२ पत्रुस 1:3 - केवट नया कारार

³ परमेश्वर आपन शक्तिके द्वारा अपनासिके उटा सभे कुछु देल्कै छे, जे अपनासिके एकटा ईश्वरीय जीवन जियैके लिए चाही। यी सम्भव छै कहिनेकी अपनासब परमेश्वरके चिन्हैछियै आर ऊ उहे छै जे अपनासिके आपन महिमा आर नैतिक भलाइके द्वारा आपन आदमी हुऐके लिए बोलैल्कै छे।

२ पत्रुस 1:3 Iomraidhean Croise

मत्ती 28:18

तब येशू ओकरसिके लगत आबिके कहैल्कै, “स्वर्ग आर धर्तीके सभे अधिकार हमरा देल छै।

रोमी 8:32

परमेश्वर आपन बेटाके ते आपन लिए नैराखल्कै, मगर आपनसिके लिए ओकरा आपन दुश्मनसिके सौंपी देल्कै। ऊ अपनासिके जरुर ही उटा सभे चीज मुफ्तमे देतै जे ऊ अपनासिके प्रतिज्ञा कैल्कै रहे।

रोमी 9:24

चाहे यहूदी आदमीसब है या गैर-यहूदी आदमीसब, अपनासब ऊ चुन्ल आदमीसब छियै।

१ कोरन्थी 1:9

परमेश्वर यी काम कर्तौ कहिनेकी परमेश्वर जे बोलैछै उटा बात करैमे ऊ विश्वासयोग्य छै आर ऊ तोरासिके आपन बेटा, आपनसिके प्रभु येशू ख्रीष्टके संगे सम्बन्धमे बोलैल्कौ छे।

२ कोरन्थी 12:9

मगर ऊ हमरा कहैल्कै, “हमर अनुग्रह तोर लिए काफी छौ, कहिनेकी हमर शक्ति कमजोरीमे ही सिद्ध हैछै।” इहे ल्याके हमे आनन्दसे आपन कमजोरीपर गर्व कर्बै, ताकी ऊ कमजोरीसिके द्वारा हमरामे ख्रीष्टके शक्ति काम कर्ते रहै।

एफिसी 4:1

सेल्याके, हमे जे प्रभु येशूके सेवा करैके कारणसे कैदी छियै, तोरासिके बिन्ती करैछियौ कि उटा बोलावटके संगे जकरासे परमेश्वर तोरासिके आपन सन्तान हुऐके लिए बोलैल्कौ छे, ओकर मुताबिक जीवन जी।

एफिसी 4:4

अपनासब सभे विश्वासी एक्केटा शरीरके अंगसिके जुगुर छियै। अपनासिके एक्केटा पवित्र आत्मा मिल्लै, जेरंके तोरासिके एक्केटा आशा देल गेलौ रहे, जब तोरासिके परमेश्वरके आदमीसब हुऐके लिए चुन्ल गेलौ।

फिलिप्पी 3:8

मगर येशू ख्रीष्टके हमर प्रभुके रुपमे चिन्हैके कारण, जे सभे चीजसिसे मूल्यवान छै, हमे उटा सभे चीजके हानी सोच्लियै, ओकरे कारण हमे सभे चीज त्यागी देलियै, आर ऊ सभे चीजके कचरा सोच्लियै, ताकी हमे ख्रीष्टके हुए सकियै।

फिलिप्पी 4:8

सेल्याके, हे विश्वासी भ्या-बहिनसब, जे-जे बात सच छै, जे-जे बात प्रतिष्ठित छै, जे-जे बात परमेश्वरके नजरमे धर्मी छै, जे-जे बात पवित्र छै, जे-जे बात सुन्दर छै, आर जे-जे बातसब प्रशंसा करैके योग्य छै। अन्तमे जे कोनो भी बात उत्तम या बढाईके योग्य छै उहे बातमे तोरसिके मन लाग्ल रहौ।

कलस्सी 1:16

कहिनेकी जब परमेश्वर सभे चीज सृष्टि कैल्कै ऊ ख्रीष्टके द्वारा सृष्टि कैल्कै। ऊ चाहे आकाशके है या धर्तीपरके, दिखाई दिएवाला है या दिखाई नैदिएवाला, चाहे सिंहासनसब, चाहे प्रभुत्वसब, चाहे शासकसब, अधिकारसब है, सभे चीज ख्रीष्टके द्वारा आर ख्रीष्टके लिए ही बन्ल छै।

