२ यूहन्ना 1:1 - केवट नया कारार

¹ यी चिट्ठी हमे, यूहन्ना मण्डलीके अगुवा लिखैछियै। हमे यी चिट्ठी परमेश्वरद्वारा चुन्ल जनानी आर ओकर बेटा-बेटीसिके लिखैछियै, जकरा हमे सच्चा प्रेम करैछियै आर खाली हमे नै, मगर सच्चाईके चिन्हेवाला सभेको ओकरासिके प्रेम करैछै।

२ यूहन्ना 1:1 Iomraidhean Croise

लूका 1:3

हमे भी शुरुहैसे सावधानीके साथ सभे बातके जाँच कैलियै छे आर तोर खातिर एकटा क्रम मुताबिकके विवरण लिखैले हमरा बढियाँ लाग्लै।

यूहन्ना 8:32

तब तुहेंसब सच्चाईके जान्भैं, आर सच्चाई तोरासिके आजाद करि देतौ।”

चुन्ल आर भेज्ल चेलासब 11:30

एरंके उठैल पैसा ऊसब यरूशलेम सहरके मण्डलीके अगुवासिके बरनाबास आर शाउलके हातसे भेजी देल्कै।

रोमी 16:13

प्रभुके सेवामे ओकर विशेष जन, रुफस आर ओकर मयाँ जे हमर लिए भी मयाँके जुगुर छै, ओकरासिके भी हमर नमस्कार कही दहैं।

गलाती 2:14

मगर जब हमे देख्लियै कि ओकरसिके व्यवहार ऊसब जे कर्ते रहै, उटा खुश-खबरीके सच्चा शिक्षाके संगे मेल नैखैते रहै, तब हमे सभैके समनामे खुल्लम-खुल्ला पत्रुसके कहैलियै, “तुहें एकटा यहूदी आदमी भ्याके भी गैर-यहूदी आदमीसिके रिती-रिवाजके पालन करैछ आर यहूदी आदमीसिके रिती-रिवाजके पालन नैकरैछ। तब फेर तुहें गैर-यहूदी आदमीसिके अपनासब यहूदी आदमीसिके रिती-रिवाजसिके पालन करैके लिए कहिने दबाब दैछ?”

गलाती 2:5

खुश-खबरीके सच्चा वचन तोरसिके लिए सुरक्षित रहौ कहिके हमेसब ओकरसिके संगे एक्कोरति सहमत नैभेलियै।

गलाती 3:1

तुहें, हे गलातिया प्रदेशके विश्वासीसब तोरसिके दिमाग खराब भ्या गेलौ छे, कहिनेकी हमे तोरासिके एतनें साफसे वर्णन कैलियौ कि येशू ख्रीष्ट क्रूसपर कहिने मर्लै, ते फेर तुहेंसब उटा बातसे केरंके दूर ज्या सकैछैं। कोय जरुर तोरासिके धोखा देल्कौ छे।

गलाती 5:7

तुहेंसब ख्रीष्टके संगे आपन सम्बन्धमे एतनें बढियाँसे उन्नति कर्ते रहैं। तोरासिके खुदके कक्रहौ भी प्रभावित नैकरैले देना रहौ कि आब तुहेंसब ख्रीष्टके विषयके सच्चा सन्देशपर विश्वास नैकरैछैं।

कलस्सी 1:5

तोरसिके विश्वास आर प्रेम तोरसिके लिए स्वर्गमे राख्ल आशामे आधारित छौ। तुहेंसब यी विषयमे पहलहैसे सुन्लहैं रहे, जब आदमीसब पहेला तोरसिकेलगत ऐलौ आर तोरासिके येशू ख्रीष्टके बारेमे खुश-खबरी सुनैल्कौ, जे परमेश्वरके सच्चा सन्देश छै।

१ तिमोथी 2:4

सभे आदमी सचके ज्ञानमे आबिके उद्धार पाबै कहिके परमेश्वर इच्छा करैछै।

हिब्रू 10:26

अपनासिके यी कामसब करना चाही, कहिनेकी अपनासब ख्रीष्टके विषयके सच्चा सन्देश प्राप्त करि लेलके बाद भी यदि अपनासब जानी-बुझिके पाप कर्ते रहबै ते, एरंको कोनो बलिदान नैछै जकरा परमेश्वर स्वीकार कर्तै जे आपनसिके पापसिके दूर करे सकैछै।

१ पत्रुस 1:2

परमेश्वर पिता बहुते पहेला ही तोरासिके आपन आदमी बनाबैके लिए आर पवित्र आत्माके कामके द्वारा तोरासिके पवित्र बनाबैले चुनैके फैसला कैल्कै रहे। ऊ एरं इहे ल्याके कैल्कै ताकी तुहेंसब येशू ख्रीष्टके आज्ञापालन करहैं आर ओकर खूनके द्वारा शुद्ध हुए सक्हैं। हमे प्रार्थना करैछियौ कि परमेश्वर तोरासिके बहुते अनुग्रह आर शान्ति दौ।

१ पत्रुस 5:1

कुछु एरं बातसब छै जे हमे ओत्ते भेल मण्डलीके अगुवासिके कहैले चाहैछियै कहिनेकी हमे भी तोरसिके जुगुर एकटा मण्डलीके रेख-देख करेवाला छियै। हमे खुद उटा दुःखसिके देख्लियै छे जे बहुते समय पहेला ख्रीष्ट सहैल्कै। जब ऊ फेर वापस ऐतै ते, हमे भी ओकर महिमामे सामिल हैबै। आब हमे तोरासिके आग्रह करैछियौ,

१ पत्रुस 5:13

तोरेसिके जुगुर परमेश्वरद्वारा चुन्ल बेबिलोन सहरके विश्वासीसब तोरासिके नमस्कार भेजल्कौ छे। मर्कूस भी तोरासिके नमस्कार भेजल्कौ छे, जे हमर बेटाके जुगुर छै।

१ यूहन्ना 2:21

हमे तोरासिके इहे ल्याके नैलिखैछियौ, कि तुहेंसब सच्चाईके नैजानैछैं, मगर सेल्याके कि तुहेंसब परमेश्वरके प्रकट कैल सच्चाईके जानैछैं आर सेल्याके कि कोनो भी झुठ सच्चाईके तरफसे नैआबैछै।

१ यूहन्ना 3:18

तुहेंसब जे हमर प्यारा बच्चासिके जुगुर छैं, अपनासिके दोसर आदमीसिके हमेसब तोरासिके प्रेम करैछियौ कहिके खाली कहना नैचाही मगर जरुरत पडल समयमे ओकरसिके सहायता करना चाही।

२ यूहन्ना 1:13

परमेश्वरसे चुन्ल तोरे बहिनके बेटा-बेटीसब तोरा नमस्कार भेजल्कौ छे।

२ यूहन्ना 1:5

आब् हे जनानी, हमे तोरा आग्रह करैछियौ कि अपनासिके एक दोसरसे प्रेम करना चाही। यी एकटा नया आज्ञा नैछौ मगर उटा आज्ञा छै जे आज्ञा अपनासब ख्रीष्टके अनुयायी हुऐके समयसे ही मालुम रहै।

३ यूहन्ना 1:1

यी चिट्ठी हमे, मण्डलीके अगुवा यूहन्ना, प्रिय गायसके लिखैछियै, जकरा हमे सच्चा प्रेम करैछियै।