२ पत्रुस 1:8 - केवट नया कारार

⁸ यदि यी सभे बात तोरासिमे छौ आर बढैछौ ते, यी तोरासिके आपनसिके प्रभु येशू ख्रीष्टके ज्ञानमे उपयोगी आर फलदायक हुऐमे सहायता कर्तौ।

२ पत्रुस 1:8 Iomraidhean Croise

मत्ती 13:22

काँटके झौंकीसिके बीचमे बुन्ल बिहन ऊ एरंको आदमी छै, जे परमेश्वरके वचन सुनिके भी यी संसारके चिन्ता-फिकिर करैछै आर धन-दौलतके मोह-मायामे फसैछै। आर ओकरसिके जीवनमे वचनके बढैसे रोकी दैछै। एरंको आदमी परमेश्वरके वचन मुताबिक नैजिये सकैछै।

मत्ती 20:3

जब ऊ भरौवा न बजे महर चौकमे गेलै, ऊ आरहौ जनसिके चौकमे बेकाम खडा भेल देखल्कै,

मत्ती 20:6

जमिनदार लगभग सझौवा पाँच बजे महर आरहौ आदमीसिके चौकमे खडा भेल देखल्कै, आर ओकरासिके कहैल्कै, तुहेंसब कथिले एत्ते दिनभर बेकाममे खडा छैं?

मत्ती 25:26

ओकर मालिक ओकरा जबाब देल्कै, ‘हे दुष्ट आर आलसी नोकर! जब तोरा मालुम रहौ कि हमे एकटा कठोर आदमी छियै, जे बिहन नैबुनैछै मगर फसल जमा करैके आशा करैछै ते,

यूहन्ना 15:2

हरेक ठ्यार जे हमरासे जुड्ल छै आर फल नैफराबैछै ऊ ओकरा काटी दैछै, आर फल फराबेवाला सभेटा ठ्यारीके आरहौ बेसी फल फरै कहिके ऊ ओकरा साफ करैछै।

यूहन्ना 17:3

कहियो खतम नैहुएवाला जीवन यी छै, कि आदमीसब तोरा चिन्हे सकै, यानिकी खाली एक्केटा सच्चा परमेश्वरके आर ऊसब हमरा चिन्हे सकै कि तुहें हमरा, येशू ख्रीष्टके भेज्लह छे।

यूहन्ना 5:42

मगर तुहेंसब आपन मनमे परमेश्वरके प्रेम नैकरैछैं कहिके हमे जानैछियै।

रोमी 12:11

कडा मेहनत कर आर अस्कतिहा नैहु। पुरा हृदयसे प्रभुके सेवा कर्ते र।

१ कोरन्थी 15:58

सेल्याके हे हमर प्यारा भ्या-बहिनसब, आपन विश्वासमे मजगुत र आर गलत शिक्षासिके द्वारा नैभटक, प्रभुके लिए जे काम तुहेंसब करैछैं ओकरामे विजय हासिल कर, कहिनेकी प्रभुके लिए तुहेंसब जे कुछु भी कर्भैं, ओकर फल तोरा जरुर मिल्तौ।

२ कोरन्थी 13:5

तुहेंसब अपने आपके जाँच, यी देखैके लिए, कि तोर विश्वास सच्चा छौ या नै। कि तुहेंसब आपन विषयमे यी नैजानैछैं जे येशू ख्रीष्ट तोरासिमे छौ? नैते तुहेंसब निकम्मा भेल छैं।

२ कोरन्थी 8:2

जब बहुते बेसी परेशानीसिसे ओकरसिके परीक्षा कैल गेलै ते, ऊसब बहुते आनन्दित भेलै आर जब कि ऊसब बहुते गरिब रहै, तैय्योपर भी ऊसब दोसर विश्वासीसिके सहायता करैके लिए बहुते उदारतासे धन देल्कै।

२ कोरन्थी 8:7

जेरंके तुहेंसब सभे बातमे आगु बढ्ल छैं यानिकी विश्वासमे, प्रचार करैके योग्यतामे, ज्ञानमे, दोसर आदमीसिके वास्ता करैमे आर हमरसिके प्रतिके प्रेममे, ओहिने करिके तुहेंसब गरिब विश्वासीसिके सहायता करैमे भी आगु बढ्ते जो।

२ कोरन्थी 9:14

ऊसब तोरसिके लिए परमेश्वरसे प्रार्थना कर्तौ। ऊसब तोरसिसे बहुते गहरा प्रेम करैछौ, कहिनेकी ऊसब जानैछै कि परमेश्वर तोरासिपर बडका अनुग्रह कैल्कौ छे।

फिलिप्पी 1:9

हमर प्रार्थना इहे छै कि सचके ज्ञान आर बुद्धि-विवेकके साथ एक दोसरके लिए तोरसिके प्रेम लगातार बढ्ते रहौ।

फिलिप्पी 2:5

जेरं ख्रीष्ट येशूके विचार रहै, ओहिने विचार तोरासिमे भी हुवौ;

फिलिप्पी 3:8

मगर येशू ख्रीष्टके हमर प्रभुके रुपमे चिन्हैके कारण, जे सभे चीजसिसे मूल्यवान छै, हमे उटा सभे चीजके हानी सोच्लियै, ओकरे कारण हमे सभे चीज त्यागी देलियै, आर ऊ सभे चीजके कचरा सोच्लियै, ताकी हमे ख्रीष्टके हुए सकियै।