१ थेसलोनिकी 2:12

तुहेंसब परमेश्वरके खुश करेवाला जीवन जी, जे तोरासिके आपन राज्य आर महानतामे बोलाबैछौ।

१ थेसलोनिकी 4:7

कहिनेकी परमेश्वर अपनासिके अनैतिक जीवन जियैके लिए नै, मगर पवित्र जीवन जियैके लिए बोलैल्कै छे।

२ थेसलोनिकी 2:14

परमेश्वर हमरसिके प्रचार कैल खुश-खबरीके तोरासिके उद्धार पाबैके लिए प्रयोग कैल्कै ताकी आपनसिके प्रभु येशू ख्रीष्टके आदरमे तुहेंसब भी सामिल हुए सक्हैं।

१ तिमोथी 4:8

कहिनेकी शारीरिक कसरत तोरसिके शरीरके फैदा कर्तौ, मगर भक्ति सभे प्रकारसे फैदाके हैछै, कहिनेकी यी बात धर्तीमे जिन्दा रहैके समयमे आर मर्लके बाद भी इनामके प्रतिज्ञा करैछै।

२ तिमोथी 1:9

ऊ अपनासिके बचैल्कै आर अपनासिके एकटा पवित्र जीवन जियैके लिए बोलैल्कै छे, आर अपनासब बढियाँ काम करैके कारणसे ऊ अपनासिके नैचुनल्कै छे, मगर ओकर आपन योजना आर अनुग्रहके आधारमे छै। यी संसारके सृष्टि हुऐसे पहेला ही परमेश्वर येशू ख्रीष्टके आपनसिके लिए मरैके लिए भेजिके आपन अनुग्रह अपनासिपर देखाबैके योजना बन्या लेल्कै रहे।

हिब्रू 1:3

बेटा ही परमेश्वरके महिमाके उजेत छै आर ऊ सभे प्रकारसे परमेश्वरके जुगुर छै। ऊ आपन शक्तिशाली वचनके द्वारा सृष्टि कैल सभे चीजके सम्हारिके राखैछै। ऊ आदमीसिके ओकरसिके पापसे शुद्ध कैल्कै आर एकरबाद स्वर्गमे परमधन्य परमेश्वरके दहिना हातके बगलमे बैठ्लै।

१ पत्रुस 1:15

तुहेंसब करेवाला सभे बातमे खुदके खराब बातसे अलग कर, कहिनेकी परमेश्वर, जे तोरासिके चुनल्कौ ऊ पवित्र छै।

१ पत्रुस 1:5

आर तोर विश्वासके द्वारा, परमेश्वर आपन शक्तिसे तोरसिके रक्षा करैछौ जबतक कि तुहें शैतानके शक्तिसे पुरा उद्धार पाबि नैलैछहैं जे कि ख्रीष्टके वापस आबैके दिनमे देखैल जैके लिए तैय्यार छै।

१ पत्रुस 2:21

परमेश्वर तोरासिके बोलाबैके एकटा कारण यी छै कि तुहेंसब ओकर खातिर दुःख सही लेभैं। ख्रीष्ट, जे तोरसिके खातिर कष्ट भोगल्कै, ऊ तोरसिके उदाहरण छौ। इहे ल्याके तोरासिके ओकर कैल कामसिके अनुकरण करना चाही।

१ पत्रुस 2:9

मगर तुहेंसब ओरं नैछैं, कहिनेकी तुहेंसब परमेश्वरके चुन्ल आदमीसब छैं, तुहेंसब परमेश्वरके पुजारीसब छैं, जे राजा छै। तुहेंसब परमेश्वरके सेवा करैले समर्पित भेल आदमीसब आर परमेश्वरके निजी प्रजा छैं। ऊ तोरासिके अनहारसे आपन अदभुद उजेतमे आन्लकौ छे, ताकी तुहेंसब परमेश्वरके आश्चर्यपूर्ण कामसिके घोषणा करे सक्हैं।

