२ पत्रुस 1:13 - केवट नया कारार

¹³ हमे जानैछियै कि जबतक हमे यी शरीरमे जिन्दा छियै ते यी उचित छै कि यी बातसिके विषयमे तोरासिके अक्सर याद दिलैते रहियौ, ताकी तुहेंसब उटा बातसब भूली नैजहैं।

२ पत्रुस 1:13 Iomraidhean Croise

२ कोरन्थी 5:8

सेल्याके हमेसब निश्चिन्त रहैछियै आर जब हमेसब मर्बै ते, यी शरीरके छोडिके प्रभुके संगे आपनसिके घरमे रहना आरहौ भी उत्तम मानैछियै।

फिलिप्पी 1:7

तोरसिके सभैके लिए एरं सोचना हमर लिए सही छै, कहिनेकी तोरसिके लिए हमर मनमे विशेष जगह छै। चाहे हमे कैदमे छियै या खुश-खबरीके सच्चाईके साबित आर रक्षा करैछियै, हरेक समयमे तुहेंसब परमेश्वरके अनुग्रहमे हमरसंगे सामिल भेल छैं।

फिलिप्पी 3:10

हमे ख्रीष्टके जाने चाहैछियै। ओकर मुर्दासे जिन्दा हुएवाला शक्तिके अनुभव करियै आर ओकर मौतमे ओकरे जुगुर भ्याके ओकर दुःख भोगमे सामिल हुए सकियै।

२ तिमोथी 1:6

सेल्याके हमे तोरा याद दिलाबैछियौ कि उटा वरदानसिके फेरसे प्रज्वलित कर जे वरदान परमेश्वरके द्वारा तोरा तब देल गेलौ जब हमे तोर मथामे हात राख्लियौ रहे।

हिब्रू 13:3

जेलमे पड्ल आदमीसिके प्रति तोरसिके व्यवहार एरं हौ मान कि तुहेंसब खुद ओकरसिके संगे जेलमे छैं। आर जे आदमीसब सतैल जैछै ओकरासिके एरंके खियाल राख जेरं कि तुहेंसब ओकरसिके दरदके आपन शरीरमे महसुस करैछैं।

२ पत्रुस 1:12

हमे तोरासिके यी बातसिके विषयमे घुरी-घुरीके याद दिलाबे चाहैछियौ, जब कि तोरासिके पहलहैसे यी बातसिके विषयमे मालुम छौ आर तुहेंसब निश्चित छैं कि यी बातसब सच छै।

२ पत्रुस 1:14

कहिनेकी हमे जानैछियै कि हमे जल्दी मरि जैबै, कहिनेकी आपनसिके प्रभु येशू ख्रीष्ट हमरा साफसे देख्या देल्कै छे।

२ पत्रुस 3:1

हे प्रिय विश्वासी भ्या-बहिनसब, हमे तोरासिके यी दोनो चिट्ठी इहे ल्याके लिख्लियौ छे ताकी जे बातसब तुहेंसब पहलहैसे जानैछैं, ओकर विषयमे तोरासिके याद दिलाबैके द्वारा हमे तोरसिके मनसिमे शुद्ध विचारसिके उत्पन्न करे सकियै।