कलस्सी 1:10

हमेसब यी भी प्रार्थना करैछियै कि तुहेंसब एरंके व्यवहार करे सक्हैं जेरंके प्रभुके आदमीसिके व्यवहार करे पडैछै आर तुहेंसब प्रभुके सभे बातमे खुश बनैभैं आर तुहेंसब निरन्तर सभे किसिमके उपयोगी कामसब कर्भैं। आर परमेश्वरके चिन्हैमे तुहेंसब बढ्ते जैभैं।

कलस्सी 2:7

जेरंके गहिर जड गाछके थामैछै आर जग घरके मजगुत राखैछै, ओहिने करिके तुहेंसब भी आपन विश्वासमे मजगुत हु आर तोरासिके सिखैल मुताबिक आपन विश्वासमे निरन्तर बढ्ते जो। आर परमेश्वरप्रति बहुते धन्यवादी हु।

कलस्सी 3:16

ख्रीष्टके वचनके बारेमे हरदम विचार कर, ताकी ऊ तोरसिके काम आर सोचमे नियन्त्रण करौ। पुरा बुद्धिमानीसे एक दोसरके सिखा आर चेतावनी दहैं आर आपन-आपन मनमे धन्यवादके साथ परमेश्वरके लिए भजन, स्तुति आर आत्मिक गीत गा।

१ थेसलोनिकी 3:12

आर हमेसब प्रार्थना करैछियै कि जेरंके हमेसब तोरसिसे प्रेम करैछियौ, ओहिने करिके तोरसिके प्रेम एक दोसरके प्रति आर सभे आदमीसिके लिए बढते आर उमडते रहौ।

१ थेसलोनिकी 4:1

अन्तमे हे विश्वासी भ्या-बहिनसब, हमेसब तोरासिके प्रभु येशूके नाममे आग्रह करैछियौ कि जेरंके हमेसब तोरासिके सिखैलियौ छे, परमेश्वरके खुश करेवाला जीवन जी। तुहेंसब पहलहैसे एरंके जीवन जियैछैं, आर हमेसब तोरासिके एरंके जियैके लिए आरहौ बेसी उत्साह दैछियौ।

२ थेसलोनिकी 1:3

हे विश्वासी भ्या-बहिनसब, तोरसिके लिए सभे दिन हमरासिके परमेश्वरके धन्यवाद चढाना चाही, आर यी करना हमरसिके लिए उचित छै, कहिनेकी तुहेंसब निरन्तर येशू ख्रीष्टमे विश्वास करैछैं आर एक दोसरप्रतिके तोरसिके प्रेम भी बढते गेलौ छे।

१ तिमोथी 5:13

एकर साथे-साथ ऊसब घरे-घर घुमिके कोढनियाँ हुऐले सिखैछै आर खाली कोढनियाँ नै मगर दोसर आदमीसिके बारेमे गलत बात फैलाबैछै, आर दोसरके काममे बेकारमे दखल दैछै आर जे बात नैकहना चाही उटा बातसब कहैछै।

तीतस 3:14

खाली ओतनें ही नै, तुहेंसब विश्वासीसिके बढियाँ कामसब करैमे निरन्तर कडा मेहनत करैके लिए सिखाबे पडैछै ताकी ऊसब आदमीसिके जे जरुरी छै से दिए सक्हैं। एकरासे विश्वासीसिके सहायता हैतै कि ऊसब बेकार जीवन नैजियै आर एकटा मकसदके साथ जीवन जिये सकै।

फिलेमोन 1:6

हमे प्रार्थना करैछियौ कि सभे बढियाँ बात जे परमेश्वर तोरासिके देल्कौ छे यी जानैके कारणसे विश्वासीसिके संगे तोर संगति बढ्ते जौ। यी ख्रीष्टके महिमाके लिए है।

२ पत्रुस 1:2

हमे प्रार्थना करैछियौ कि परमेश्वरके आर येशू आपनसिके प्रभुके ज्ञानमे तुहेंसब बढते जैके समयमे, परमेश्वर तोरासिके बहुतसे बहुत अनुग्रह आर शान्ति दौ।

२ पत्रुस 1:3

परमेश्वर आपन शक्तिके द्वारा अपनासिके उटा सभे कुछु देल्कै छे, जे अपनासिके एकटा ईश्वरीय जीवन जियैके लिए चाही। यी सम्भव छै कहिनेकी अपनासब परमेश्वरके चिन्हैछियै आर ऊ उहे छै जे अपनासिके आपन महिमा आर नैतिक भलाइके द्वारा आपन आदमी हुऐके लिए बोलैल्कै छे।

२ पत्रुस 2:20

जब आदमीसब येशू ख्रीष्टके आपन प्रभु आर उद्धारकर्ता कहिके स्वीकार करैछै, तब ऊसब संसारके दुष्टतासे भागैछै। मगर आब एकबेर फेर ऊसब खराब काम करैमे लिप्त भ्यागेलै छे आर उटा खराब कामसब ओकरासिके नियन्त्रित करैछै, सेल्याके आब ख्रीष्टके अस्वीकार करि देलके बाद ओकरसिके अन्तिम दशा ओकरसिके विश्वासी बनैसे पहेलाके स्थितिसे भी खराब भ्यागेलै छे।

२ पत्रुस 3:18

मगर तोरासिके आपनसिके प्रभु आर उद्धारकर्ता येशू ख्रीष्टके अनुग्रहके आरहौ बेसीसे बेसी अनुभव करना चाही आर ओकर प्रति आपन समझमे बढना चाही। ओकर महिमा एखन आर सभे दिनके लिए हैते रहै। आमेन।