२ पत्रुस 1:12 - केवट नया कारार

¹² हमे तोरासिके यी बातसिके विषयमे घुरी-घुरीके याद दिलाबे चाहैछियौ, जब कि तोरासिके पहलहैसे यी बातसिके विषयमे मालुम छौ आर तुहेंसब निश्चित छैं कि यी बातसब सच छै।

२ पत्रुस 1:12 Iomraidhean Croise

चुन्ल आर भेज्ल चेलासब 16:5

एरंके मण्डलीसब विश्वासमे मजगुत हैते गेलै आर ओकरसिके गिन्ती हरेक दिन बढ्ते गेलै।

फिलिप्पी 3:1

अन्तमे हे प्रिय विश्वासी भ्या-बहिनसब, प्रभुमे आनन्दित र। तोरासिके उहे बातसब घुरी-घुरी लिखना हमरा झन्झट नैलागैछै, कहिनेकी उहे बातसब तोरासिके झुट्ठा शिक्षासे सुरक्षित राख्तौ।

कलस्सी 1:5

तोरसिके विश्वास आर प्रेम तोरसिके लिए स्वर्गमे राख्ल आशामे आधारित छौ। तुहेंसब यी विषयमे पहलहैसे सुन्लहैं रहे, जब आदमीसब पहेला तोरसिकेलगत ऐलौ आर तोरासिके येशू ख्रीष्टके बारेमे खुश-खबरी सुनैल्कौ, जे परमेश्वरके सच्चा सन्देश छै।

कलस्सी 2:7

जेरंके गहिर जड गाछके थामैछै आर जग घरके मजगुत राखैछै, ओहिने करिके तुहेंसब भी आपन विश्वासमे मजगुत हु आर तोरासिके सिखैल मुताबिक आपन विश्वासमे निरन्तर बढ्ते जो। आर परमेश्वरप्रति बहुते धन्यवादी हु।

१ तिमोथी 4:6

यदि तुहें विश्वासी भ्या-बहिनसिके हमर सिखैल बातसिके निरन्तर सिखैभैं, जकर बारेमे हमे तोरा एखन निर्देशन देलियौ छे आर तुहें विश्वासके सन्देशद्वारा मजगुत कैल गेल्हैं छे आर बढियाँ शिक्षाके अनुसरण कैल्हैं छे ते, तुहें येशू ख्रीष्टके एकटा बढियाँ सेवक हैभैं।

२ तिमोथी 1:6

सेल्याके हमे तोरा याद दिलाबैछियौ कि उटा वरदानसिके फेरसे प्रज्वलित कर जे वरदान परमेश्वरके द्वारा तोरा तब देल गेलौ जब हमे तोर मथामे हात राख्लियौ रहे।

हिब्रू 10:32

उटा पहेलाके दिनसिके बारेमे सोच जब तुहें पहेला बेर ख्रीष्टके विषयमे जान्लहैं रहे। याद कर कि एकर लिए तोरासिके भयंकर तकलीफ उठाबे पड्लौ रहे, तैय्योपर तुहेंसब केरं विश्वासयोग्य बन्ल रहैं।

हिब्रू 13:9

सेल्याके तोरासिके यी सभे नया आर अलग-अलग शिक्षासिके अनुसरण नैकरना चाही जे तोरासिके गलत रस्तामे ल्याजैछौ। तोरसिके हृदय परमेश्वरके अनुग्रहसे मजगुत होना चाही मगर खानाके बारेमे नियमसिके पालन करिके नै। कहिनेकी उटा नियमके पालन करेवालासिके कोनो भलाइ नैभेलै छे।

१ पत्रुस 5:10

परमेश्वर जे पूर्ण रुपसे अनुग्रहकारी छै, आपनसिके ख्रीष्टके संगे भेल सम्बन्ध हुऐके कारण आपन अनन्त महिमामे अपनासिके साझेदार हुऐके लिए बोलैल्कै छे। तुहेंसब कुछु समयके लिए कष्ट भोग्लके बाद परमेश्वर तोरासिके बढियाँ बनैतौ ताकी तोरासिमे कोनो दोष नैरहौ आर येशू तोरसिके हृदयके मजगुत बनैतौ आर ओकरापर तोरसिके भरोसाके वास्तवमे स्थिर बन्या देतौ।