१ पत्रुस 3:9

खराबीके बदला खराबी नैकरेवाला आर अपमानके बदला अपमान नैकरेवाला, बरु ओकर बदलामे आशीर्वाद दिएवाला हु, कहिनेकी दोसर आदमीसिके आशीर्वाद दियैके लिए परमेश्वर तोरासिके बोलैल्कौ छे। यदि तुहेंसब एरं कर्भैं ते, परमेश्वर तोरासिके भी आशिष देतौ।

१ पत्रुस 5:10

परमेश्वर जे पूर्ण रुपसे अनुग्रहकारी छै, आपनसिके ख्रीष्टके संगे भेल सम्बन्ध हुऐके कारण आपन अनन्त महिमामे अपनासिके साझेदार हुऐके लिए बोलैल्कै छे। तुहेंसब कुछु समयके लिए कष्ट भोग्लके बाद परमेश्वर तोरासिके बढियाँ बनैतौ ताकी तोरासिमे कोनो दोष नैरहौ आर येशू तोरसिके हृदयके मजगुत बनैतौ आर ओकरापर तोरसिके भरोसाके वास्तवमे स्थिर बन्या देतौ।

२ पत्रुस 1:10

सेल्याके हे विश्वासी भ्या-बहिनसब, अपने आपके आर दोसर आदमीसिके यी देखाबैके लिए आरहौ भी बढियाँ व्यवहार करैके कडा मेहनत कर कि परमेश्वर तोरासिके वास्तवमे चुनल्कौ छे आर तोरासिके आपन आदमी हुऐके लिए बोलैल्कौ छे। यदि तुहेंसब एरं कर्भैं ते तुहेंसब निश्चित रुपसे परमेश्वरसे अलग नैहैभैं।

२ पत्रुस 1:2

हमे प्रार्थना करैछियौ कि परमेश्वरके आर येशू आपनसिके प्रभुके ज्ञानमे तुहेंसब बढते जैके समयमे, परमेश्वर तोरासिके बहुतसे बहुत अनुग्रह आर शान्ति दौ।

२ पत्रुस 1:5

कहिनेकी तुहेंसब ईश्वरीय स्वभावमे सामिल हुऐके लिए बन्ल छैं, तुहेंसब ख्रीष्टमे विश्वास करेवाला खाली नै मगर तुहेंसब दोसर आदमीसिके लिए सभे दिन बढियाँ काम करैके कोशिश भी करे पडैछै। तुहेंसब बढियाँ काम करेवाला खाली नै, मगर तुहेंसब समझदारी तरिकासे व्यवहार करेवाला आदमी भी बने पडैछै।

२ पत्रुस 1:6

तोरासिके खाली यी नै जानना चाही कि समझदारीसे केरंके व्यवहार करना छै, बल्की तोरा अपने आपके नियन्त्रित भी करना चाही, तोरासिके नैते खाली अपने आपके नियन्त्रित करना चाही बल्की तोरासिके मुसीबतमे धीरज भी राखना चाही। तोरासिके खाली धीरज ही नैराखना चाही मगर परमेश्वरके खुश करेवाला जीवन भी जिना चाही।

२ पत्रुस 1:8

यदि यी सभे बात तोरासिमे छौ आर बढैछौ ते, यी तोरासिके आपनसिके प्रभु येशू ख्रीष्टके ज्ञानमे उपयोगी आर फलदायक हुऐमे सहायता कर्तौ।

२ पत्रुस 2:20

जब आदमीसब येशू ख्रीष्टके आपन प्रभु आर उद्धारकर्ता कहिके स्वीकार करैछै, तब ऊसब संसारके दुष्टतासे भागैछै। मगर आब एकबेर फेर ऊसब खराब काम करैमे लिप्त भ्यागेलै छे आर उटा खराब कामसब ओकरासिके नियन्त्रित करैछै, सेल्याके आब ख्रीष्टके अस्वीकार करि देलके बाद ओकरसिके अन्तिम दशा ओकरसिके विश्वासी बनैसे पहेलाके स्थितिसे भी खराब भ्यागेलै छे।

२ पत्रुस 3:18

मगर तोरासिके आपनसिके प्रभु आर उद्धारकर्ता येशू ख्रीष्टके अनुग्रहके आरहौ बेसीसे बेसी अनुभव करना चाही आर ओकर प्रति आपन समझमे बढना चाही। ओकर महिमा एखन आर सभे दिनके लिए हैते रहै। आमेन।