नैबन जे मूर्तिपूजा करैके जुगुर छै।

१ थेसलोनिकी 4:7

कहिनेकी परमेश्वर अपनासिके अनैतिक जीवन जियैके लिए नै, मगर पवित्र जीवन जियैके लिए बोलैल्कै छे।

२ तिमोथी 3:2

कहिनेकी आदमीसब खाली अपने आपके प्रेम कर्तै, रुपिया पैसाके मोह कर्तै, घमण्डी हैतै, ऊसब दोसर आदमीसिके निन्दा कर्तै, मयाँ-बाबुके आज्ञापालन नैकर्तै, धन्यवादी नैहैतै आर परमेश्वरके सम्मान नैकरिके दुष्ट बन्तै।

तीतस 1:7

कहिनेकी मण्डलीके देख-रेख करेवाला आदमी परमेश्वरके काम करे पडैके कारणसे दोषरहित होना चाही। ऊ आपन चहेल बात पुरा हुऐके चाहना करेवाला या तुरन्ते रिसाबेवाला या मतवाला या झग्डौहा या धन-दौलतके लिए ठगेवाला नै होना चाही।

हिब्रू 13:4

बिहाके सम्मान दहैं आर बिहामे एक-दोसरके प्रति विश्वासयोग्य र। कहिनेकी परमेश्वर व्यबिचारीके आर अनैतिक काम करेवाला आदमीसिके न्याय कर्तै।

२ पत्रुस 3:3

सबसे महत्वपूर्ण बात तोरासिके पता होना चाही कि ख्रीष्टके फेर वापस आबैसे पहेला अन्तिम दिनसिमे एरं आदमीसब हैतै जे तोरसिके मजाक उडैतौ कहिनेकी तुहेंसब विश्वास करैछैं कि ख्रीष्ट फेर वापस ऐतै। ऊसब आपन आदतके कारणसे खराब काम कर्तै जे ओकरासिके खुश करैछै।

यहूदा 1:10

मगर यी आदमीसब ऊ बातसिके विरुद्ध अपमानजनक तरिकासे बोलैछै, जकरा ऊसब नैबुझैछै। आर जे बातसब ऊसब बुझैछै आर उटा कामसब स्वभाविक तरिकासे बौक जानवरसिके जुगुर करैछै ते, यीसब उटा पापमय कामसिके करैके द्वारा खुदके नाश करैछै।

यहूदा 1:16

यी आदमीसब सभे दिन परमेश्वरके विरुद्धमे बोलैछै आर दोसर आदमीसिमे गल्ती खोजैछै। ऊसब लगातार उटा खराब कामसिके करैछै जे ओकरसिके दिल करैले चाहैछै। ऊसब आपन विषयमे घमण्डसे दावा करैछै आर खुदके लिए फैदा लियैके खातिर दोसर आदमीसिके चापलुसी करैछै।

यहूदा 1:18

ऊसब तोरासिके कहैल्कौ रहे, “आपनसिके प्रभु येशू फेर वापस आबैसे पहेला एरंको आदमीसब हैतै जे प्रभु आर ओकर आदमीसिके मजाक उडैतै। इहे ऊ आदमीसब छै जकरसिके जीवनपर ओकरसिके आपन खराब इच्छाके नियन्त्रण छै।”

यहूदा 1:4

हमे तोरासिके लिखैछियौ कहिनेकी कुछु आदमीसब जे येशू ख्रीष्टमे विश्वास करैके दिखावा करैछै, ऊसब तोरसिके मण्डलीमे सामिल भ्या गेलौ छे। ऊसब परमेश्वरके सम्मान नैकरैछै आर ऊसब एरं कहिके गलत शिक्षा दैछै, कहिनेकी परमेश्वर आपन अनुग्रहसे आपनसिके पापसिके माफ करि दैछै, इहे ल्याके अपनासब अनैतिक जीवन जिये सकैछियै। ऊसब येशू ख्रीष्टके अस्वीकार करैछै, जे आपनसिके एक्केटा मालिक आर आपनसिके प्रभु छै। बहुते समय पहेला धरमशास्त्र कहैछै कि परमेश्वर एरं आदमीसिके सजाय देतै।