१ पत्रुस 5:12

हमे यी छोटका चिट्ठी सिलासके सहायतासे लिख्लियै छे आर तोरासिके भेज्लियौ छे। हमे ओकरा ख्रीष्टमे एकटा विश्वासयोग्य भ्याके रुपमे मानैछियै। यी चिट्ठी लिखैके हमर मकसद तोरासिके उत्साहित करना आर निश्चित करना छै कि जे कुछु भी तुहेंसब अनुभव करैछैं उटा वास्तवमे तोरसिके प्रति परमेश्वरके अनुग्रहके हिस्सा छै। यीटा अनुग्रहमे स्थिर र।

२ पत्रुस 1:13

हमे जानैछियै कि जबतक हमे यी शरीरमे जिन्दा छियै ते यी उचित छै कि यी बातसिके विषयमे तोरासिके अक्सर याद दिलैते रहियौ, ताकी तुहेंसब उटा बातसब भूली नैजहैं।

२ पत्रुस 1:15

सेल्याके हमे तोरासिके यी बातसब एखनी लिखिके कडा मेहनत करैछियै ताकी हमर मौतके बाद तुहेंसब यी बातसिके जहिया भी याद करे सक्हैं।

२ पत्रुस 3:1

हे प्रिय विश्वासी भ्या-बहिनसब, हमे तोरासिके यी दोनो चिट्ठी इहे ल्याके लिख्लियौ छे ताकी जे बातसब तुहेंसब पहलहैसे जानैछैं, ओकर विषयमे तोरासिके याद दिलाबैके द्वारा हमे तोरसिके मनसिमे शुद्ध विचारसिके उत्पन्न करे सकियै।

२ पत्रुस 3:17

सेल्याके हे प्रिय विश्वासी भ्या-बहिनसब, तुहेंसब पहलहैसे जानैछैं कि यी बातसब हैतै। सेल्याके होशियार र, ताकी जे आदमीसब नियमसिके नैमानैछै ओकरसिके झुठसे धोखा नैखो। यदि तुहेंसब ओकरसिके अनुसरण करैछैं ते तुहेंसब उटा बात पर शंका करैले शुरु करि देभैं जकरापर तुहेंसब एक समय मजगुतीसे विश्वास कैल्हैं रहे।

१ यूहन्ना 2:21

हमे तोरासिके इहे ल्याके नैलिखैछियौ, कि तुहेंसब सच्चाईके नैजानैछैं, मगर सेल्याके कि तुहेंसब परमेश्वरके प्रकट कैल सच्चाईके जानैछैं आर सेल्याके कि कोनो भी झुठ सच्चाईके तरफसे नैआबैछै।

२ यूहन्ना 1:2

अपनासिमे भेल सच्चाईके कारणसे हमेसब तोरासिके प्रेम करैछियै आर ऊ सच्चाई सभे दिन आपनसिके संगे रहतै।

यहूदा 1:17

मगर हे प्रिय विश्वासी भ्या-बहिनसब, तुहेंसब उटा बातसिके याद कर जे आपनसिके प्रभु येशू ख्रीष्टके चुन्ल आर भेज्ल चेलासब बहुते पहेला बत्या चुकल्कौ छे।

यहूदा 1:3

हे प्रिय विश्वासी भ्या-बहिनसब, हमे तोरासिके ऊ उद्धारके विषयमे लिखैके लिए सकभर कोशिश कर्ते रहियै जे येशू ख्रीष्टके द्वारा परमेश्वरके तरफसे आबैछै आर जकरामे अपनासब सभेको सहभागी छियै। मगर आब हमे यी चिट्ठीके द्वारा तोरासिके उत्साहित करैके दबाब महसुस करैछियै ताकी तुहेंसब ख्रीष्टियन विश्वासके पक्डीके राखैके लिए आरहौ भी कडा प्रयास कर्भैं। परमेश्वर आपन आदमीसिके लिए यी विश्वास एक्केबेर सभे दिनके लिए द्या देल्कै छे, आर एकरा बदल्ल नै ज्या सकैछै।

यहूदा 1:5

जब कि तुहेंसब यी सच्चाईसे पहेलासे ही परिचित छैं, तैय्योपर भी एत्ते हमर मकसद यी याद दिलाना छै कि प्रभु इस्राएलीसिके दास बनैल जैसे बचैल्कै आर ओकरासिके मिश्र देशसे बाहार आनल्कै, मगर पाछु परमेश्वर ओकरासिके सभैके जान मारल्कै, जेसब मरुभूमीमे ओकरापर भरोसा नैकैल्कै।